صفحه 24 از 57: « پیشین 1 ... 23 24 25 ... 56 57 پسین »

اشعار ترکی

banoo

کاربر

ارسالها: 1683

#231 Posted: 7 May 2012 11:42

منه ده باخدین او شهلا گوزونله ، من قارا گون
جرئتیم اولمادی بیر كلمه تمنایه گلیم
من جهنم ده ده باش یاسدیقا قویسام سنیله
هئچ آییلمام كی دوروب جنت مآوایه گلیم
ننه قارنیندادا سنله آكیز اولسیدیم اگر
ایسته مزدیم دوغولوب بیرده بو دونیایه گلیم

*****

ملت غمی اولسا بو جوجوقلار چوپه دونمز
اربابلاریمیزدان دا قارینلار طبیل اولماز
دوز واختا دولار تاختا طاباق ادویه ایله
اوندا کی ننه م سانجیلانار زنجفیل اولماز
بو شهریارین طبعی کیمی چیممه لی چشمه
کوثر اولا بیلسه دمیرم سلسبیل اولماز

*****

مومیانین هه وه سی، غنچه نین دهانین فیکری
سبب اولدو بئله بی نام و نشان اولماقیما
انتظاره م کی وئره م جانیمی گورجک یوزونی
نولا ای گول بیر علاج ائت نگران اولماقیما

*****

آي بوتون حوسنوده ليلايه چکن ايلهاميم
مني مجنون کيمي صحرايه چکن ايلهاميم
آي منيم گؤزلريمين ذاتينا معنا يارادان
روحومو شور تماشايه چکن ايلهاميم

banoo

کاربر

ارسالها: 1683

#232 Posted: 7 May 2012 11:46

منده مجنوندان فزون عاشیق لیق استعدادی وار
عاشیق صادق منم مجنونون انجاق ادی وار
قیل تفاخر کیم سنین هم وار من تک عاشیقین
لیلی نین مجنونی شیرینین اگر فرهادی وار

*****
ناله دن دير ني كيمي آوازه ي عشقيم بلند
ناله تركين قيلمارام ني تك كسيلسم بند- بند
قيل مدد اي بخت، يوخسا كام دل ممكن دئيل
بويله كيم اول دلربا بي درد دير من دردمند

*****

نه توتون دور کي چيخار چرخه، دل زاره مگر؟
هجر داغيني اورار لاله عذاريم بو گئجه
پاره- پاره جيگريم، ايتلرينه نذر اولسون
اول سر کويا اگر دوشسه گذاريم بو گئجه

*****
ننه قارنی ایلک بئشیگون
قبرستانلیق سون دئشیگون
نه ایچه رین نه ائشیگون
قارانلیق بیردالان دنیا

banoo

کاربر

ارسالها: 1683

#233 Posted: 7 May 2012 11:48

هر کیم محبت اهلینی سالمیش اذییته
یوخ اوزگه قارقیشیم اونا دوشسون محبته
مندن نه بیرکناره قاچیر نه یاخین گه لیر
کیم اورگه دیب بو غمزه و نازی او آفته

*****

تك تك آییلان وارسادا، حق دادیما چاتسین،
من سالیم اولوم جمله جهان باتسادا باتسین،
میلت نئجه تاراج اولور اولسون نه ایشیم وار؟
دشمنلره محتاج اولور اولسون نه ایشیم وار؟

banoo

کاربر

ارسالها: 1683

#234 Posted: 7 May 2012 11:52

سن سیز ای شوخ منیم خوش گذرانیم یوخدور
سن کی یوخسان ائله بیل جیسمده جانیم یوخدور
عشق پروانه سی یم ، غم اودونا تابئم وار
خسته بولبول کیمی هر لحظه فغانیم یوخدور
بو یامان گونده منیم تکجه اؤمیدیم سن سن
سن سیز هئچ بیر کسه عالمده گمانیم یوخدور
صبر و آرامیمی الدن ، غم هجرانین آلیب
بیرده غم چکمه گه جیسمیمده توانیم یوخدور
حاضیرام جانیمی عشقینده فدا ائیله مه یه
قسم او جانینا بیر ذره یالانیم یوخدور
واحیدم آتش حسرت ، بورویوب دور و بریم
یانیرام حالیمه بیر قلبی یانانیم یوخدور

banoo

کاربر

ارسالها: 1683

#235 Posted: 7 May 2012 11:54

سمیرا آی گوزلیم گوزله سنه گوز ویریلار
دنیانین سقفی بیزیم عشقه دایانماز جیریلار
آی منیم قلبیمین آرامیشی ای تازه گولوم
سنون عشقون له منیم عمریمه عزت ویریلار
قلبیمین ایستدگی سویگیسی والله سنسن
منیم عشقمله سنون عشقه کیتابلار یازیلار.

banoo

کاربر

ارسالها: 1683

#236 Posted: 7 May 2012 11:55

باغ پوزولدو کند داغیلدی اؤلدو بولبول سولدو گول
شاختا چالدی باغلارین بارین، دریلمیکدن کئچیب
بو جهالت بیر مرضدی کیمسه دوتدور فاتحه

دور قبیر قازدیر کفن بیچدیر دیریلمکدن کئچیب
اختیار سیز عمرومون فرشین دار اوستن داره چک

قین جیلان آرخاجدان ایلمک چالما، ایلمکدن کئچیب

اؤز دیلیمدن آسلانیر باشیم، باشیمدان قورخمورام
فیکریمی برک ساخلایین، بوینوم اوزولمکدن کئچیب
جان سیزین، جان تبریزین، جان تورک لرین گویچک دیلی
قوی سؤزوم دیللرده قالسین، دیل بیچیلمکدن کئچیب
آی هاوار باغریم یاریلدی قوللاریمدان ساخلایین

قویمایین قلبیم

سیخیلسین قد کیچیلمک دن کئچیب

banoo

کاربر

ارسالها: 1683

#237 Posted: 7 May 2012 11:56

قاشلارین قیبله گاهدی
قیبله دسم گوناهدی
داغلار دومان چکسه
او داغ من چکن آهدی
عاشیق سوزون گیزلدر
سوزون دوزون گیزلدر
سن چمنه چیخاندا
لاله اوزون گیزلدر
گوزلرن خومار ایندی
یاش توکر یومار ایندی
توک زولفون سینن اوسته
گورن نار اومار ایندی
آچیلارم گول کیمی
اوخرام بولبول کیمی
گویلومه سن دوشنده
سارالارام سونبول کیمی

banoo

کاربر

ارسالها: 1683

#238 Posted: 7 May 2012 11:59

لب لعل نگارى گوردم آنى قانه بنزتدیم
ازون اوستونده زولفين کوفرايله ايمانه بنزتدیم

شياغى گول گيبى قرمز لانوب گلزاره دن دردى
من آنى وحشتیمدن قانلى بير مئيدانه بنزتدیم

تو خونموش حالیله گيسولرى چيننده آسلانمش
ايکى زنجير داره يا ايکى ثعبانه بنزتدیم

او ظالیم خرمن صبرى قيلان غارت زمانینده
رعيت خرمنين يغما ائدن بيرخانه بنزتدیم

بيزیم بو ملتون ابطال ظولمى گوردوگوم ساعت
همان ابطال سحر موسى عمرانه بنزتدیم

شفيقینون اشعارين او خورکن ائيلدیم اینصاف
فضولى تک آنى بير صاحب عرفانه بنزتدیم

banoo

کاربر

ارسالها: 1683

#239 Posted: 7 May 2012 12:04

سئوگيليم
سنينله خوش كئچن او گؤروشلري،
عومرومون ان شيرين يوخوسو سانديم.
سني تانيديغيم او گوندن بري،
ائله بيل يوخودان بيردن اويانديم.
نه شيرين، نه گؤزل بير رؤيا ايدي،
شيرين صؤحبتلرين، شيرين وصالين.
بو بير دوستلوق ايدي، يا سئودا ايدي.
ايليشيب كؤنلومده قالدي خيالين.
مني بو يوخودان اوياتماسينلار،
خيالين كؤنلومدن قوي سيلينمه‌سين.
يانديرسين قلبيمي بو عشقين اودو،
يانديرسين، آشكاردا هئچ بيلينمه‌سين.

banoo

کاربر

ارسالها: 1683

#240 Posted: 7 May 2012 12:04

گئنه قلبیم توتولوپ عشقیمی یاد ایله میشم

منی دیوانه ادن سروری یاد ایله میشم

نه قدر جانیمی توکدوم یولونا بیلمدی او

قلبی آهننن اولان دلبری یاد ایله میشم

نه وفا لر الدیم عمرومو فرش اتدیم اونا

منی مجنون الین ظالمی یاد ایله میشم

عشق اودیلا یانیرام گئتدی فراموش الدی

او غزل یاندیران افسانه نی یاد ایله میشم

صفحه 24 از 57: « پیشین 1 ... 23 24 25 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا