صفحه 51 از 57: « پیشین 1 ... 50 51 52 ... 56 57 پسین »

اشعار ترکی

banoo

کاربر

ارسالها: 1683

#501 Posted: 13 Aug 2013 11:43

قارا زولفون اومه روخساره ، ای گول سایبان ائتمه

هیلالی ظلمت شبده بولود ایچره نیهان ائتمه

غمیندن تنگه گلدیم ، سروبویلوم، بویله ناز اولماز

ترحم ائیله ، کویوندا گوزوم یاشین روان ائتمه

کونول وهم ائیله جانیندان دوشرسن صیدوش دامه

گئدیب هر ناکسین زولفون اوزونه آشیان ائتمه

آپاردی کونلومو زولفون ، آظالیم ، باری انصاف ائت

هیچ اولمازسا ،آلیبسان کونلومو ،گل قصد جان ائتمه

banoo

کاربر

ارسالها: 1683

#502 Posted: 13 Aug 2013 11:46

صبر ائیله کونول، محنته هیجرانه تلسمه
درد اهلی یئتر صبر ائیله درمانه تلسمه

دونیایه وفا ائیله مه ،چوخ آغلاما کونلوم
دونیا نه وفا قیلدی سلیمانه ، تلسمه

پروانه اگر یانسادا شمعین سیتمیندن
شمعین ده یاخار عومرونو پروانه ، تلسمه

گول ذوقونو چکمک ابدی خاره ده قالماز
بولبول گلر ، البته ، گولوستانه تلسمه

banoo

کاربر

ارسالها: 1683

#503 Posted: 13 Aug 2013 11:46

گوزلرین قاره سینـه بیر نیچـه قــربـان دیمیشم
قاشــلارین طاقینـه قربان یرینــه جـان دیمیشم

خــوبــلــر جملــه گـدادیــر سـر کوینــده سنـیــن
سنه بو خوبـلــر ایچــره مــه تــابــان دیمیــشــم

قاشینا تیغ دیدیـم قانیمی تـو کمک نــه ایچـون؟
تــوت کی، ظالیم، نولا بوباره ده بهتـان دیمیشم

اینجییوب چیخسا سینـه مـدن یــری وار پیـکانیـن
کی نیچون باغریماگلدیکجه باسوب جان دیمیشم

واحدم، قویماییـن، ئولــدوردی او مـــهپـــاره منــی
سهو ایدوب گل اوزونـه مهــر درخشـان دیمیــشم

banoo

کاربر

ارسالها: 1683

#504 Posted: 13 Aug 2013 11:48

آه کیم، سن گئتدین، ائی آی یوزلو، جان قالدی منه،

جان سنینله گئتدی جیسمی-ناتوان قالدی منه.

تاکی سن گئتدین یانیمدان ائی دیلارامیم منیم،

حالتی-وصلین کؤنولده پاسیبان قالدی منه.

گرچی گولزاری-جمعالین گئتدی قارشیمدان منیم،

دیلده مئهری-قامتین سروی-روان قالدی منه.

گر نیهان اولدو گؤزومدن اول پری-پئیکر صنم،

گؤیده ماه آنون یوزوندن بیر نیشان قالدی منه.

تاکی سندن آیری دوشدی بو خطای خسته‌دیل،

بویی-مویین موشک ایله عنبرفیشان قالدی منه.

banoo

کاربر

ارسالها: 1683

#505 Posted: 13 Aug 2013 11:49

گجه لر تک اوتوروب تک قالاسان عالمی وار
شب ها تنها بشینی تنها بمونی عالمی داره

او گئچن گونلره تک آغلایاسان عالمی وار
به اون روزهای رفته تنها گریه بکنی عالمی داره

من ده بیر گون بوتون عاشیق لر ایچینده یاشادیم
من هم روزی بین همه عاشق ها زندگی کردم

عاشیقین گوز یاشینا آغلایاسان عالمی وار!!!!

به اشک چشم عاشق گریه کنی عالمی داره

banoo

کاربر

ارسالها: 1683

#506 Posted: 13 Aug 2013 11:53

گولمه سن گوللر اولر باغچادا ریحانه كیمین
گوی دولانسین باشووا قلبیمی پروانه كیمین

باخیرام هر گئجه گوندوز گوزوین حالتینه
مست اولوب باش گویورام داغلارادیوانه كیمین

من سنون قوللارون اوسته چاتیرام گویلره جه ن
یاتیسان قلبیمین اعماقینه جانانه كیمین

چیخارام آی باشینا سسلییه ره م گول آدووی
گوی اشیتسین هامیلار عشقیمی افسانه كیمین

قوجاقون بخت اویدیر، هر گئجه شیرین یوخویا...
منه بسدیر گوزلیم، سوملی، كاشانه كیمین

سنسیز اولماق نه چتین گونلره بنزیز، منه باخ
اورگیم سن سیز اولار بیر قارا ویرانه کیمین

banoo

کاربر

ارسالها: 1683

#507 Posted: 13 Aug 2013 11:54

قانلی میسمار قاپی سینه سینده
تانری داملا-داملا یئره توكولموش قانی ایزله ییر
سیزیلتی-یالواریش یئنه تانریا دیله نیر
قوللاری باغلی قافلان بیر كوشه ده
یارالی حیات یولداشینا باخیر
او سجده یه دوشوب قالخمیری
نئجه حیات یولداشی سون سجده سیندن قالخمادی
ایتگین بیر قبیر،آغزین آچیب یول گوزله ییر
صاباح بیر یارالی ملك
قانات چالیب اوچاجاق!!!

banoo

کاربر

ارسالها: 1683

#508 Posted: 13 Aug 2013 11:55

فارسی قیریلداتما دیلین وارسنین
سن اگر بولبولسن گولون وارسنین

قهرمان خلقیمیز گؤزتیكیب سنه
فرهنگی تالانمیش ائلین وارسنین

سن گؤزه‌ل سوناسان هر سویا دوشمه
اوزمگه دوم دورو گؤلون وارسنین

اگر بولود اولسان یاغ قوراخلیقا
سویاحسرت قالمیش چؤلون وارسنین

ایزین داش دؤورونه گئدیب یئتیشیب
سومئرلره باغلی تئلین وارسنین

وورولما یادلارین گؤزللرینه
ائلین ده چوخ اینجه بئلین وارسنین

سن یوگور میدانا«كور اوغلو» كیمی
مین لرله‌های باسان ده‌لین وارسنین

اَلین وئر الیمه داغلار آشیراق
بیلیرم قدرتلی قولون وارسنین

banoo

کاربر

ارسالها: 1683

#509 Posted: 13 Aug 2013 11:58

من کی سن دئییلم...!

اونوتمادی گوزله‌رینی گوزله‌ریم
منیم گوزوم، سنین گوزون دئییل کی

او یئرله‌ری ناخیشلاییر ایزله‌ریم
منیم ایزیم، سنین ایزین دئییل کی

یالانلارا اویرتمه دیم دیلیمی
منیم دیلیم، سنین دیلین دئییل کی

هر یئته نه اوزاتمادیم الیمی
منیم الیم، سنین الین دئییل کی

اوچوب گئتدین، سازاق دوشدو کونلومه
منیم قلبیم، سنین قلبین دئییل کی

سن گولوش چون یارانیب سان، اینله مه
منیم غمیم، سنین غمین دئییل کی

سن قارالتدین، من آغارتدیم ساچیمی
منیم ساچیم، سنین ساچین دئییل کی

نصرت کسمنلی

banoo

کاربر

ارسالها: 1683

#510 Posted: 13 Aug 2013 11:59

آناندان اؤیره ندییین له یئتینمه
اوشاغیم٫ توركجه نى گلیشدیر
دیلیمیز ائله سینه گؤزه ل كى
دورغون گؤللریمیزجه دورغون
آخار سولاریمیزجا جوشغولو....
نه واركى چاغام٫
گؤزه للیك ده باخیم ایسته ر
اؤنجه توركولریمیزى اؤیره ن
سنى بؤیودن لایلالاریمزى بلله
گئده نلره یاخیلان آغیتلارى....
هر سؤزون ان گؤزه لى توركجه میزده
دیلینه تاخیلان لارى آریتلا
یابانجى سؤزجوكلرى آت
باخ٫ "دئوریم" نه گؤزه ل
"باریش"٫ نه گؤزه ل
"دایانیشما"٫ "اؤزگورلوك"...
هله "باغلىسیزلیق"
ان گؤزه لى "سئوگى"
سئو توركجه نى٫ بالام
دیلینى سئوه نلرى سئو

صفحه 51 از 57: « پیشین 1 ... 50 51 52 ... 56 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا