صفحه 52 از 57: « پیشین 1 ... 51 52 53 ... 57 پسین »

اشعار ترکی

banoo

کاربر

ارسالها: 1683

#511 Posted: 13 Aug 2013 12:01

دولوب ایسـتك شرابیـندان داشـان پیمـانه دیر كونلوم
نه پیمـــانه! اگــر درد اهلیــسن میخـانه دیـر كونلوم

نه تاثیــری منـی داناخ داشیـــنان ورســا غافیـــل لر
وفا شهــرینده اوزدن گتمــه ین دیوانـه دیـــر كونلوم

كوچر قوشلار كیمی كاشانه سیز لیق دان غمیم یوخدور
بودور فخـریم كی جانان عشقـینه كاشــانه دیر كونلوم

banoo

کاربر

ارسالها: 1683

#512 Posted: 13 Aug 2013 17:28

دیندیر منی هر دم گؤزه لیم ، فورصت اولاندا
وصلین بیزه بیر آن ، نه اولار، قیسمت اولاندا؟
یوزلرجه جفا ائتسین ، اونودماز سنی کؤنلوم
فیکیریمده سن ای گول ، یئنه هر صحبت اولاندا
کؤنلوم نئجه سنسیز ، گؤزه لیم ناله سیز اولسون
بولبول دایانارمی گولونه حسرت اولاندا

banoo

کاربر

ارسالها: 1683

#513 Posted: 13 Aug 2013 17:31

برق اولمادی " قیزیم گئجه یاندیردی لاله نی
پروانه نین " اودم ده باخیر دیم اداسینه

گؤردوم طواف کعبه ده یاندیقجا یالواریر
سؤیلور : دؤزوم نه قدر بو عشقین جفاسینه ؟

یا بو حجاب شیشه نی قالدیرکی صاورولوم
یا سوندوروب بو فتنه نی " باتما عزاسینه !

باخدیم کی شمع سؤیله دی : ای عشقه مدعی !
عاشق هاچان اولوب یئته اؤز مدعا سینه ؟

بیر یار مه لقادی بیزی بئیله یاندیران
صبر ائیله یاندیران دا چاتار اؤز جزاسینه "

اما بو عشقی آتشی عرشیدی " جاندادیر

قوی یاندیریب خودینی یئتیرسین خداسینه

banoo

کاربر

ارسالها: 1683

#514 Posted: 13 Aug 2013 17:32

طوفان قوپاریثل آغلار

چایلار داشار سئل آغلار

ساراتکین ئوله نین

یاسین توتار ائل آغلار

غریب یثرده داش آغلار

قلم آلتدا قاش آغلار

سئوکیسی کئده ن جوانین

هامیدان یواش آغلار

آغا جداخزل آغلار

دیبنده گوزل آغلار

یاریاردان آیری دوشسه

سرگردان گوز آغلار

فالکین دان الینده ن

اولمادیم شاد الینده ن

یامان آزار آپاردی

توتمادی فلک المیده ن

banoo

کاربر

ارسالها: 1683

#515 Posted: 13 Aug 2013 17:41

من اوزاخ سفره یوللانان گمی
سنی ترک ائدیرم بیر لیمان کیمی
قوخما آیرلیخدان بوراخ الیمی
سئوگی آیرلیخدان، گوجلودو والله
دونیادا نه قدر سئوگی وار بیل کی
سن منیم دیلیمین ازلی ، ایلکی
قوخما آیرلیخدان،اولوم دییل کی
سئوگی آیرلیخدان، گوجلودو والله
سن هله بیلمیسن آیرلیخ نه دیر
هر سفر کونلونو سیخیر، ایللدیر
آیرلئخ جیسمیدی، روح سنینله دیر
سئوگی آیرلیخدان، گوجلودو والله
قورخولو اینتیظار وار آغلار گوزونده
نئچه یالواریش وار بیر جه سوزونده
بیر گون بیلجکسن ائله سن اوزونده
سئوگی آیرلیخدان، گوجلودو والله
نه فرقی، یاخینام یا کی اوزاغام
هله کی سنینم نه قدرساغام
اولسم او دونیادان قایئداجاغام
سئوگی آیرلیخدان، گوجلودو والله
گوز یاشی عبث دیر توکوب گئدجم
کونلومو اودلارا یاخیب گئدجم
من سنه ،هامی یا ثبوت ادجم
سئوگی آیرلیخدان، گوجلودو والله

banoo

کاربر

ارسالها: 1683

#516 Posted: 13 Aug 2013 17:43

ای گؤزوم، عالمِ انسانلیغا محرم‌سن اگر
ساکن اول مجلسِ میخانه‌ده، آدم‌سن اگر!

عرفا اهلی ایچون مجلسِ مئی جنّت‌دیر

قویما بو بزمه قدم، اهلِ جهنم‌سن اگر

مئی ایچیب، سرخوش اولوب، اؤزگه‌نی تحقیر ائیله‌مه،

سن اؤز اطوارینی تحقیر ائیله، سرسم‌سن اگر!

ئولچوده‌ن خارجه چیخما، ییخار آخر سنی مئی،

توت الیم کی، هامودان ایچگیده محکم‌سن اگر

مست و مدهوش زامانیندا بیر آیینه‌یه باخ،

اؤزون اؤز عکسینی تصویر ائیله اعلم‌سن اگر

گور، سنی باده نه حاله سالوب، ای خانه خراب،

آغلا اؤز حالینه بیردم، نولا، خُرّم‌سن اگر،

حیف‌دیر باده‌یه صرف ائتدیگین اول شانلی حیات،

بیلّیک اوغروندا اونی صرف ائیله، حاتم‌سن اگر!

مبتلادیر بو بلایه، دئمه، واحد اؤزی‌ده،

اونی‌دا علم‌ایله تشویق ائیله، آدم‌سن اگر

شاعیر: علی آقا واحد

banoo

کاربر

ارسالها: 1683

#517 Posted: 13 Aug 2013 17:43

سن اولماسان، گؤزه‌لیم، گولستانه باخمازایدیم
چمن چیچک‌لرینه عاشیقانه باخمازایدیم

اسیر زولفون اگر اولماسایدیم عالمده

جمالینا بو قدر عاجزانه باخمازایدیم

منیم‌له اولساایدین بیر دقیقه عمرومده

جهان بوتون گؤزه‌ل اولسا، جهانه باخمازایدیم

منی فراقین اودی یاخماسایدی شمع کیمی،

گؤره‌نده گول اوزونی، یانه- یانه باخمازایدیم

فراقینا دؤزه بیلسه‌یدی قان اولان کؤنلوم

یولوندا چکدیگیم آه و فغانه باخمازایدیم

او گول جمالینا من عاشیق اولماسایدیم اگر،

فغانِ بولبوله چوخ محرمانه باخمازایدیم

نزاکت اولماسا، واحد، طبیعتیم‌ده منیم

او قارا گؤزلره من شاعرانه باخمازایدیم

شاعیر: علی آقا واحد

banoo

کاربر

ارسالها: 1683

#518 Posted: 13 Aug 2013 17:44

بیر گون یولوم دوشدی مزارستانا

ایله حس ایلدیم دوران یاتبدی

گوردوم انسانلاری سسیز صداسیز

بیلدیم دن قورتاریب درمان یاتبدی

سویکدیم بیر داشا ناتوان دیزی

زیارت ایلدیم اخر اویمیزی

گوردوم دار قبرده ظالم چنگیزی

ایلیب دنیانی ویران یاتبدی

ایستدیم قایدام ایاق دایاندی

باخدیم بیر قبره اورگیم یاندی

دنیانی ترک ادیب بیر آز زماندی

یار وصلین گورممیش جوان یاتبدی

حیرصدن دیشلریم بیر بیرین یدی

گوزوم گاه اغلادی گاه گولومسدی

داشین اوستوند کی یازیلار ددی

شاعر آستا یری انسان یاتبدی

القانا بویادی دیشیم دوداقی

هر ندن چتیندی اولاد فراقی

گوردوم بیر قبرده خیردا اوشاقی

اناسینان اوزاق گریان یاتبدی

اویما بو دنیانین پیس مرامنا

دنیا سلیمانلار چکمیش کامینا

یولچی تعنه ورور شاه مقامنا

اقادان یوخاری چوبان یاتبدی

اوردا هیتلر دوروب جنایت اتمز

یولداش یولداشیا خیانت اتمز

یوخسولوخ بیر کسی خجالت اتمز

توپراق ایچینده هامی یکسان یاتبدی

توپراق آلتیندا اریب بدنلر

گلدیگیم ندندی گتدیگیم ندن

بیریسی تابایپ اوچ قارچ کفن

قراندریق مکاندا عریان یاتبدی

اوردا نه جلاد وار نه دار آغاجی

قارداشین تانمور اوردا خان باجی

دونوب یار یارینا باخمور قیقاجی

اداسیز عشوسیز جیران یاتبدی

تپراق التیندا گوردوم من آیرلمازی

گلیب گتمگینه حیران یاتبدی

banoo

کاربر

ارسالها: 1683

#519 Posted: 15 Aug 2013 11:33

گئد یاشا سئوگیلیم سن خوشبخت یاشا

گؤنش قؤزئیلرده قانا باتیردی

آرزولاریم باشین آتیب یاتیردی

بیر سئوگینین عومرو سونا چاتیردی

طالعین اوینونا قالدیم تاماشا

گئد یاشا سئوگیلیم سن خوشبخت یاشا

یاتیبدیر سینمده حسرتین چنی

اریدیر آیریلیق گون به گون منی

تاپشیردیم آللاها قؤروسون سنی

بو سئوگینی وورا بیلمه دیم باشا

گئد یاشا سئوگیلیم سن خوشبخت یاشا

سئوینج یوللاریندا ایزیم قالمادی

آلؤوم سونوبدور کؤزوم قالمادی

هئیم گئدیب الده ن دؤزوم قالمادی

اومودون اوخلاری توخوندو داشا

گئد یاشا سئوگیلیم سن خوشبخت یاشا

آرادان یوللاری بیچه بیلمه دیم

آیریلیقین قانین ایچه بیلمه دیم

وصال کؤرپوسوندن کئچه بیلمه دیم

گؤزومون دنیزی ایسته یر داشا

گئد یاشا سئوگیلیم سن خوشبخت یاشا

اؤره یم دردلیدیر اؤره یم آغیر

اؤره یم سئوگی سیز اؤره یم ساغیر

گؤلومسه سون دفعه آدیمی چاغیر

"یالغی" یام اللریم چئخیبدیر بوشا

گئد یاشا سئوگیلیم سن خوشبخت یاشا

banoo

کاربر

ارسالها: 1683

#520 Posted: 15 Aug 2013 11:34

ایلک گؤروش

اوتوبوس کئجیکیردی

دوراقدا

من

بیرده کی...

سئوگی دوغوردو باغیشلاریمیز

اوره یمیز

یئنی دویغولارلا چئرپیردی

اینجه لیردی روحوموز

آنلام تاپیردی یاشام

مقصدیمیز بیر

بیر آزدا اوتانجاخلیقلا

اوره یمین سؤزون اللریم دئدی

سالام

"یالغی" یام

گؤلوش

سئوگی

ایلک گؤروش

صفحه 52 از 57: « پیشین 1 ... 51 52 53 ... 57 پسین »

شعر و ادبیات /

اشعار ترکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا