صفحه 22 از 57: « پیشین 1 ... 21 22 23 ... 56 57 پسین »

اشعار ترکی

banoo

کاربر

ارسالها: 1683

#211 Posted: 10 Apr 2012 06:06

کیمده واردیر گؤزلیم سنده اولان جاذبه لر
سنه دنیاده مگر عاشق اولا ندا غم ائلر ؟
بس دیر اولدورمه یه جکسن گؤزلیم دنیانی
هر یوزی گؤیچک اولا ندا بوقدر چم خم ائلر
اینجیمه گؤز یاشیم آخسا سنی گؤردوکده گولوم
گول آچیل دیکده باهار فصلی بولود شبنم ائلر
ناز و غمزه ن ، یئریشین ، شوخ باخئشین عالم دیر
بیرده زولفون اوزه توکسؤن اودا بیر عالم ائلر
حیف سن گزمه یاراشماز سنه بیگانه ایله
او آچیب سرینی دونیایه سنی محرم ائلر
واحدم عمرومو من عشقیله صرف ایله میشم
عشق یا اؤلدورر آخیر یا منی آدم ائلر
————————————
kimdə vardır gözəlim səndə olan cazibələr
sənə dünyadə məgər aşiq olanda ğəm elər?
bəsdir öldürməyəcəksən gözəlim dünyani
hər yüzi göyçək olanda bu qədər çəm xəm elər
incimə göz yaşım axsa səni gördukdə gülüm
gül açıldikdə bahar fəsli bulud şəbnəm elər
naz u ğəmzən, yerişin, şux baxışın aləmdir
birdə zülfün üzə töksün oda bir aləm elər
heyf sən gəzmə yaraşmaz sənə biganə ilə
o açıb sirrini dünyayə səni məhrəm elər
Vahidəm, ömrümü mən eşqilə sərf eyləmişəm
eşq ya öldürər axir ya məni adəm elər
Əli Ağa Vahid

banoo

کاربر

ارسالها: 1683

#212 Posted: 10 Apr 2012 06:07

گوزلرین آچ بیر گئجه تا من گوروم میخانه نی
( چشمهایت را یک شب باز کن تا من میخانه را در آن ببینم )
دونیانی ترک ایلییپ من دولدوروم پیمانه نی
( دنیا را ترک کرده ، پیمانه را پر کنم )
بی وفا اولسا نیگاری بیر کسین بیچاره دیر
( اگر یار کسی بی وفا باشد ، او بیچاره است )
بولبولون حالین دوشونمز گول، دئمه افسانه نی
( حال بلبل را گل نمی فهمد ، پس افسانه سرایی بس است )

اوت توتار عشقین یولوندا جان ورر بیچاره شمع
( شمع بیچاره در راه عشق آتش میگیرد و جان می دهد )

اما عاشیق سویلیرهر کیم گوره پروانه نی
( اما عاشق دوست دارد که هر کسی پروانه را ببیند )

قانلی کونلوم گوزلییر یول تا سنه قوربان اولا
( چشم خونبار من چشم به راه توست تا قربانت شود )

گل بو هیجراندان خراب ائتمه داها کاشانه نی
( از این هجران بیا و دیگر کاشانه را خراب نکن )

هر کونول الدن وره یارین او بیر ویرانه دیر
( هر دلی که یار خود را از دست بدهد یک ویرانه است )

بیر نظریار ائلسه آباد ائدر ویرانه نی
( اگر یار یک نظر بکند این ویرانه آباد می شود )

گر منی چکسن دارا اولدورسن الدن توتمارام
(اگر مرا به دار می کشی ، بکش ، من تو را از دست نخواهم داد )

اولدور نده اوپ محبتدن دل دیوانه نی
( آری بکش ، نه این که از روی محبت دل دیوانه را ببوسی )

عاشیقه بیر گون دئدیم ترک ائله او یاری ، دئدی
( یک روز به عاشق گفتم ، یارت را ترک کن ، گفت )

بیلمیسن عشق آتشی له یاندیریپ غمخانه نی؟
( نمی دانی که با آتش عشق غمخانه را به آتش کشیده است ؟ )
هامینی ترک ائلرم هر کیمسه واردیر دونیادا
( همگان را ترک می کنم ، هر کسی که در دنیا هست )

اما من ترک ائدمرم او ساقی دوردانه نی
( اما من آن ساقی دردانه را ترک نخواهم کرد )

سنده گل ترک ائله مسجید تا گئدخ میخانه یه
( تو هم بیا مسجد را ترک کن تا با هم به میخانه برویم )

توبه ائد ،سن محرم اول اوپ دیلبر جانانه نی
( توبه کن ، تو محرم شو و دلبر جانانه خود را ببوس )

سونرا گل با هم "وفا" جاندان اولاخ قوربان اونا
( بعد بیا ای وفا تا با هم از جان و دل قربان او شویم )

آغلایاخ شاید اشیدسین گریه ی مستانه نی
( گریه کنیم با هم تا شاید گریه مستانه ما را بشنود )

banoo

کاربر

ارسالها: 1683

#213 Posted: 10 Apr 2012 06:17

دؤلانوردی گئجه لر کوچه ده بیر دیوانه
آغلیوردی دانيشوردی بو سوزی جانانه

بارالها بو سينیق قلبیده ويردیم سنه یر
سن کی گلدون چکیلوب قالمادی بیر بیگانه

شرف مقدمووه نفسیمی قوربان کسدیم
بلی هر بزمیده قوربان کسیلر سلطانه

بیت الاحزاندا تجللا ایلدی جلوه ي نور
نور حوسنوندن ایشیقلاندی سینیق ویرانه

یدّی دفعه ایلدیم شمع وصالونده طواف
نجه کی باشینه شمعون دولانار پروانه

سنکی گلدون منه یر قالمادی ویرانمده
چیخدیم ايودن او ايوی بذل ايلدیم مهمانه

سنون عشقوندی سالیب چوللره آواره منی
نه ايویم واردی بو عالمده نه بیر کاشانه

ایندی سلطان بقایم بو فنا مولکونده
غبطه ایلله بو دیوانیه مین فرزانه.

banoo

کاربر

ارسالها: 1683

#214 Posted: 10 Apr 2012 06:19

دؤزموشم اؤل قدري هيجرانه دؤزومدن كوسموشم

اوزموشم اميد وصلتدن اؤزومدن كوسموشم

اويموشام(1) ايللر بو ظاهيربين گؤزون فيتواسينه

ايري لر دوز گؤرموشم از بس گؤزومدن كوسموشم

گؤرموشم چون مصلحت چنگينده طبعيم رام اؤلور

ائل دن ايلهام آلديغيم شيرين سؤزومدن كوسموشم

banoo

کاربر

ارسالها: 1683

#215 Posted: 10 Apr 2012 06:20

کؤنلومو دائیم امیدیله ن جاوانلاشدیرمیشام
یأس لردن تا قالا ایمن جاوانلاشدیرمیشام
گرچی جور دوریده ن چوخ گؤرموشم اشکنجه لر
هاردا من ای جان جان شیون جاوانلاشدیرمیشام
لشکر غمده ن نه باکیم وار بو گون، کیم، فیکریمه
عشقیده ن گئیدیرمیشه م جوشن جاوانلاشدیرمیشام
روزگارین غملرینده ن درمیشم شن نغمه لر
دؤنده ریب فیکرین مسیرین من جاوانلاشدیرمیشام
هر یاشیللیق روحونو هوپدورموشام ائل یوردونا
چاغلایان چایلار کیمین کؤشن جاوانلاشدیرمیشام
باغبان گولدورمه سه گلشنده گولمز لاله لر
گولموشم، گولدورموشم سوسن جاوانلاشدیرمیشام
«آذراوغلو»ندان چتین گونلرده صبر ئورگنمیشم
قاره بختی ائتمیشم روشن، جاوانلاشدیرمیشام.

banoo

کاربر

ارسالها: 1683

#216 Posted: 10 Apr 2012 06:22

اودلان ای دل شراره شکلینده
اوخی غمدن هزاره شکلینده
سیخیلیب قالما کنج سینمده
سوز دانیش پاره پاره شکلینده
حق سوزون اولماسا اگر آلانی
یازارام بیر اشاره شکلینده
بلکه بیدار اولا یاتان ملت
گئجه وقتی ستاره شکلینده
قویدیلار سکه سکه اوستونده
اولدی عینا مناره شکلینده
دوستلارین فکر و رایی روز عمل
دولانور ماهواره شکلینده
قولاقیمدان بو سوز اوشاقلیقدان
آسلانیب گوشواره شکلینده
آنلاماز شخصی گورسون هر یئرده
قاچ قوتار تئز سواره شکلینده
آلمیشام بوینوما ئولوم دارین
گزورم حق سوزون خریدارین

banoo

کاربر

ارسالها: 1683

#217 Posted: 10 Apr 2012 06:23

گونش باتاندا، اوزاقدان ائشيتدييين سسلر،
او قوملو چؤلده گزن يئللرين حزين سسي دير.
ائشيتدييين آرازين آل ايشيقلارييلا آخان،
گوموشلو دالغالارين گورلايان درين سسي دير.
او دويدوغون آجيليقلار غزللريمده منيم،
کؤنولده گيزلی قالان اسکی غملرين سسي دير.

ترجمه ي فارسي

غروب گاهان، آوای دوردست،
صدای محزون بادهاست
سرگردان در شنزار.
ازارس ، با شکوه نورانیش جاری،
صدای امواج نقره ای می آید
از ژرفا.
زنگ تلخی درغزل هایم ،
ندای غم هاست، پنهان مانده
از دیر باز
در دل من.

banoo

کاربر

ارسالها: 1683

#218 Posted: 10 Apr 2012 06:25

دییردیم دوزرم من یالان ددیم

آیریلیق چتیندی دوزه بیلمیرم

ناشی اوزنچییم غم دریاسینین

سویی چوخ دریندی اوزه بیلمیرم

گوز یاشیم اود توتوب آلشدی گیلم

یول اوسته داغلمش قارا بیر کولم

باغشلا سوگیلیم خسته بولبولم

نغمه لر دوداغدا دوزه بیلمیرم

سوگیمیز اولممیش گوری قازلمش

آریا حسرتین یولی آزلمش

یا آنین یازیسی بله یازلمش

یادا کی گلمیشیخ گوزه بیلمرم

وراغیم جیریلمش ایتیب قلمیم

وصال دنیزینده سینیبدی گمیم

بیره دوزنمیردیم یوز اولوب غمیم

نجه دوزه جه یم یوزه؟ بیلمیرم

سن منی آتیبان توتون اوزگه نی

پای وردین کونلومه غمی.غصه نی

مهرانام ددین کی سومیرم سنی

نه دییم بله بیر سوزه بیلمیرم

banoo

کاربر

ارسالها: 1683

#219 Posted: 10 Apr 2012 06:25

آختارما منی..

بولودلار سس چکیب آغلاشاندا گل

وردغین یارالار ساغلاشاندا گل

بو سویوخ محبت داغلاشاندا گل

گورسن کی من یوخام آختارما منی

(( سید محمد رسولی))

بو غریب شهرده بوجاغلارا باخ

شعیر دفتریمده وراغلارا باخ

اویمده تک به تک اوتاغلارا باخ

گورسن کی من یوخام آختارما منی

چکنده شکلیمی گوزونده یاش چک

اونون یانیندا بیر اوره یی داش چک

سنیله گزدیغیم یرلره باش چک

گورسن کی من یوخام آختارما منی

اولجه یادیندا هاردا دانشد یخ؟

بیر ذره کوزونن یاندیخ آلشد یخ؟

گت همن یره کی اوردا تانشد یخ

گورسن کی من یوخام آختارما منی

آرزیلار مهرانین اوچوب باشینا

اولوم بیردن بیره چخدی قارشینا

یازیبلار بو سوزی قیبر داشینا

گورسن کی من یوخام آختارما منی

banoo

کاربر

ارسالها: 1683

#220 Posted: 10 Apr 2012 06:26

نازلی شیرین دیل واریم ، ئوزگه دیله یازمارام
دوغراسالاردا منی اُوز دیلیمی آتمارام
جنتی وئرسز منه ، دونیانی ساتساز منه
من آنامین ناز دیلین باشقا دیله ساتمارام
شهریاریم دوز دییب قاتما دیلین دیللره
من بو گوزل تورک دیلین آیری دیله قاتمارام
باخ بو دیلین سایه سی ، گزدی آدیم دیللره
اولماسا گر بو دیلیم هئچ یئره من چاتمارام
اوندا کی من اولموشم قورلایین اوز یوردوما
چون بودور عادت منیم ئوزگه یئره یاتمارام
قبریمین اوستونده سیز تورکی بو شعری یازین
اوز دیلیمی آتمارام ، باشقا دیله ساتمارام

صفحه 22 از 57: « پیشین 1 ... 21 22 23 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا