صفحه 19 از 57: « پیشین 1 ... 18 19 20 ... 56 57 پسین »

اشعار ترکی

banoo

کاربر

ارسالها: 1683

#181 Posted: 26 Feb 2012 06:43

نظر وئروز
گله جاقسان

کوچلرده

یئنی دن دولاناق

گله جاقسان گلین دون نان

الروندا بیر گول دسته سی

سس سیز گله جاقسان

آدوو قویاجاقسان رویا

منده آدیمی قویارام یوخو

من همه شه لیک یوخو

سن همه شه لیک رویا

بوندان سورا کیمسه سنی گورسه

منده گوره

آی کیمی بولاغدا

banoo

کاربر

ارسالها: 1683

#182 Posted: 26 Feb 2012 06:55

یار گلر اولکه میزه؟

نئچه ایل دیر کی گونش تار گلر اولکه میزه

یاز گونی – باهار گونی قار گلر اولکه میزه

بیلمیرم بو آی – بو ایل باغچالار چیچکله نر؟

داغلارا یاقیش یاقار وار گلر اولکه میزه؟

وفا سیز یوچیلارا وفالی یول تاپیلار ؟

یول ایتیرمیش کیمی تک یار گلر اولکه میزه؟

یولچولاردان یاریمین خبرین ایسته میشم

نیله ییم کیمسه گلیب کار گلر اولکه میزه

خانلارین شانسی کیمی یوخدی بیزده بئله شانس

شئر یئرینده قارا ایت هار گلر اولکه میزه

banoo

کاربر

ارسالها: 1683

#183 Posted: 26 Feb 2012 06:56

غزلرییم

غزل ۱

اوزوک کیمی ایتیرمیشم قاشیمی

تاپانميرام وفالي يولداشيمي

بولود قويور باشيني داغ چينينه

من قارا گون هارا قويوم باشيمي

ايسته ميرم ياريم گوروب اينجي يه

گيزله ديرم گوزومده گوزياشيمي

باشماق كيمين زيوار سيزام حيف اولا

تاپانميرام درديمه كفاشيمي

نقاش اولوب خيالينده چكيردير

اول دوداغ ، سونرادا گوز ـ قاشيمي

رنگي قوتولدي بوشلادي طرحيمي

گورمه ديم اوندان سورا نقاشيمي

مسافر اولدوم حيف اولا تانيش يوخ

ايق داليمدا پيشيره آشيمي

-------------------------------------------------------------------------------------------------------

غزل ۲

یئنه غمخانه كيمين دير منه دونيا گئجه لر

سن كي يوخسان گؤره سن گؤزلري دريا گئجه لر

بير قارانلیق كوچه دير ، بير باجادير ، بيرده منم

كيم بيله ر درديميزي همشه، يلدا گئجه لر

گؤزليم گؤزلریني اولدوز ائله گؤزلريمه

بلكه اولسون يوخومون كابوسي ، رؤيا گئجه لر

سن گئدندن سورا بير بوغضدي ساليب درده مني

گوزياشيمدان ائله ديم دردي مداوا گئجه لر

اوره ك اولدي پارالي ، گؤزلريم اولدي يارالي

يارادا هريارايا ائتدي مدارا گئجه لر

من پلنگ لر كيمينيديم آيين اون دورد گئجه سي

آيي اوخشاتدي سنه ائتدي تماشا گئجه لر

سئوگي نين معناسيني گئزمه اوره کلرده کي من

ائتميشم صبحه قدر سئوگيني معنا گئجه لر

-------------------------------------------------------------------------------------------------------

غزل ۳

دونیا منيلن ايسته مير بئش كلمه خوش دانيشا

هر گون كي عمريمدن كئچير بير داشدي كي دئير باشا

بيرجه منه دئسين بيري ، نيله ميشم بو خلقه من

هر كيمسه يولدان كئچينير منيلن ايستير ساواشا

قوش كيمينم كي روزگار ، قاناتلاریمی باغلییب

عقيل دئير قوي باشووي ، آمما اورك دئير ياشا

نه وقته جاق يازيم يازي ، نه وقته جاق چاليم سازي

دنيزلي يم ، دنيزلي يم ، دا طاقتيم گليب باشا

ايسته ييرم بير قوش اولام ، قانات چالام هر طرفه

گئدم اوزاقلاردان ائدم گونلريمي بير تاماشا

-------------------------------------------------------------------------------------------------------

غزل ۴

گوزلـرون آخ نه گوزلديـر ، نه گوزل ، آي پاراسي

اوزی بیر دونیا بویاغ دیرگوزوون آغ ـ قـاراسي

بو نـه گوزياشدي كي طوفانلي ائديب گوزلرووي

جـانيمـا دوشسـون اگر گوزلـروون وار قاداسي

دامجـي دامجـي ييقيليـر خيردا گوزه ، من نه دئيم

دنـيـزه بـنـزيـيــر آمـا ايـكـي كيپـريـك آراسي

ائلـه اولـدوز كيمـي گوزيـاشي يئره توكمه گوزل

ائلـه اولـدوزلارا ديـمـز گونـشـيـن گوشواراسي

آغلامـا ، بيـر بئلـه گوزيـاش ائله مه ، آرخایین اول

قويمارام سئل لره دوشسون گئنه ده ائل ساراسي

-------------------------------------------------------------------------------------------------------

غزل ۵

اونا خاطیر اونا کن ایسته سه ، ایسته مه سه

یازیرام شعریمی من ایسته سه ، ایسته مه سه

آغلیار قانلی بولود یازدا آیدین گوروشه

گویه رر داغدا چمن ایسته سه ، ایسته مه سه

دئمیرم < سیز > آرامیز بوندان آرتیغ سوسون

دئیرم یاریما < سن > ایسته سه ، ایسته مه سه

اوچدو بیر گوش کیمی تک گله جک ، گلمیه جک ؟

سپیرم دام داشا دن ایسته سه ، ایسته مه سه

--------------------------------------------------------------------------------------------
غزل ۶

ائله دولدی گوزومه آیریلیغین غم قانی

قورخورام آغلیام آخ قان گوتوره هر یانی

بئله باخما گوزومه خیردادی آمما دئمه لی

بیر بولاغ دیر کی اوزونده یئر ائدیب دریانی

ائله تئز تئز اوره ییم سینه ده چیرپیر دیه سن

ایسته ییر تیتره ده سینمده اورک دونیانی

یئر - گوی آغز آچدی دئدی گلمه موغانه ساری

خان چوپان آغلا کی سئللر آپاریب سارانی

banoo

کاربر

ارسالها: 1683

#184 Posted: 26 Feb 2012 07:01

تئللي سازين

مجليس‌لري آباد ائله‌ر

نه گوناهي تئللي سازين!

ملول كؤنوللر شاد ائله‌ر

نه گوناهي تئللي سازين!

***

ايكي شجر، ايكي دمير؛

آرا وورمور يالان دئمير.

آند ايچمه‌يير، روشوت يئمير؛

نه گوناهي تئللي سازين!

***

يوْلدان چيخيب يوْلون آزمير،

ايبليس كيمي آرا پوْزمور.

فالچي تكين جادو يازمير

نه گوناهي تئللي سازين

***

موسا دردين سؤيله‌ر سازا؛

اوْ چيچكلي گوللو سازا.

اوْخشامازساز شئييت‌بازا

نه گوناهي تئللي سازين

banoo

کاربر

ارسالها: 1683

#185 Posted: 26 Feb 2012 07:04

سايه نامرديده گزمز حسينون نوكري

اگميوب دنيايه باش اگمز حسينون نوكري

فخر ايدر عنوانينه هر دم حسين عاشقلري

عشقين عالملن عوض ايتمز حسينون نوكري

دوز صود امسه هر كس عالمده گئدر عشقون يولون

گئتميوب بيراهه يول گئتمز حسينون نوكري

نيكنام انسانلارون عالمده آدي زنده دور

باطليله ال اله وئرمز حسينون نوكري

زندگي برنامه سي هيهات منا الذله دور

رخت ذلت اگنينه گيمز حسينون نوكري

باخ حبيب ابن مظاهر پير عشقون عشقينه

مرشدوندن بير دم ال اوزمز حسينون نوكري

كربلاده يان يانا يتمش ايكي قربان ياتوب

ئولميوب جاويدودور ئولمز حسينون نوكري

عشق مولايه برابر جنت و كوثر ندور

كربلاني جنته وئرمز حسينون نوكري

ياده سالدوقجا حسيني گوز ياشي گوزدن الر

شمع تك دايم يانار سونمز حسينون نوكري

باخ علي اوغلي ابولفضده مقام عشقه سن

گون به گون اوج ايلر اسگيلمز حسينون نوكري

اخذ ايدر خلاقيدن باب الحوايج منصبي

بوندان عالي منزلت بولمز حسينون نوكري

اينديده علقم كناريندن گلور بو زمزمه

باش ميرر حقدن ولي دونمز حسينون نوكري

گنبد عباسين اوستونده اسن پرچم ديور

ظلمولن صلح ائتميوب ائتمزحسينون نوكري

داد او ساعتدن دوشوبدي حيدر اوغلي مشكله

بولدي سالم خيميه يئتمز حسينون نوكري

گوز گئدوب قوللار دوشوب دور لشگره سقا دئيور

باش دا گئتسه عهديدن دونمز حسينون نوكري

بيرده سسلندي حسين گل درك ايله عباسيوي

قاندولان ميداني داي گورمز حسينون نوكري

سيدي گل آل اليمدن قانه باتمش پرچمون

دوشمنه بو پرچمون وئرمز حسينون نوكري

نعشيمي سن بيل انان زهرا آپارما خيميه

بوندان آرتوخ خجلته دوزمز حسينون نوكري

سنده "مسكين "درديوي قولسوز قالان عباسه ده

نا اميد هئچ سايلي ايتمز حسينون نوكري

banoo

کاربر

ارسالها: 1683

#186 Posted: 26 Feb 2012 07:05

ايخدا گوندر بو عصرين صاحبين

حجت حق ليل قدرين صاحبين

هفته لر كئچدي يئتشدي ايل باشا

جمعه لر گ وز كاسه سي دولدي ياشا

غصه دن خسته اورك دينجلمدي

قالدي گوزلر يولدا دلبر گلمدي

آختارور دونيا عدالت باده سين

تاپموري بير كس بو دردين چاره سين

دولدوروب ظلم و شقاوت يئر يوزون
حق اولوب ناحق دين يوخ حق سوزون

خلقده رحم و مروت قالمييب

كينه لر آرتيب محبت قالمييب

دولدوروب ريب و ريا محفللري

آللاديب شهد وشكر بولبوللري

حق اولور ناحق مقام و منصبه

آرتيرولار گونده بدعت مكتبه

ال دوتان يوخ بير نفر مظلوميدن

يوخ نشانه حاكم و محكوميدن

ديلده وار يوخدور عملده روح دين

دين اولوب دنيالره حبل المتين

از قالور اولسون گولوستانلار خزان

هارداسان اي باغ دينه باغبان

حق لباسين اگنينه چوخلار گييوب

سفره حقدن ييوب نا حق ديوب

اي ايشقلي ماه تابان هارداسان

محيي احكام قران هارداسان

پس هاچان باشه يئته ر فرقت آقا

گل گتور انسانلارا عزت آقا

ارتيروب صنعت بيزه آسايشي

الدن آلميش دينله آرامشي

دسترسده اولدي اسباب گناه

نفس اماره اليندن آه و آه

اولدي غارت باغ ايمان هارداسان

قالميوب بير كس ده وجدان هارداسان

سسليروخ گل، يوخ اوركدن سسلين

يوخدي ديلده مهر ايمان بسلين

مهدي صاحب زمان فرياده گل

شيعه لر سسلور سني امداده گل

حق دين يوخ قالميشوخ اواره گل

نور حق ظلمتله گل پيكاره گل

هارداسان چاتمور سنه سسلر اقا

هارداسان گورمور سني گوزلر آقا

وعده حق اذن آل داداريدن

آل حسينون قانيني اشراريدن

آند ويروخ بيز سني اوز جاننه

شيع ني قويما بولاشسين قانينه

گل دولوب ظولميله دنياي دني

گل گوزتلير شيعه چوخداندور سني

غم يئلي يخمش حجابين خيمه سين

آز قالير دونياني ويران ايلسين

هارداسان اي روح ايمان هارداسان

يئرده قالدي پاك قانلار هارداسان

وعده حق اذن آل ايله قيام

غرق اولوبدي شبهه ده خاص و عوام

قالدي غربتده ولا اهلي آقا

چاره سيز قالميش دعا اهلي اقا

ايخدا عفو ايله وئر مهلت بيزه

حضرتون ديدارين ايت قسمت بيزه

banoo

کاربر

ارسالها: 1683

#187 Posted: 26 Feb 2012 07:06

قوتارسا بو گئجه صبح اولسا بخت یار اولاجاق

نفس گلوب چمنه تازه دن بهار اولاجاق

محبتین یلی بو خسته جسمه جان ویره جاق

گچن گچوب کله جک یاخش روزگار اولاجاق

یارای چکوب اویادار گل چیچگی قاره بولوط

اوزون گوزون یوواجاق چشمه آبشار اولاجاق

بو باغدا بیر دونه ده قوش گلوب یووا قوراجاق

قاناد چالوب اوچا هر سمته اختیار اولاجاق

صفاسی باغیمیزین سیل کیمی اشوب داشاجاق

فرحلنوب گله بلبل باخوب خومار اولاجاق

*****

داریخما دوز هله کونلوم صاباحا چوخ قالوری

قرا گیجه هامی اسراره پرده دار اولاجاق

یورولما سسله گورونمز نگاری دادیوه سن

کی بیر گوز التی باخیش سالسا شاهکار اولاجاق

اماندی قویما شرافت اوین یخا سئل

شرافت اولماسا بیر کسده نه چیخاراولاجاق

داغیتما فیکرووی قوتلار قویون لباسی گییوب

یاتوبلا قاخسا دومان توز هاموسی هار اولاجاق

بو یول بوتن دره دی داشدی یا تیکانلیقدی

ایاقی اخسا کیمین اوخلانوب شکار اولاجاق

*****

ولی قوتاردی گیجه گون چیخوب شافاغ سپوری

سحر اچیوب گوزونی لاله انتظار اولاجاق

گنه گلون اوخیون وان یکاد یاره گوره

صفالی دولتی عشقیله برقرار اولاجاق

banoo

کاربر

ارسالها: 1683

#188 Posted: 26 Feb 2012 07:07

ایخدا گون گئچدی قالدی حسرتیم

اولمادی قبری حسینون قسمتیم

اولموشام بیر عومریدور دیوانه سی

عاشق شوریده و مستانه سی

چوخلاری پروانه دور حق شمعینه

منده گلدوم قاره کوینک جمعینه

کیم مگر باغ ولانی ایستمز

هانسی عاشق نینوانی ایستمز

باغ رضواندور او آلتی گوشه قبر

قلبلرده قویمیوبدی ذره صبر

هانسی دیوانه بلانی ایستمز

کیم مگر کرب و بلانی ایستمز

کربلا میعادگاه وصلدور

وصل جانان فیکر ایتمه سهلدور

هر نمازیمده واریمدی زمزمه

ایخدا چاتسون الیم نهر علقمه

ازبریم اولموش دیلیمده بو دعا

قسمتیم ایکاش اولیدی کربلا

هئچ دیین یوخ کربلانی نیلوسن

هئچ مگر اوز حالیوی سن بیلموسن

گوزیاشی گرچی اودی خاموش ائدر

اولماسا ایمان ولی ویرمز ثمر

قیل نمازین واجباته ائت عمل

کسب و کارینده حساب ائت فی المثل

باخما سن بازاریده دوربره

ائت توجه " ذرة خیرا یره"

گئجه نی صبحه کیمی هیئتدییم

چون وظیفه بولمورم غفلتدییم

ملتی هرگون بازاردا تولارام

دوز یالان بیر دفعه سوزده قالمارام

بیست و یکم باشه قاره باغلارام

آیری گونلر هئچ نمازه دورمارام

بیر ایلی اصلن کفیمندن قالمارام

لیک عاشوراده شربت پایلارام

باشیوه دگسون سنون بو شربتین

سیندروبسان سن حسینون نهضتین

باشیوه ویرما یالاندان آغلاما

بوشلونون بورجون اضافه ساخلاما

شاه دین جاندان گئچوب ایمان قالا

نه کی بیر عده لره عنوان قالا

گئت اول پاک ائت اوزون مرداریدن

یغ ربا پوللاریوی بازاریدن

ویرمه مجلسده ربا خواره یرین

هرکسیله اولما یولداش چوخ شیرین

قویما مسئول اولسون هر بیر کاره لر

هیئتی ویران ایده ر بد کاره لر

کربلا افضلدی گرچی کعبه دن

دفن اولوب یتمش ایکی باشسیز بدن

اولماسام عارف به حق مولایه من

دوشموشم بیر زحمت بیجایه من

نوحه خواندا درک ایتمور مطلبی

قورتارا وقت اذاندا هیئتی

روز عاشوارا نیاز ایتدی حسین

قانلی میداندا نماز ایتدی حسین

شاه دین ایتدی نمازینه قیام

اوخ قباقینده دیوب ذکر و سلام

مستحبلر واجباتی گیزلدوب

هر کس اورگتسه یالاندان اورگدوب

بی نماز عاشقلری نیلور حسین

فیکر ائدورسن نیتون بیلمور حسین

اول حقیقی شه مجازی ایستمز

هرکس اولسون بی نمازی ایستمز

ایخدا ای کربلانین صاحبی

کربلاده پاک قانین صاحبی

کربلانی عارفانه ایستورم

بیر زیارت خالصانه ایستورم

کربلانی ایستورم من بی ریا

نیلورم اولسا پولوم پول ربا

کربلانی ایستورم اما نه عاق

تا منی مولا حسین ائتسون قوناق

کربلانی ایستیر اهل نماز

چون حسین قاندان الوبدی دستماز

من دئمم گلمه عزیزیم هیئته

گل ولی ساتما ئوزون هر قیمته

بیل کیمه خاطر قرا نی گیمیسن

دوز گلوب باب نجاتی دوگموسن

بو قرا پرچملره محکم یاپش

حق یولون دا ور قدم حقدن دانش

بو حیسن بحر بلا کشتیسیدور

روز محشر شیعه نون منجی سیدور

واجب ایلوبدی بهشتی لم یزل

هرکیمه اغلار حسینه با عمل

کیم حسینه اغلیوب یا اغلادا

روز محشر فاطمه (س) قویماز یانا

banoo

کاربر

ارسالها: 1683

#189 Posted: 26 Feb 2012 07:07

بس منی سئخدی زمانه اورگیم قان اولدی

سرداشیم اولمادی عالم منه زندان اولدی

اوتورا بولمدیم ایوده قاپویا بویلاندیم

بلکه جان صاحبی بیر لحظه نمایان اولدی

سایدیم اولدوزلاری بیر بیر او قرانلوق گیجه ده

اغلادیم صبحه قدر گوزده کی یاش قان اولدی

هی گوزوم یاشینی توکدوم یوزه هجران گیجه سی

قالدی یوللاردا گوزوم صبر ایوی ویران اولدی

بیر کسیم اولمادی سرداشیم اولا غملی گونوم

قورتارام جانیمی غمدن مگر امکان اولدی

آیریلیقدان باشما گلدی نه لر بولمدون هئچ

سئل کیمی غم توکولوب باشیمه عمان اولدی

تانری چاره م ندی عشقون قوشی باغیمدن اوچوب

بولورم گئتدی هارا کیملره مهمان اولدی

بولمورم یول اوزاق اولدی کی گلوب چئخمادی یار

یا وفاسیزلیق ایدوب اوزگیه جانان اولدی

یا کی مندن اورگی سیندی داها گلمیجک

یا کی اوز باغلادیقی عهدینه پشمان اولدی

یارین عشقیله گئچدیم گئجه می گوندوزومی

وصلینی آرزیلادیم قسمتیم هجران اولدی

آیری بیر سوز دیمرم ساغلیقینی آرزیلارام

بلکه گلدی یئنه اولده کی دوران اولدی

banoo

کاربر

ارسالها: 1683

#190 Posted: 26 Feb 2012 07:08

قییت بو یول کی گئدورسن نگاره چاتمیاجاق

دونوبدی قیش هله فصل بهاره چاتمیاجاق

دومان دوتوب یولی دوز کورسنور ولی دره دی

بو چولده عشق متاعی بازاره چاتمیاجاق

قرانلوق ایجره گیدورسن هانی چراغین بس

چراغی اولمیان اخر کناره چاتمیاجاق

او قرمزی نه شافاغدی نه لاله دور قاندور

اخوبدی داغ داشا بیر اعتباره چاتمیاجاق

باتوبدی گون بو یرین گونلری دونوب گئجیه

گلن گونه داخی آی یا ستاره چاتمیاجاق

دوتوبدی بو چولی باشدان باشا بوتون ظلومات

اوجور گلور نظره یار یاره چاتمیاجاق

صفحه 19 از 57: « پیشین 1 ... 18 19 20 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا