صفحه 49 از 57: « پیشین 1 ... 48 49 50 ... 56 57 پسین »

اشعار ترکی

banoo

کاربر

ارسالها: 1683

#481 Posted: 10 Jul 2013 17:32

سالاندا قتلگهه يول اورگلر اولدي كباب
الي اوركده رباب اصغريني ايتدي خطاب

***********

هاياندا قالموسان اي ماه پاره من گيديرم

تاپانماديم سني گزديم دوباره من گيديرم

امان يوخومدي دورام صبح اچيلسا بلكه گورم

سحر چاغي سني عطشان ستاره من گيديرم

گچن گئجه يريوي بوش گوروب سيزيلدامشام

تاپولمادي منه بير راه چاره من گيديرم

نه سو تاپولدي خيمده نه ده سودوم اولدي

فلك مني ايلدي بخت قاره من گيديرم

دئديم سو ايستمه سن ايلمشدون اوخ هوسي

يتوردي عشق سني اعتباره من گيديرم

علاجيم اولمادي حسرتله سندن ال اوزودوم

ديديم ويره له سو ديلسيز شكاره من گيديرم

عجب سو ويردي سنه حرمله شل اولسون الي

ويوربدي خرمن صبره شراره من گيديرم

بير حاله سالميشيدي اوچ پر اوخ آقام ناچار

علاج گوردي كي قويسون مزاره من گيديرم

خيامه گر گتوريدي آنان دوزنمزدي

گل اچميشيدي بوغازونده ياره من گيديرم

banoo

کاربر

ارسالها: 1683

#482 Posted: 10 Jul 2013 17:32

سحر كي اولدي قيامت قوپوب او صحراده

آتيب جفا اوخي سعد اوغلي گلدي فرياده

دوتوبدي لشگري شاهد كي باشلاديم جنگي

ايكي طرفده الوب رزمگهده آماده

ايكي طرفده ويريب نظم لشگره اما

بيري اوتوز نچه مين بير طرفده چوخ ساده

وزير و لشگرو شه يتميش اولميوبدي سايي

وليك داغ كيمي محكم دوروبلا قتلاده

يريش گتيردي قوشون بير مهم جنگ اولدي

هواي ملك ويريب چوخلي باشلاري باده

قويوبدي جان طبقه با وفا مجاهدلر

مسير عشقه ساليبلا قانيلا بير جاده

بهشت عطرين آلان لار بير امتحان ويردي

مناي عشقيده قانه بویاندی سجاده

يوياندي قاننه يتمش ايكي قيزيل لاله

قوم اوسته تشنه بدنلر ياتوبلا آسوده

خيام عشقي تالاندي اولوب غارت

اسير اولوب حرم اهلي او خيل جلاده

banoo

کاربر

ارسالها: 1683

#483 Posted: 10 Jul 2013 17:33

اولوب او قافليه همسفر قضا و قدر

نه شور و عشقیله بزم وصاله ساری گئدر

یول اوسته اولدی علن کوفه سیندیریب بیعت

زيادين اوغلي او شهري ائدوبدي زير و زبر

ياراتدي قورخي ويروب وعده سيم و زره

جناب مسلمي اولدوردي ويردي زنگ خطر

الیب قوجاقه یول اوسته قیزین امام همام

بو غملي واقعه ني اهلبيته ويردي خبر

مسير كوفه عوض اولدي كربلايه طرف

بيلن يوخيدي كي مقصدي هارا اولار بو سفر

گيدوردولر يولي دوشمن گليردي سايه كيمي

قدم قدم او چولي دولدورودي رنج و كدر

داياندي ناقه سالار دين تكان يئمه دي

باخيب دی دقتیله ایلدی او دشته نظر

بويوردي بو چولون اهلين تاپين سوال ايلياخ

گوراخ عرب بو بیابانین ادینه نه دییر

ديديلر حضرته بو نينوادي چوخ آدي وار

بير ايري آد دا بو را دشت كربلا دييله ر

ايشيتدي كرب و بلا كلمه سين امام مبين

بويوردي واقعه ني نقل ايدوبدي پيغمبر

او چولده امراولونوب كاروان اقامت ايديب

دوشندي كرب و بلايه او پاك طينت لر

باخيب لا دو ر بره چايلارين اخار سويونا

خيامي تل داليندا مجسم ايلديلر

الوبدي خيمه نين اطرافيني سپاه جفا

همان او يرده قباقين كسوبدي كوفه ليلر

همان او نامه يازانلار آليب اله شمشير

اخار فرات سوويندان حسينه ويرمديلر

دولاندي گون يتيشيب عصر روز تاسوعا

گونون باتان چاغي دستور جنگ آليب لشگر

گئجه ني مهلت آليب بزم وصل گرم اولسون

قتال و جنگ و جدل وعده سي اولوبدي سحر

عیان اولوب کی سحر سو یرینه قان آخاجاق

آنا باجی بالا قارداشینه باخیب یاناجاق

banoo

کاربر

ارسالها: 1683

#484 Posted: 10 Jul 2013 17:34

حسين عالمه رهنمادور دئنن يا حسين

بيزه سرور و مقتدادور دئنن يا حسين

شهيد اولدي تا زنده قالسون نماز و قران

او قانه خدا خون بهادور دئنن يا حسين

اگر وار اقامدان شفاعت گوزون حشريده

اگر نيتون كربلادور دئنن يا حسين

دي گلسين مريض لر عزا بزمينه عشقيله

حسن واي صداسي شفادور دئنن يا حسين

بو هيئتينده يوخدور ريا نون يئري صادق اول

كه ارزش ويرن بو صفادور دئنن يا حسين

مسيرينده هر كيمسه اخلاصليه گلمسه

اونون ارزشي يوخ فنادور دئنن يا حسين

ايكي عالمه ويرم من حسين مجلسين

مجبه بو مجلس دوادور دئنن يا حسين

حسينون قاني ساخالدي دينله قراني

بو اد شيعييه آشنادور دئنن يا حسين

او گون كي چاتيب قافله نينوا دشتينه

گليب سس بورا كربلادور دئنن يا حسين

دايان گئتمه بو منزل عشقيدن صبر ايله

بورا بزم راز خدادور دئنن يا حسين

بويوردي اقام ساخلايون كرواني گئتميون

بو كوي وفا دور منادور دئنن يا حسين

باجي اغلاما دوش اتيندان يئره نازيله

كه خوش گونلره انتهادور دئنن يا حسين

بئله فكر ايتمه كي چوخدي درد و غمي

منه تربتي اشنادور دئنن يا حسين

بو يئرده گرگ باش و جاندان گئچم اگه اول

منيله گلنلر فداور دئنن يا حسين

يتيشه قولاقيوه گر اغلاماق سسي

آنامدور كه غرق عزادور دئنن يا حسين

باخوب حسرتيله خانم كربلا دشتينه

ديوب بو نه غملي فضادور دئنن يا حسين

گلوب شوره چرپندي قلبيم داريخماقدادي

بويور بير گوروم من هارادور دئنن يا حسين

سالوبدي زمانه مني چوللره بيلميرم

وطنيم ايويم هئچ هارادور دئنن يا حسين

ندن خيمه لر نصب اولوبلار اوزاقدا سودان

بو نه سر و نه ماجرادور دئنن يا حسين

banoo

کاربر

ارسالها: 1683

#485 Posted: 10 Jul 2013 17:35

دئيوم احكام قراني قالان قالسين گئدن گئتسين

بيلون اوضاع فرداني قالان قالسين گئدن گئتسين

---------------------

دوتوب تصميم سعد اوغلي سحر بو چولده جنگ ائتسون

چكيب شمشيريني چوخلار مقام و منصبه يئتسون

گوتوردوم بيعتي منده آچيقدير يول گيدن گئتسون

تانيتديم كفر و ايماني قالان قالسين گئدن گئتسين

------------------

بو صحراي بلا ايچره جدال حق و باطل دور

ايده دينه حمايت كيم رضاي حقه شامل دور

بو آز جمعييته اما نچه مينلر مقابل دور

قالا هر كيم اخار قاني قالان قالسين گئدن گئتسين

-------------

منه آيدين دي بو لشگرده قورتارماز عداوت وار

سحر بو چولده قان درياسي اوضاع قيامت وار

شه شعبه اوخ قلنج عطشان دوداقيله شهادت وار

بوياللار قانه مهماني قالان قالسين گئدن گئتسين

----------------

اولون اگه سحر رحم ايلمز بو قوم بد طينت

جفاده نقص قويمازلار جهاني دولدورار وحشت

باتار قانه مجاهدلر يانار خيمه اولار غارت

سويالار خردا طفلاني قالان قالسين گئدن گئتسين

--------------------------

امير دين اولان هركيم جسارتله فساد ائتمز

عمل احكام قرانه يزيد بد نهاد ائتمز

تقيه آدينه ايمدي او كسلر كي جهاد ائتمز

ائده ر مظلوم قرآني قالان قالسين گئدن گئتسين

----------------

ايده لر حقي ناحق قويمارام تا كي شهادت وار

اگم باش ذلته حاشا عليدن بيزده غيرت وار

بو قانلي خطين اوستونده ايكي عالمده عزت وار

گرگ بذل ايليم جاني قالان قالسين گئدن گئتسين

---------------

حقيقت عرصه گاهينده قوي بير لشگريم واردير

شبيه حضرت طاها علي اكبريم واردير

بيان حق ائده ديلسيز علي اضغريم واردير

گوزتلير قانلي پيكاني قالان قالسين گئدن گئتسين

---------------

حريفيم چوخ قوي پنجه گليب بيرحم و ناكسدي

گيدن اولسا بئله فيكر ايتمسون بو شاه بيكسدي

منيله صبحه جك قالسا علي اصغريم بسدي

قورودار اشكي درياني قالان قالسين گئدن گئتسين

------------

منيله قالسا هر كيمسه گرگ عشقه سفير اولسون

تانيسون باطل و حقي اموراته بصير اولسون

اوزي اوز اختيارينده شهيد اولسون اسير اولسون

گرگ آتسين بو دونياني قالان قالسين گئدن گئتسين

-------------

اله جان رشته سين عشاق آليب عالي مرام اوسته

حساب اوسته كتاب اوسته حلال اوسته حرام اوسته

گلر بير گون قيام ايلر بالام مهدي قيام اوسته

قصاص ايلر بو دوناني قالان قالسين گئدن گئتسين

----------------

منه خاطير گليبدي كوفه و شاماتيدن لشگر

سيزيله ايشلري يوخدور گيدون بو دشتيدن يكسر

بوراجان راضييم سيزدن رضا سيزدن اولا داور

سوزومون اولدي پاياني قالان قالسين گئدن گئتسين

------------------

عيار عشقيدن كامل چيخيب مردان آزاده

خلوصيله هامي بزم وصاله اولدي اماده

اوركلر دولدي عشقيله گلوب عشق اهلي فرياده

قبول ايتدوق بو پيماني قالان قالسين گئدن گئتسين

banoo

کاربر

ارسالها: 1683

#486 Posted: 10 Jul 2013 17:36

مشکلدیم ای خسرو خوبان مدد ایله

ای دردلره درمان منه بیر ان مدد ایله

گلمور قلمیم یازماقا چون شانوه چاتماز

وصف ایلماقا یوخدی کی امکان مدد ایله

دریای غمون ساحلینه کیمسه چاتانماز

گر گتسه بو جور گردش دوران مدد ایله

ای رحم ایلین اهوییه صیادین الینده

گلمیش قاپوا بنده نالان مدد ایله

ایکاش سر کویوه من بیر قوش اولییدیم

صدقیله دییدوم سنه قربان مدد ایله

گلدسته لرون نور سپور عرشیله فرشه

ظلمت اورگیم ایله چراغان مدد ایله

سن سن ره حقون اقاجان شرط و شروطی

گل شرطیمیزی ایله چوخ اسان مدد ایله

عالم دولانور باشیوه آیا نه غریب سن

عشق عالمینه یوسف کنعان مدد ایله

کاش قسمت اولا جام وصالون منه هرگون

مست ایلیه بو جانیمی جانان مدد ایله

هر چند کی قابل دگولم لطفوه اما

گل باشیمین اوسته چیخا تا جان مدد ایله

banoo

کاربر

ارسالها: 1683

#487 Posted: 10 Jul 2013 17:37

باتاندا گون بيزه ده گون باتان زامان اولدي

غضب لنيب قره يئر آرزيلار تالان اولدي

بير از زاماندا فلك چرخينينن اگيب يولوني

دگوبدي بير بيره عالم عجب زامان اولدي

توكولدي باشيميزه عالمين كولي اوندا

كي توپراق آلتدا عزيز لر قاليب نهان اولدي

اوياندي يئر يوخوسوندان غضبله دیسکیندی

بلا توكولدي ايشقلي گونوز دومان اولدي

آيريدي بير بيريمزدن اجل بيزي جبرا

بوروندي ماتمه بير كس ده گر قالان اولدي

اوروج دوداقلارا افطار اولمادي قسمت

يارالي يورقون ايله حقه ميهمان اولدي

مصيبت عالمي من بيلمديم خدا بيلدي

كيميم شريك غم اولدي كيميم يانان اولدي

گوزوم خداده دي كي باري صبريمي چوخ ايده

بشر الينده گر امكان اولا گران اولدي

توقعوم بوييدي کی وطن بیله دردیم

مگر بو قانلي گوزوم ياشينه باخان اولدي

المپیکین اوتی یغدی جماعتی باشینا

ایوی خرابی مگر یادینه سالان اولدی

سينيق اليله گوزوم ياشيني سيليب ديرم

بو قدري ياتما آنا دور گيلان اذان اولدي

banoo

کاربر

ارسالها: 1683

#488 Posted: 10 Jul 2013 17:37

آند وئرم سنی اوز قدرت و امکانیوه یارب

نظر ائت سفره احسانداکی مهمانیوه یارب

دوت بو نادانون الیندن کی قالوب نفسین الینده

آند وئرم سنی بوآیداکی احسانیوه یارب

نیلیوم مهربان الله خجلم اوز عمليمدن

دیه بولمم سوزیمی درگه رحمانیوه یارب

سن بویوردون کی چاغور تا من اجابت ایلیوم

هانسی عنوان چاغوروم شامل اولا شانیوه یارب

ایندی کی دوتمسان ال آچمشام ال درگهیوه

منی آگاه ایله اسراریوه قرانیوه یارب

ای منی خلق ایلین ناریوه یاندیرما مني

نور سال سینمه گوستر یولی نادانیوه یارب

شرمسارم ولی امید واریم رحمتیوه

کی منی یول ویرسن روضه رضوانیوه یارب

banoo

کاربر

ارسالها: 1683

#489 Posted: 10 Jul 2013 17:38

جام عشق

قالو بلاده نوش ايليوب جام وحدتي

قويدي حسين باشينه تاج شرافتي

وصل نگار ايچون بيينوب كربلا چولون

قانلي سجوده اولدي او صحرایه دعوتي

ذر عالمينده كيمسه بلايه بلا ديوب

قانيله با صفا ايلوب باغ خلقتي

حق نوری سیر ایدوبدی سماواتیدن یئره

تا بیللنه قبول ایلیوب کیم ولایتی

اولدی دلیل خلقته چون نور مصطفي

"منصوره " اولدی عالم امکانون علتی

شرح ایلنمورم نیه بس گلدیلر یئره

گوللندیروبدی یئر یوزون حقین عنایتی

تکمیل اولوب دی ینچ تنون بزمی اول زمان

شعبان اییندا اولدی حسینون ولادتی

بیر بیر عروج ایلدی العبا ولی

ماه محرم اولدی حسینونده نوبتی

ناحق الینده گوردی کی دین پایمال اولور

ناحقه باش اگوب ایلین چوخدی بیعتی

جان نقدی الده باشلادی یول کوی دلبره

اعلان ایده قبول ایلمز عار و ذلتی

محنت قطاری کعبه دن ایریلدی عشقیلن

قربانلارون داليجا منا چكدي حسرتي

ايريلدي كعبه صاحبي جبريله كعبه دن

يوز قويدي بير دياره كي چوخدور طراوتي

كرب و بلا او قافله دن چاتدي عزته

هديه ويروب دي تشنه لره قانلي شربتي

تا ايلدي نزول او چوله كاروان عشق

قوزاندي عرشه فاطمه نون وا مصيبتي

کرب و بلانی خوشلادیلار عاشقان یار

بزم نگاره چاتدی کیمون اولدی همتی

هر نه واريدي بذل ايليوب شوق و ذوقيله

ميداندا قالدي تك اوزي مخيمده عترتي

اوخلار پيام ياري گتوردي وصال اوچون

هر یاره دگدوقیجا آزالدی جراحتی

قیلدی نماز عشقی مصلی عشقیده

آْلدي چوخور يئر ايچره مقام شفاعتي

ظلماته ایتمیوبدی اثر نور ناب حق

اولدی حرام لقمه لرون چوخ کدورتی

عاشيق يئتيشدي يارينه قانلي سجوديله

بیرده قیامه قالما دی دای استقامتی

علت اودور مباح اولوب خاک کربلا

خاك شفايه قاني ويروب عالي قيمتي

كرب و بلاني كوه منا تك بويانديرب

اكسير ائديب دي قرمزي قانيله تربتي

بيرگونده اولقدر اولونوب ظلميله جفا

دونيا بويي يازيلسا قوتارماز حكايتي

قران ورق ورق داغيليب قالدي جلد سيز

تفسير اولوندي ذبح عظيمون عبارتي

گوزياشي مرهم اولدي ساييلماز ياراسينه

اتلار اياقي التدا اولوبدور طبابتي

نيزه باشيندا باشلادي معراجيني حسين

دواوودي سالدي حيرته قانلي تلاوتي

غرق اولدي قانه ظلميله چون كشتي نجات

جلوه وئريبدي عالمه نور هدايتي

طشت طلاده قانلي يوززون اشگيله يووب

يحياني اغلاديب دوداقندا جراحتي

هر نه واریدی یارینه خاطر وروب حسین

دین درسی ویردی عالمه اول قانلی نهضتی

****

نور خدا كي پوفلاماقيلان سونن دگول

هر كس اولا بو فيكريده وار چوخلي غفلتي

سونمز حسينون عشقي اوركلرده هيچ زامان

تا حشر اولونجا آرتار ازالماز محبتي

هر كيمسه كي محبتينه ديلده يئروئريب

حقه چاتيب اولوب اونا حقون عنايتي

دونيا بويي نقدر كي ظاليم نفس چكير

واردور حسينون عاشقينه جنگ علامتي

چوخلاره درس ديني وئريب مكتب حوسين

عشق حسيندي ارتيرور انساندا غيرتي

لبيك كيم دئيوب او غريبن نداسينه

بير لحظه ده قبول ائلمز ننگ و ذلتي

آغلار گوزيله جنتي نيليير حوسنچي لر

ششگوشه قبري عاشقينون اولدي جنتي

يوخدور رمق قلم يازا شرحين بو مطلبين

اولموش حسين زيارتي الله زيارتي

******

چوخلار چاليشدي كرب و بلا بيرقي ياتا

اما محرم اولجاق اولوب تازه نهضتي

هر نه ايدوبله بلكه آزالسون بو نوريدن

آيينه تك جهانه يايلمش صداقتي

قبرين ايتيرماقا ايلوبلر جفا ولي

بير باخ جلال و شوكته درك ايله عبرتي

تاريخ ده چراغ هدايت حسيندور

بو كشتينون بلالر اوچون وار ضمانتي

اي مدعي حسينليه سن قويما باش باشا

كاخ ستملري يخاجاق قاره رايتي

قاره گييوب عزا دوتانا طعنه ايلمه

گوزياشينون بهشتيدن آرتيقدي قيميتي

چوخلار بو بارگهده تاپيب شان و منزلت

اخذ ايليب حسينون آديندان شرافتي

قان يئرده قالمييب گله جاق قانيني آلان

صالحلره ويربودله بوخوش بشارتي

صبح و مسا اور ك قانين آغلار او منتقم

تا اذن حقي له ايده برپا عدالتي

شاعر يازاندا بو نچه بيتي گئجه چاقي

گوز ياشلي ايستيردي اوزوندن عنايتي

banoo

کاربر

ارسالها: 1683

#490 Posted: 3 Aug 2013 16:31

سن جانیمسین ظولم ائتمه کلبیمه
بیر باکارسین یانارسین حالیمه
آه گؤزوندن دوشموشوم بن نییه

گه ل گئجیکمه بو حالی عمرومده
گه ل گون گلیر آغلیرسین کابریمده
آه گؤزوندن دوشموشوم بن نییه

نه اولدو جان ؟ نه اولدو اونجا یاشانانلار
نه اولدو جان ؟ شیمدی نه ره لرده سین کیمله رده سین
هانی سنین جانانین بندیم

نه اولدو جان ؟ آیریلمازدین بیر آن یانیمدان
نه اولدو جان ؟ بن سیز بیر یئرلره گیتمه زدین
شیمدی اسن یئللرده می سین

بن هر شئیمی سانا وئردیم
یوللارینا جانیمی سردیم
اؤیله بیر سئودی کی بو کالبیم
اونوتماز آرتیق بیر آن سنی
اؤیله بیر سئودی کی بو کالبیم
یاشاتماز آرتیق سئودان بنی

نه اولدو جان ؟ سن ائویمین پنبه گولویدون
نه اولدو جان ؟ شیمدی باشکا ائولرده میسین
دویدوم کی اونوتموشسون بنی
اؤیله می جان

چی شد جان من

تو جان منی به دلم ظلم نکن
یکبار می بینی که دلت به حالم می سوزد
آه چرا من از چشمت افتادم ؟

بیا و در این آخر عمرم دیر نکن
بیا ، روزی می رسد که بر مزارم گریه کنی
آه چرا من از چشمت افتادم ؟

چه شد جان من ، چه شد به آن ایامی که با هم بودیم ؟
چه شد جان من ، حالا کجاها هستی ، با چه کسانی هستی ؟
مگر من جانان تو نبودم ؟

چه شد جان من ؟ یک لحظه هم از من دور نمی شدی ؟
چه شد جان من ، بدون من هیچ جا نمی رفتی ؟
اکنون همراه بادهای وزنده ای

من همه چیزم را به تو دادم
جانم را سر راهت پهن کردم
دلم چنان عاشقت شد
دیگر یک لحظه هم ترا فراموش نمی کند
دلم چنان عاشقت شد
عشق تو آخر نمی گذارد زندگی کنم

چه شد جان من ، تو گل صورتی خانه ام بودی
چه شد جان من ، اکنون در خانه های دیگر هستی
شنیدم که مرا فراموش کردی
پس که اینطور جان من

صفحه 49 از 57: « پیشین 1 ... 48 49 50 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا