صفحه 27 از 57: « پیشین 1 ... 26 27 28 ... 56 57 پسین »

اشعار ترکی

banoo

کاربر

ارسالها: 1683

#261 Posted: 21 May 2012 06:28

بو دونیانین گؤزل‏لیگی یئرینده قالاجاق

قوش‏لار اوخویاجاق

بولاق‏لار جوشاجاق

چای‏لار ایسه شورولتویلا آشیب داشاجاق

من اؤلنده

تورپاق‏لاردا چوˇرویه‏جم

حیاتیمدا اولان کیمی اری‏یه‏جم

قبریمه داش قویاجاق‏لار

گوˇل بیتمه‏سین قبریم اوˇسته

من یاتارکن

دونیا هله فیرلاناجاق

منی یاددان چیخارداجاقسان سئوگیلیم

هئچ ائله بیل من یوخ ایدیم

بو تورپاغین یولچوسو دئییل ایدیم

یوخ اولاجام اوˇرک‏لرده

من قلبیندن بیر جام کیمی داغیلاجام

گئدر- گلمز اولاجام من

اونودولاجام

آمّا سنی اونوتمایاجام

یوخ اولسام دا

سئوه- سئوه یوخ اولاجام

banoo

کاربر

ارسالها: 1683

#262 Posted: 21 May 2012 06:29

گله‏جك نسيل‏لر اوخوسون بونو

بو منيم عصريمين احوالاتي‏دير

تمدّون آدينا گوˇوَنن انسان

ياغيشين يئرينه بومبا ياغديرير
اوخويون!

بو بيزيم ياشاييشيميز

بو بيزيم سسيميز، قوپان ناله‏ميز
گله‏جك نسيل‏لر!

بيلميرم او عصير نئجه‏دير آمّا

آللاّهدان سعادت ديلرم سيزه

بيلميرم او عصير نئجه‏دير آمّا

بيزلرده هر ياني ناله بوˇكوبدور

داغ- داشي ظاليم‏لار ظوˇلمو سؤكوبدور

بلكه ده ظاليم‏لار ظوˇلوم توْخومون

سيزلره هديّه – سيزلره گؤره

بو قارا تورپاقدا اكين اكيبدير
گله‏جك نسيل‏لر!

بو منيم عصريمين احوالاتي‏دير

بير آنا، «بالا واي» - دئيه آغلايير

سسيندن آللاّهين عرشي لاخلايير

او ياندان بو اوشاق قاتلي اؤزو

بالاسين پامبيغا بوˇكوب ساخلايير
گله‏جك نسيل‏لر!

بو منيم عصريمين احوالاتي‏دير.

بو قانلي عصيرده، قانلي گوˇن‏لرده

شئيطان انسان‏لارا آللاّهليق ائدير

يالتاق‏لار دونيادا حؤكوم سوˇرورلر

مظلوم‏لار اونلارا يالتاقليق ائدير.

بيزلرده دونيايا گلن آغلايير

هم گلن، هم ده كي، گئدن آغلايير

محبّت اؤلوبدور بو زمانه‏ده

دونيادان محبّت گوˇدن آغلايير
گله‏جك نسيل‏لر!

بيلميرم او عصير نئجه‏دير آمّا

بيزيمكي دومانلي، بيزيمكي قانلي

بيزيمكي يالتاق‏لار زمانه‏سي‏دير

جنايت قوپاران شاهلار دؤره‏سي

گوناهسيز دوستاق‏لار زمانه‏سي‏دير

بو عصير، آللاّهسيز، كتاب‏سيز، دين‏سيز

گومان‏سيز، ايمان‏سيز ظاليم‏لار عصري

بو عصير يالتاقليق ائيله‏ين مظلوم

بو عصير عمل‏سيز عالم‏لر عصري
گله‏جك نسيل‏لر!

قارغي‏يين بيزي

قارغي‏يين بيز كيمي ياشايان‏لاري

قارغي‏يين ظاليمين ظاليم‏ليغي‏ني

مظلومو، ظوˇلوم‏لر داشيان‏لاري

ياشاديق،

عؤمورلر چوˇروتدوك، آمّا

بيلمه‏ديك جانيميز جاندي، داش دئييل

ياشاديق،

عؤمورلر چوˇروتدوك، آمّا

من بيلن، بو عؤمور ياشاييش دئييل

banoo

کاربر

ارسالها: 1683

#263 Posted: 21 May 2012 06:29

كيپريگيمين نارين ياغيشين

سوزولوب آخان ياناغميدان

و اوزومي ايسلادان

گؤزياشيمي سنه تاپشيريرام...

خرابه ايسي توتان دام دیواريمي

خزان ووران، سارالان روزگاريمي

هاراي هاراي دئین ديل دوداغيمي

يولدا قالان گوزلريمي

گؤزياشيمي سنه تاپشيريرام...

كولگ ووران، بولود توتان توپراغيمي

سازاق ووران ائللريمي

سازيم قفسده قالان سوزلريمي

گؤزياشيمي سنه تاپشيريرام...

banoo

کاربر

ارسالها: 1683

#264 Posted: 21 May 2012 06:30

ساري كوينكلي قوشوم

گل اوتور بيرجه يانيمدا

سوئيله سن نعمه لريمدن

او گوزل ائل اوبائيمدان

آخي من باغلي قوشام

قاناديم يوخدي اوچام!

ساري كوينكلي قوشوم

سوئيله سن كورپه قوشوم

بيزيم اؤ قانا باتان، حاققي ديين

سالاريميز، سرداريميزذان نه خبر؟!

بيزيم اؤشهرتي بوللو، سؤزي باللي شهرياردان نه خبر؟!...

اوجا بويلو ساوالاندان، اتيي گوللو سهندلن نه خبر؟!

دئميرم وار خبرون ميخانادن، ميكده دن

ده نازيم شانلي وقارلي موغانيمدان نه خبر؟!

ساري كوينكلي قوشوم

آي منيم هم نفسيم!

خبرون وار دوشموشم بير قفسه يوخ نفسيم؟!

اوره ييم پارچالانيب يوخدي سسيم

ساري كوينكلي قوشوم!

سوئيله سن شهرتيمين قول بوداغي

سوئيله سن «آينازمين» ديل دوداغي.

banoo

کاربر

ارسالها: 1683

#265 Posted: 21 May 2012 06:31

ایکی مین اون ایکی

دئییرلر دونیانین سون ایلی بودور

بو انسان دونیانین اؤلومون گوءدور
گؤزله‏ییر دونیانین اؤلومون، بیلمیر

بو دونیا چوخداندیر سونونا چاتیب

گؤزله‏مه ایکی مین اون ایکی گله

ازلدن باشلارکن ایندیه کیمی

انسان‏لار بیر شیرین یوخویا باتیب

یئنه ده سس‏سیزجه یاتاجاق هله
دوءزدو کی، دونیانی گؤزل‏لیک آلیب

بولودو، یاغیشی، بولاغی گؤزل

بو گوءل‏لو باغچادا محبّت سولوب

بئله بیر سون ایلین چاتماغی گؤزل
بلکه ده ایکی مین اون ایکینجی ایل

انسانی اونودان دونیا داغیلسین

آللاّهدان ایسترم ال‏لریم گؤیده

بو ایلده قلبیمده اومید دوغولسون
ایکی مین اون ایکی

انسان‏لار یوخودان آییلان ایلدیر

بلکه ده ظوءلمه سون قویولان ایلدیر
بو دونیا بیر آزاد نفس چکه‏جک

ظالم‏لر اولماسا، طبیعت اولسا

سون لحظه سئوگیه گؤزون تیکه‏جک

آخی او داغیلماز محبّت اولسا

banoo

کاربر

ارسالها: 1683

#266 Posted: 21 May 2012 06:32

گئجه دیر، گؤز یاتیب، گؤی ده یاتیب

ائله بیل دونیا باتیــب

نغمه لر منده سؤنوب

گؤزلریم قانلا دولوب

نه اولوب بختی یاتان اولدوزلار؟!

نه اولوب قارا باتـان ناخیشـــلار؟!

نه اولوب؟! منده اومیدسیـــز

سیزله ده جان سیز

نه اولوب؟! منده هارای سیز

سیزله ده های سیز

نه اولوب ؟!

سیز کی هر لحظه گولردیز؟!

سیز کی هر لحظه باخاردیز؟!

سیز کی هر لحظه یاناردیز؟!

سؤییله یین آی سمانین ذیروه‏لری

سؤییله یین آی گئجه نین آیه لری

سؤیله یین بو سؤزومون درد یازی‏سین

بو گئجه نین سیر یازیسین

قویون او دردلی کدرلر قارا باتسین

«آینازیندا» اومیــــدی بلکه اویناســین.

banoo

کاربر

ارسالها: 1683

#267 Posted: 21 May 2012 06:37

علینون عشقی واردی اورکده رشته رشته
یازوبدی لوح عرشه گوزل آدین فرشته
گیده جهاندا زاهد گیجه گونوز کنشته
علینی ایتسه انکار اجازه یوخ بهشته
که هر ایکی جهاندا ولایت علی وار
ـــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــ
گدای کوی عشقه علی کرم ویروبدی
کلیمه شرح صدر و مسیحه دم ویروبدی
آدون دیوب سلیمان اونا حشم ویروبدی
به حق آل طاها خدا قسم ویروبدی
او کس که حیدریدور شفاعت علی وار
ـــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــ
بصیرتیله ای دل علیده باخ وقاره
اورکده باب علم و الینده ذوالفقاره
دی مرحبا اوشیر خدای کردگاره
اونون نظیری گلمز بو عالمه دوباره
منادیان عشقه حمایت علی وار
ـــــــــــــــــــــــــــــــــــــــــــــــــــــــــــــــــــــــــــ ـــــــــــــــــــــــــــــــــــــــ
علی ابوالعجایب نگار لم یزلدی
وصی ختم مرسل وفاده بی بدلدی
خدانون اوز ایوینده آقا جهانه گلدی
گوزللرین ایچینده منیم آقام گوزلدی
مرید بوترابه کرامت علی وار
ـــــــــــــــــــــــــــــــــــــــــــــــــــــــــــــــــــــــــــ ــــــــــــــــــــــــــــــــــــــــــ
جفاییلن او مولا اگر چه قانه باتدی
حسن شهید اولوبدی حسینه نوبه چاتدی
خدا حسینه یاور ابوالفضلی یاراتدی
دیار کربلاده آتا باشین اوجاتدی
دیدی دامارلاریمدا شجاعت علی وار

banoo

کاربر

ارسالها: 1683

#268 Posted: 21 May 2012 06:39

گئت گولوم گئت منه سن جان اوْلاسان ایسته میرم

عشوه لی، سئوگیلی جانان اوْلاسان ایسته میرم

بیرده گؤزیاشی تؤکوب کویینه گلمم گؤزلیم

گؤروب احوالیمی خندان اوْلاسان ایسته میرم

بی وفالیقدا بوتون عالمه مشهور اوْلدون

سن اگر حوری غلمان اوْلاسان ایسته میرم

وورموسان سینه مه مین یاره کفایتدی منه

بو سینیق کؤنلومه درمان اوْلاسان ایسته میرم

بی وفاسن، ده گیلم راضی اؤلندن صونرا

قبریم اوستینده نگهبان اوْلاسان ایسته میرم

پیس گؤنومده منی سالدون نظریندن گئتدین

یاخشی گؤنده منه مهمان اوْلاسان ایسته میرم

واحدین قیمتینی بیلمه دین اینجیتدین اوْنی

هله گی اؤلدو ، پشیمان اوْلاسان ایسته میرم

banoo

کاربر

ارسالها: 1683

#269 Posted: 23 May 2012 06:17

مهر وفادی کربلا - خاک شفادی کربلا

دردی اولان بیلر نجه - درده دوادی کربلا

شیعنی آغلار قویما ابوالفضل - یولاری باغلی قویما ابوالفضل

عمریلرین وفاسی یوخ - باشه یتور فناده دی

اهل ولا بو بارده - ماتم وابتلاده دی

بیر نظر ایله شیعنون - گوزلری کربلاده دی

عارف اولان حسین چیه - قبله نمادی کربلا

شیعنی آغلار قویما ابوالفضل - یولاری باغلی قویما ابوالفضل

banoo

کاربر

ارسالها: 1683

#270 Posted: 23 May 2012 06:17

مـــن ابوالفضلم مـــرامیــــم دیـــــن حـــق احیــا سیـــدور
بســـدی بـوفخــریـــــم دســـونلر كــــربـلا سقاسیـــدور

(ترجمه):
من ابوالفضلم كه مرامم احیای دین حق است
و ایـن افتخار مــرا بس كــه بگوینـد سقای كربلاست

شاهبازم مـن فضای عشقیده پر چالماقــا
خرمــن كفــره شـرار تیغیله اود سالماقــا
اولوشام مأمور سیــزدن بــوفراتی آلماقــا
آمریم امرایلیوب فكریم اونون اجرا سیدور

(ترجمه):
ای لشكر من شاهباز عرصه عشق هستم
كه بر خرمن كفر شما با تیغ شرربارم آتش می‌افكنم
مأمور آنم كه نهر فرات را از شما بازستانم
رهبر و مقتدایم چنین دستور داده اندیشه و فكر من اجرای امر اوست.

سیز مسلمان سوزگرك دور دینه اولسون خدمتـــوز
دیـنــــــی حـفظ اتـماقه لازمـــــدور اولا جدّیتـــوز
غفلتــــوز بــاعث اولاراَلــــدن گیـــــــده حیثیتـــوز
عرِض و ناموس سیز گورور سیز خارجی یغما سیدور

(ترجمه):
اگر شما مسلمان هستید (اشاره به مأموران دولت) بایستی به دین خود خدمت كنید
و در این راه هم جدیت داشته باشید
این غلفت شما باعث از دست رفتن آبرو و حیثیت شما خواهد شد
آیا نمی‌بینید كه عرض و ناموس شما در معرض تسلط خارجیان [اسرائیلی‌ها، آمریكائیان] است

ای جماعت اولمیــــون تـــابع یزیـــد جانیـــــه
ایستـــری آبـــــاد دینــــی دونــــدره ویوانیــــه
ســرنوشت مسلمین دوشســون یـــد بیگانیـــــه
بولموسوز بو نكته نی سیز، بوحسین احساسیدور

(ترجمه):
ای مردم تابع یزید زمانه جانی نشوید كه
آبادی دین را ویرانه می‌خواهد

صفحه 27 از 57: « پیشین 1 ... 26 27 28 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا