صفحه 26 از 57: « پیشین 1 ... 25 26 27 ... 56 57 پسین »

اشعار ترکی

banoo

کاربر

ارسالها: 1683

#251 Posted: 20 May 2012 07:25

Gəl təbibim
Gəl təbibim özgələr dərdimə dərman eyləməz
Qəlbimi biganələr heç vaxt pərişan eyləməz
Olmuşam mən tək sənə heyran bu aləmdə gözəl
Könlümü başqa baxışlar bil ki heyran eyləməz
Qurban oldum mən sənin hüsni cəmalına maral
Bu ürək ayrılara canımı qurban eyləməz
Bu dağılmış dunyamı çondərdin ey can cənnətə
Düzəxi səndən sonra heç kimsə rızvan eyləməz
Gər səni mən bilməmiş incitmişəm sən əfv elə
Bil ki aşiq öz sevən dildarı gıryan eyləməz
Sən gözəllər yürdü Azərbaycanın bir naz qızı
Səndən ayrısı məni bil duzlu oğlan eyləməz
Şair : Vəhid Şükürzadə
کونول
گل طبیبیم
گل طبیبیم ئوزگه لر دردیمه درمان ائیله مز
قلبیمی بیگانه لر هئچ واخت پریشان ائیله مز
اولموشام من تک سنه حیران بو عالمده گوزل
کونلومی باشقا باخیشلار بول کی حیران ائیله مز
قوربان اولدوم من سنین حوسنی جمالینه مارال
بو اورک آیری لارا جانیمی قوربان ائیله مز
بو داغیلمیش دونیامی چوندردین ای جان جنته
دوزخی سندن سورا هئچ کیمسه ریضوان ائیله مز
گر سنی من بیلمه میش اینجیتمیشم سن عفو ائله
بیل کی عاشیق اؤز سئون دیلداری گریان ائیله مز
سن گوزللر یوردی آذربایجانین بیر ناز قیزی
سن دن آیریسی منی بیل دوزلو اوغلان ائیله مز
شاعیر : وحید شکرزاد

banoo

کاربر

ارسالها: 1683

#252 Posted: 20 May 2012 07:32

نصرت کسمنلی + باشقا بیریسینی سئوه بیلمزسن
هله قلبیمیزده خاطره ایزی

هله آیریلیقین نملیدیر گوزو

هله کی سئویریک بیر بیریمیزی

باشقا بیریسینی سئوه بیلمزسن

گور نئچه نغمه نین بسته سی قالیب

بو اوجاق سونوبسه توستوسو قالیب

الینده الیمین ایستیسی قالیب

باشقا بیریسینی سئوه بیلمزسن

اینجیدیب ، قلبیمه دیه بیلمیرسن

یولونو بیر یوللوق ایه بیلمیرسن

منه «یوخ» سؤزونو دییه بیلمیرسن

باشقا بیریسینی سئوه بیلمزسن

ایل کئچیر ، عومورده خاطیره قالیر

باهار گؤللریمیز غونچه ده سولور

هله کی ، گوزلرین منی آختاریر

باشقا بیریسینی سئوه بیلمزسن

آخار گؤزوموزون یاشی قوروماز

دئییردیک بو ایلقار ـ پیمان پوزولماز

بئله سئوه سئوه آیریلماق اولماز

باشقا بیریسینی سئوه بیلمزسن

banoo

کاربر

ارسالها: 1683

#253 Posted: 20 May 2012 07:33

عومرومدن بیر آن
عومرومدن بیر آنی اوغورلامیشیق
قاچیب بؤلوشوروک بو خلوت یئرده
پاییزدان آیریلان کوچه ری قوشوق
کیم بیلر بلکه ده گؤروشدوک بیرده
بؤشالیر اوره یین دولور گؤزلرین
کئچیتمیش زامانی لعنت له ییرسن
دولاشیب دیلینده قالیر سؤزلرین
اؤزونده بیلمیرسن نه ایسته ییرسن
اؤرتور گؤزلرینی یوخو خوماری
یوخون ساچین کیمی قاریشیق دوشور
فیکیرلی کئچیرسن ، بوگون یوللاری
عنوانین ، آدیملا ، دولاشیق دوشور
ده لی تک داش آتدیق بو ساکیت گوله
او داشی گئریه ، قایتارماق اولمور
بیزیم یالانیمیز ، یئرییر هله
ائله یئرییر کی ، ایزی ده قالمیر
آچادا بیلمیریک سیرری هئچ کیمه
ائله گیزلی گیزلی ، آلیشیریق بیز
بلکه ده بیر دوغرو سئوگی عشقینه
مین یالان اویدوروب دانیشیریق بیز
شاعیر : نصرت کسمنلی

banoo

کاربر

ارسالها: 1683

#254 Posted: 20 May 2012 07:33

آیریلیق
دییه سن یولوموز آیریلدی بیزیم
اورک او اوول کی هوس ده دئییل
آیریلیق اوخویور ،ذ ایندی هر سؤزون
دینله سن سؤزوده ، من اؤزوم دییم
یورغون ، یولچولارا بنزدیم نه غم
یوللار آیاغیمدان ، توتوب ، سورونور
منزیلیم اوزاقدیر ، آستا گئدیرم
سنین سه ، منزیلین داها گؤرونور
افق دا نه یامان قیزاردی بئله
بلکه محبتین غروب چاغی دیر ؟
عومرومدن نئچه ایل وئرمیشم یئله
طالع ده بیر یاندان وئریب داغیدیر !
اوچوردوم گؤیلرین یئددی قاتیندا
آخان اولدوزلاری ، گؤیده توتوردوم
هر گئجه خیالین قانادلاریندا
گونشده یاتیردیم « آی » دا یاتیردیم
یوخ داها صبریم ده چاتیب ساحیله
گئتمه رم من « آی » یا اولدوزا کیمی
عشقیمی بیر دنیز آتیب ساحیله
ارییر داش اوسته ، مئدواز کیمی
نصرت کسمنلی

banoo

کاربر

ارسالها: 1683

#255 Posted: 20 May 2012 07:34

اونداندا باخارسان
دئديم، سون خاطيرم قورو شكيلدي ،
يازدين ، اونوداندا باخارسان آنجاق.
من سني اونوتسام ...
دوشوندون مو بير ،
شكلين سندن اوول اونودولاجاق...
بيليرم،
بير داها دؤنمه يه جك سن ،
عكسين – يانان عشقين بير اوووج كولو...
اؤزون ياد اوره يي دينله يه جك سن ،
شكلينسه قلبيمين دؤيونتوسونو.
سني ساخلاماغا چاتمادي گوجوم،
آچيلان نه واختسا سولمالي ايميش.
شكليني وره قه كؤچورمك اوچون
آرادا نئقاتيو اولمالي ايميش.
بو سويوق كاغيذدا سئوينج دونوبدور ،
كده رين هارداسا يول گلير هله .
اوزونه خفيف بير گولوش قونوبدور ،
هيجرانا باخيرسان سن گوله – گوله...
بير آنين حوكمويله دييشير اينسان،
نئجه عزيز ايدي باياق بو شكيل.
سن اؤزون بير سئوگي خومارينداسان،
هميشه اوياقدير ،
اوياق بو شكيل.
بير كاغيذ اوستونده دونان اوميدين
غملي گؤزلرينده ابدي اوجاق،
شكلين واختي سايان ساعات كيميدي ،
ياديما دوشنده باخيرام آنجاق...
نصرت کسمنلی

banoo

کاربر

ارسالها: 1683

#256 Posted: 20 May 2012 07:34

قاییتما
ایندی کی گئدیرسن سون باهار کیمی
قاییتما گئرییه دورنالار کیمی
یاشا زیروه لرده .یاشا قار کیمی
چئوریلیب یاغیشا سئله قاییتما
ایللریم ناحاقدان اوتدو سنینله
دئمیرم عومور گون بیتدی سنینله
گئتدین نغمه لریم گئتدی سنینله
ایندی غملی اوتن تئله قاییتما
سن گلدین عومرومه دومان چن کیمی
یاشارسان ساچیما دوشن دن کیمی
باری بوندان بئله یاشا من کیمی
قوخلاییب آتدیغین گوله قاییتما.
نصرت کسمنلی

banoo

کاربر

ارسالها: 1683

#257 Posted: 21 May 2012 06:26

گئديرم - معصومه کریمی(دريا)
گئديرم...

سن سيزگئديرم

گلمه مك آدينا

يالنيزليق آدينا

موتسوز،يالنيز،دويغوسوز

و ان اؤنملي سي سن سيزم

بوشهره سيغميرام...

گئديرم...

كولكلي شهري سئوميرم...

گئديرم...

سيجاق سؤگي آختاريرام

آما سني تاپميرام...

درديمي اوره یيمه چاتيب گئديرم

سن سيز، سنين دردينله گئديرم...

بو شهردن گئديرم....!

banoo

کاربر

ارسالها: 1683

#258 Posted: 21 May 2012 06:26

كـــــــــدر . . . - سید مصطفی جمشیدی

بوغازيندا

قيفيللانميش، ياساق دويغولار

گؤزلري؛ كدر دنيزي

آغلاماق و هايقيرماق زوروندا

جان آتير

ايچيمده كي معصوم جوجوق!

banoo

کاربر

ارسالها: 1683

#259 Posted: 21 May 2012 06:27

گؤره سن . . . - سید مصطفی جمشیدی

گؤره سن . . .

ويترين آرخاسيندان

منه خور باخان،

آراميز يالنيز بير شوشه

آما دوغرودا

كيلومترلر اولان،

منيم اولا بيلمه ين اشيالارا

بنزه ييرمي سئوگيليمين باخيشلاري؟

آلينيب ساتيليرمي سئوگيلر؟

جيبلرله اؤلچولورمو عشقلر؟

بئلئيسه

تانري اوتوزوب

تانريليغيني

هرشئيي

هئچ نه يي . . .

banoo

کاربر

ارسالها: 1683

#260 Posted: 21 May 2012 06:27

گوءنشی سلاملایاجام - یاسر فاتحی بابی

آرزو- اثر ایمان ملکی - برای دیدن تصویر در اندازه واقعی کلیک کنید.

بوءتون باجالاری باغلی

ایشیق‏سیز،

گوءنش‏سیز،

اولدوزسوز بیر داخمادا قالمیشام

پنجره‏نین آچیلماغی‏نی گوءدمه‏یه‏جم

قارانلیغی قارغی‏مایاجام

پنجره‏نی آچاجام

گوءنشی سلاملایاجام

ایشیغی قوناق چاغیراجام

نفس چکه‏جگم بو گوءنشلی، ایشیق‏لا دولو داخمامدا

صفحه 26 از 57: « پیشین 1 ... 25 26 27 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا