اشعار ترکی - صفحه 45

ارسالها: 1683

#441 Posted: 20 Jun 2013 17:34

عشقیمه آند ایچمیش ال وئرمیام پیمانیه

تاکی سنله بو گئجه عازیم اولاق میخانیه

میکده اهلی بیلیر من توبه می سیندیرمارام

آمما سن گلسن یقین رحم اتمه رم خم خانیه

باده دن اوز دونده رن بیلسین گرح دیر معنانسین

سانکی باغ جنتی ایستیر قاتا ویرانیه

ساقی دن ایزن آلمیشام پیمانه وی من دولدورام

تا ایچیپ مست ایلیاق سوندان گئداق کاشانیه

بیر الیمده بادنی قالدیرمادا ساغلیق وئره م

بیر الیمده می توکم سن تک گوزل ریحانیه

تاکی سن وارسان عزیزیم غیردن پروا یوخوم

جانی قوربان ایله رم سن سئوگیلی جانانیه

وئرمیاق فورصت رقیبه جان تاپیپ طغیان ائده

یاردیم ائد زنجیر وئراق فتنه سالان بیگانیه

گون به گون آرتیر محبت چشمه سی قلبیم داشیر

مایل اولسان ایچدیرم سن بی ریا دوردانیه

پیریمز فیتووا وئریب صوبحین نامازین قیلمیام

تا کی سن نن بیرلئشیب غم سالمیام غم خانیه

الغرض یازدی ( کیان ) عشقی عبادت آنلیاق

یوخسا بو معنانی ارجاع ائلیاق فرزانیه

banoo

کاربر

ارسالها: 1683

#442 Posted: 20 Jun 2013 17:35

" راز عشقین ساخلارام ائل دن نهان ای سرو ناز

گتسه باشیم شمع تک ، مومکن دئیل افشای راز

بیر عومور صبر ایله رم اولسم ده سندن دونمه رم

ساخلارام بو رازی تا بلکه اولا بیر گون مجاز

صحبتین چکمه دیله سن سیز نه جورسه تابلاشیم

بو فراقه دوزموشم اولسون اونون عومری دراز

کیم بیلیر یالقیزلایب هیجرینده گریان قالمیشام

کیم بیلیر دائم ایشیم اولموش بوتون سوز و گداز

ای گوزل لر ساروانی آسوده اوول راحت یاشا

هر گئجه من قیلمیشام محراب عشقینده ناماز

بو جاهاندا آنلادیم سن سیز قفس دیر وارلیقیم

بیرجه لحظه غافیل اولسان ایله سن قلبی ناساز

هر گونوم سن سیز اولا دویغوم دا غوغا قوزانار

گل دولان رویام دا قال واردیر سنه چوخلو نیاز

کلمه کلمه لیلی دن عشقین مرامین اورگنیب

تا کی مجنونا اولام آواره لیقدا هم تراز

سن ( کیان ) اولدون فضولی مکتبینده طیفل سال

چوخ چالیشسان اورگه نر سن محضرینده رمز و راز

banoo

کاربر

ارسالها: 1683

#443 Posted: 20 Jun 2013 17:35

" شادم کی بو گون طالع شاهانه منیم دیر

بیر لب لری بال سئوگیلی جانانه منیم دیر

آچمیش قارا ساچلارینی او بند لچک دن

تئل لر ردیفینده گزیشن شانه منیم دیر

مه پاره لرین لاپ گوزلین سئچسه زمانه

البت هامیدان سئومه لی ریحانه منیم دیر

لیلی آدینا شوهره تاپا دیلبر جانان

مجنون لقبی ، وورغون و دیوانه منیم دیر

خلوت ده دولا جام مئیم شهد لب یندن

دونیاده یقین ایچمه لی پیمانه منیم دیر

سئوگیم قاریشا مینلریله گول لر ایچینده

پروانه قونان شاخه بیر دانه منیم دیر

مدهوش ائلیب او گول بی خار زمانه

آیدین بیلیرم نرگس و میخانه منیم دیر

عشقین مرامیندا یازلیب عرش و سمایه

سرمست اولان سویلویه خمخانه منیم دیر

گیزلدمه ( کیان ) سئوگیلی جانانیه تز ده

عومروم بویو او عشوه لی دردانه منیم دیر

banoo

کاربر

ارسالها: 1683

#444 Posted: 20 Jun 2013 17:36

" ای گول منی سن ایسته سن عومروم هدر اولماز

صولح اولماسا اولاد بشر بختور اولماز

صولحی اله سالماق بئله ده ساده دئیل بیل

حالوا حالوا دئینین آغزی شیرین یا شکر اولماز

وختینده گلیب بیر داها سنله گوروش اولسا

خیلک بیر اولوب قالمالیوق مختصر اولماز

باشدان لئچگی قوی قیراغا ساچلاری آغناد

ویرسان نیقابی اوز گوزه حظ بصر اولماز

گل منله دانیش حوصله میز ذیروییه چاتسین

معشوقه اولان یئرده کی عاشیق پکر اولماز

پروا ائله مه باغدا گزیب قول قولا سالساق

عشقین مرامیندا یازیلیب دیر حذر اولماز

داغلاردان آخان چشمه لری بیر یئره یغسان

شاید گول اولا ! سانکی قوری گول خزر اولماز

خاطب ده گرح دیر سوزونه ایمانی اولسون

یوخسا یاوا سوزلرده یقین دیر کسر اولماز

شاعرده یازار اوز سوزونو نظمیله دائم

ذوقوندان آشیب داشماسا شعری اثر اولماز

سئوگی سئونین نییتی نی سالما نظردن

عاشیق ده ( کیان ) ثابت اولوب بد نظر اولماز

banoo

کاربر

ارسالها: 1683

#445 Posted: 20 Jun 2013 17:37

" سن آیریلالی سینه مه غم لر قالانیبدیر

گل گور نئجه سن سیز اورگیم پارچالانیبدیر؟

بیر گول سایاقی باخچادا گول لر آراسیندا

رنگیم سولالی زافرانا اوخشار سارالیبدیر

پروانه کیمی شمع وجودون منی پوشلور

عشقین اودونا جوت قانادیم قورسالانیبدیر

قلبیم کهلیب هیجرانا دوزمور داها چالمیر

شاید اورگیم بطن ازل دن دایانیبدیر

آمما خیالیمدا روخوی تصویره چکدیم

اول مه جمالین اولدوزا بنظر یارانیبدیر

گول لر ده آلیب عطیرینی سن دن هارا گئدیم

گولزاره گومانیم سنین عطرین جالانیبدیر

غونچه دوداغین لعل بدخشانه ساتیر فخر

پوسته دهنین قیرمیزی رنگه بویانیبدیر

قاپ قاره شه وه ساچلارووا یئل توخوناندا

سانکی او گوزل گیس بولندین دارانیبدیر

رعنا قدیوین کولگه سیدیر روحوما توخداق

سن دیئنه کی سروین آغاجی یونتالانیبدیر

بیر بیئله خیالیله ( کیان ) عومرونو سووموش

یوخسا تنینین قودرتی کوک دن تالانیبدیر

banoo

کاربر

ارسالها: 1683

#446 Posted: 20 Jun 2013 17:38

" دیلیم یانسین اگر دل دن دئیم گل ترک ناز ایله

ولی دل ده تحمل قالمائیب بیر قدر آز ایله

آماندیر عیشوه و نازین شیرین دیر اینجیمه من دن

باغیشلا عاشیقی بیر دم گلن ده پیشواز ایله

بوراخ ساچلارووی قورتار گیلن بند حجابیندان

تئلین هر ریشته سین جانا گوزل بیر امتیاز ایله

تاپیلماز من تکین عاشیق اگر دونیانی آختارسان

حلالیم دیر منی محراب عشقه پیشنماز ایله

اورک ده قدرتی سن دن آلیب توسن سوار اولدوم

منی تدبیریله عشقین یولوندان یککه تاز ایله

رقیبین فتنه سیندن قورتولونجان من هلاک اوللام

گلیب خلوت ده دیداری منه ای گول مجاز ایله

سوروشما حالیمی یوخسا قهرلئنم ملک سیما

گوروش هینگامینی یلدا کیمی سویسن دراز ایله

شیرین دیر صحبتین ای مه دانیش بولبول سایاقیندا

آچیلسین سینه ده قلبیم کلامی دلنواز ایله

( کیان ) نین نییتی خوش دیر محبت لر دولوب داشسین

بو شعری ده یازیب ساخلا یانار عشقه جاهاز ایله

banoo

کاربر

ارسالها: 1683

#447 Posted: 20 Jun 2013 17:38

" لب لرین دردیمه درمان دئدیلر جانانین

بیلدیلر دردیمی یوخدور دئدیلر درمانین

تا کی باخدیم دهنین غونچه کیمی آچماغینا

کوکونه تیشه وئریلدی لب نن ایمانین

گوزلرین تا کی دولاندیردی باخا عاشقینه

ماوی گوزلر شپه لندیردی سویون دریانین

تا گئله مرحم اولا جانیما او مه پاره

یخیلار جان ائوی حوکمن بو سایاق بیمارین

گول کیمی عطر ساچیر باغدا گزنده یاریم

روتبه سی چوخ آزالیر اوردا آچان گولزارین

نفسی موشگ ختن دیر ، بو ایشین سیرری ندیر؟

دیئه بیلمز یغیشا طالع آچان ، اسرارین !

نه بیلیم ؟ بیر بئله گویچکلیگی او کیم دن آلیب

دئمه مجنون دا قالیب اوصافینا لیلانین

اندامی سرو آغاجین قامتینه کولگه سالیر

گوز نظردن قوروسون تاری گوزل رعنانین

صحبتی مست ائلئیر غونچه دهن دن چیخالی

باغلانیر حنجره سی وئجده گلن شیدانین

( کیانام ) خان چوبانین عشق ده صادق بیلیرم

نیه کی هیجر اودونا یاندی چوبان سارانین

( کیان )

banoo

کاربر

ارسالها: 1683

#448 Posted: 20 Jun 2013 17:39

بیر عوموردیر خلق دن مهر و محبت گورموشم

اولچویه گلمه ز دئیم ، سونسوز حلاوت گورموشم

خلقمین میثلی تاپیلماز دونیادا مین ایل کئچه

بول جماعت ده عجیب جود و سخاوت گورموشم

هر زمان توپراغیمیز تهدید اولوب دیر حددیده

یئرتیجی قافلان کیمی اوندا شجاعت گورموشم

وئرمئیب ظالم لره میدان بونو تاریخ دئیر

دوشمنی سیندیرماغا گوجلو رشادت گورموشم

تا گلیب لر میللتین بیرلیق تیفاغین پوزماغا

وحدتین معناسینا عالی حمایت گورموشم

بو جماعت یاخچلیق اخلاقینا مشهور اولوب

مهربان انسانلارا گول تک طراوت گورموشم

تبریز اولسون اردبیل ، زنجانلی اولسون هم دیلیم

سوزلرینده باغلیلیق یوکسک قرابت گورموشم

دانمیئیب آذر ائلی اوز اولدوغون هئچ بیر زامان

بو صفت له بیرلیقا یاخچی دلالت گورموشم

هر او کس کی یوردونو کتمان ائدیب دیر خلق دن

عاقبت روسوای اولوب غرق ضلالت گورموشم

شن دیاریم تبریزه فخر ائیلییر هر گون ( کیان )

اصلینی هر کیم دانیب اوندا حماقت گورموشم

( کیان )

banoo

کاربر

ارسالها: 1683

#449 Posted: 20 Jun 2013 17:39

تا کی سن وارسان عزیزیم قالماغا جان ایسته رم

آغز آچیق غونچه کیمی لبللری خندان ایسته رم

سن گولنده گول گولر،غونچه گولر،بولبول گولر

بول سبب دن گولشنه سن یاری باغبان ایسته رم

آل یاناغین آلمانی شرمنده اتمیش هرزمان

آق بنیزده گورسه نن آلمانی احسان ایسته رم

کپریگی سن وئرجاغین آیدین اولار شهلا گوزون

گر حرام ائدسن باخام ، وجدانه ایمان ایسته رم

من کیمم؟ سن سیز بو دونیاده قالام یا قالمیام

قالماغا منطق بودور قلبیمده حانان ایسته رم

چوخ زماندیر عشقیمه بوللی غزللر یازمیشام

تا کی کاتب لر یازیب بوعشقی دستان ایسته رم

وار رقیبیم صحنه ده اوئلماق منه چوخ سهل دیر

دامنیندن ال اوزه م ، سینمده پپکان ایسته رم

یوخ دایاننام داغ کیمی اغیاری ناکام ایله رم

بو مقدس حرب ده فورصتلی میدان ایسته رم

قوی منی بو عشق ده چارمیخه چکسین شیخلر

یاکی محبوس ایلئیب قالماغا زندان ایسته رم

چوخ زامان چکمز ( کیان ) یارین سنه تمکین ائده ر

شن حیاته یاریمی پیوسته مهمان ایسته رم

( کیان )

banoo

کاربر

ارسالها: 1683

#450 Posted: 20 Jun 2013 17:40

" او قده ر درده مریدم کی دوا ایسته میرم

بوعلی سینا دا گر وئرسه دوا ایسته میرم

گر ایاقدان دا دوشوب دیزلریمه لرزه گئله

ایاغا قاخماق اوچون ال ده عصا ایسته میرم

ایستیرم هاممی منی هر جوره وارسام تانیا

ای رتی طمطراغی رهلی قبا ایسته میرم

دردنن اونس دوتوب ساللامیرام قاش قاباغی

دئیشم دونیامی دا مارش عزا ایسته میرم

بیرعومور وقف ائله دیم هر نئیمی اوزگه لره

اوممادیم هئچ عوضین حمد و ثنا ایسته میرم

دوشمنیم قصد ائلیه جانیم آلسین اوخونان

سینه می صاف دوتارام تیر خطا ایسته میرم

نه یه لازیم ساز اولام ظولمو گوروب آنلامیام

بئله سونسوز غم نن باشدا بقا ایسته میرم

دوزه رم اوئلمه دیریل گونلریمه من امینم

زورونان سلطان اولوب زرلی ردا ایسته میرم

قیرمیشام دوستلوقومی دونیا دولا شادلیقینان

غم یوکون چکمه لیم شور و صفا ایسته میرم

آیدین ائددی سوزونو بوردا ( کیان ) تدبیریلن

غیر حق دن دیلنیب مهر و عطا ایسته میرم

( کیان )