ارسالها: 6561
#101
Posted: 19 Jul 2013 21:15
سرم درد بهیته تا حد گردن اجل برسیه ونه بمردن
اجل ماره نکوش ما نوجوانیم گل نشکفته ي مازندرانیم
******************************************
ته گوش گشواره آ گردن تِمِنی کیجا بوته ریکا اَمه سِره نِنی
اِسا که من اِمبه شونی خِسِنی معلوم بیه کیجا مه ره نخوانی
*******************************************
عقل وِنه آدم کلّه دوو کیجا وِنه آدم مله دوو
صِواحی نماشون راه کوچه دوو چِش وه ره بوینه دل تازه بوو
******************************************
خدایا سر هدایی سامون هاده خدایا درد هدایی درمون هاده
ته جه من نخواسمه مال و ثروت جان خدا مه ره هم زبون هاده
******************************************
چندِ من هِرسّم کَلِک کنار چند من هاکنم ستاره شمار
شیشک و ترازی همه شونّه مار آخر بمو مه قشنگ یار
******************************************
پاییز بموهه وا دکته صحراره ارباب در اِنه زارع گیرنه شه لِفاره
قربون بهووم قدرت خداره زارع بزوهه ارباب په کِفاره
********************************************
کیجای نالِ بِن تو دکشم تو انده تو بخِرم نالّ بورم لو
مار گنه چچیه دتِر گنه گو بیچاره دِتِرا چو بَخرده چو
********************************************
شب وروز ته وِسّه من زمّه ناله دل من تنگ بیّه نوونه پاره
دِشمِنون شماره هاکنم چه کار نینگنین جدایی من و منه یار
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#102
Posted: 19 Jul 2013 21:16
برو شونيشت ، شه دله مه ور هاده
برو شونيشت ، دل غم ره سر هاده
شه دل غم ره په بئير تا صِواحي
نَفته کول ِ جا اون وَر تر هاده
برو بوريم سي تِک ره سر بزنيم
شه دل ِحرف ِ رکاب سر بزنيم
بوريم کارم ِ اسم ِ بيريم نِکارم !
تل سِه خاطر، شِه سر بزنيم
ديگه دل ، سنگ بهيه ، نرم نوونه
ديگه هيچکي ، شه جِم ، همدم نوونه
اگر اينجور که مِن ويمبه دَشونه !
اَمه شونيشت ِ جِم ، اُو گرم نَوونه !
نا مشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ویرایش شده توسط: Alijigartala
ارسالها: 6561
#103
Posted: 19 Jul 2013 21:18
khorshidak: با اینکه منم شمالیم اما خیلی از کلمه ها رو اصلا متوجه نمیشم..کاش معنیشونم میذاشتین..
به هر حال قشنگن..خسته نباشی
یکم دقت کنی متوجه میشی 
. خواهش میکنم
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#104
Posted: 19 Jul 2013 21:21
اون زمونای قدیم...
اون زمونای قدیما
اون آدمای با وفا
هنیش بینه رواقه سر
خسه بینه شه کاره سر
تازه چایی افتابه کل
بهار بینه زمینا کل
ورزای پش چو و ازال
لپر و تیل کتنه چال
بچی پلاره خردن
زنده بینا ای مردنه
گد وشون ای کد خدا
پول و زمین کرده سیوا
بیچارون هی کار کردنه
بینجه کیسه بار کردنه
ناماشونا خسه بینه
مله میون دسه بینه
سمباره بن پلی بینه
مشغول لینگه تلی بینه
تشکله سر زرک پلا
مشغول بینه قند و پلا
تازه کره قد کتنه
تیسابه راره متنه
زمین زوئه تازه وجین
دسه جمی کاره بوین
کمر دلا تب تب عرق
مرز ه بالا لامبوس ورق
چله بییه کرسی سر
شب چره دیه سر به سر
تیکا ایا مله دله
بمپرسنه تله دله
سنگه پل و اون پله سر
چند تا کیجا افتو به سر
دشته دله اسب و سوار
صواسری و چار بیدار
خرمن زونه چند تا خلال
خردنه روزی حلال
جینگا زنی خسه بینه
بینج و کمل دسه بینه
لمپا وشونه سو بییه
فنر چراغ خو بییه
برف اموئه میسه قاده
وارش امو وه با قاده
اسا گنی کو قدیما
تازه بونی نو و نوا
مدل رب زندی برار
خارجی گپ زندی برار
کئی پلاره یاد نکن
دولبه کلاره یاد نکن
شلوار لی تنگ پوشنی
ایمونه دل ره کوشنی
جوابه سر بالا دیینی
گد و کچیکی ره وا دیینی
قدیمای سختی ره ته
اونای بد بختی ره ته
اتا لحظه شه یاد بیار
اون کتاباره بی بیار
نا که قدیما چی چیه
زرک و چفا چی چیه
مه دل خانه اتا بویم
کمک کنی صد تا بویم
اسا بونه یاد نکنی؟
قدیماره شاد هکنی؟
الان بمو ضبط و سی دی
زبونه مازرون چی تی
بورده فراموش بهییه
فارسی بتن خوش بهییه
اسا گمبه جان مارون
وچه دره شمه میون
فارسی زبونه یاد بدین
مازرونی ره باد ندین
اتا بوین یکی چییه
مستروین و جکی چییه
مواظبه وچه باشین
وشونه هر کجه باشین
اما شما جان پرون
زحمتکش و خسه تنون
وچه ی جا رفق باشین
چپ چپکی تشر ناشین
اسا بورم شه مله سر
شعر بهووم از همه ور
امه مله هسه شلوغ
گد و کچیک گوش زنده بوق
چفته بنه دارنه مله
الیاد بنه دارنه مله
مصدار و تسکندون عجب
زمین دارنه وجب وجب
بیستا پنج تا دارنه شهید
اتا اتا بینه رشید
به راشون فدا بهینه
آسونه سر جا بهینه
آخر سر گمبه برار
مله ره ته هکن قرار
طاهری که بورده بیرون
مشکل دیه ونه میون
نا مشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#105
Posted: 21 Jul 2013 15:20
هر 1تا گب نصیحته بخشنیا جسارته »
« امسال اگر سیرنی پار وشنا ره یاد نکن »
« وقتی ته لینگ چکمه دره پای تلی ره یاد نکن »
« اگر راحت تر مجنی پار سختی ره یاد نکن »
« وقتی ماشین ره گاز دنی پیاده روی ره یاد نکن »
« آسفالت ره دنده 4 شونی جاده خاکی ره یاد نکن »
« ده هکتاری سند زندی کچیکه زمین ره یاد نکن »
« وقتی شونی ویلای دله باغبونی ره یاد نکن »
« ماشین سر بار بند زندی مال کشی ره یاد نکن »
« چراغ فندک ته دست دره چراغ موشی ره یاد نکن »
« پیمان کار شهری بیی تندیر دی ره یاد نکن »
« اگر پست و مقام دارنی گت کچیکی ره یاد نکن »
« باد که به قب قب دم دنی شه پنچری ره یاد نکن »
« ته دست اگر کار بر انه شه کار سازی ره یاد نکن »
« 2نفر ره جمعه شو نون دنی یواشکی ره یاد نکن »
« 4نفره رییس بیی مهربونی ره یاد نکن »
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#106
Posted: 21 Jul 2013 15:21
« اگر 2 نفره ره مزد دنی شه مزد گیری ره یاد نکن »
« 4تا کلاس سواد دارنی شه انده چی ره یاد نکن »
« 4 تا قریب ره که بدی شه محلی ره یاد نکن »
« خویش و قوم ره قربت بدی احوالپرسی ره یاد نکن »
« زبون خارجه یاد بی مازرونی ره یاد نکن »
« مارک و دلار ته جیف دره یک قرونی ره یاد نکن »
« مهندس زرعت بواش زرعی گری ره یاد نکن »
« جبر و مثلثات بخون قرآن خونی ره یاد نکن »
« اسا اگر عاقل بیی شه خل خلی ره یاد نکن »
« 4تا عاقل ته دور دره خداوری ره یا نکن »
« شومینه گازی بخرین کله دی ره یاد نکن »
« اگر ته اشکم پی بزو شه لاغری ره یاد نکن »
« وقتی که جاز گوش دنی شه امیری خونی ره یاد نکن »
« با کامپیوتر کار کندی فارسی چلی ره یاد نکن »
« خلاصه همه کار و بار سر خداوری ره یاد نکن »
« هر چی بارم توم نوونه حرف حساب کم نوونه »
« خیلی هسته که ناتمه گاه با اشاره باتمه »
« ترک هاکنیم شه عادت ره بدخواهی و حسادت ره »
« همه ره شه برار دونیم پیر ره شه افتخار دونیم »
« محله ره آباد هاکنیم محلی ره شاد هاکنیم !
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#107
Posted: 21 Jul 2013 15:23
اول بوم بسم الله نوم خداره
صلوات برس بر محمد صل الله ره
***
بوم یا علی سو دکفه امه دل
علی باله ماس هسه قیامت پل
قیامت پل یه موی نازکی یه
چند تا بی نماز اون پله یور نشی یه
***
حسن و حسین (ع) فاطمه بزاره
عجب نوری پاک داشته وشون دتاره
امیر المومنین (ع) وشون بابا هه
ونگ هکنم ونه خواره صداره
***
امیر باته یک بار بورم جوون بهووم
کله سنگه دشته جوون بهووم
بورم مدرسه قرآن خون بهووم
پیش محمد(ص) رو گردون نهووم
***
ناماشون صحرا وا دکته صحراره
داره چله چو بورده مه قواره
تازه بوره شیر دکفه مه پلاره
خبر بمو ورگ بزو مه گیلاره
امیر پازواری
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#108
Posted: 21 Jul 2013 15:25
برا با هم بخوندیم ناله ها ر
برا محمل دوندیم ناقه ها ر
برا تا به قیامت غم بهیریم
برا واویلتا ر دم بهیریم
برا از کربلا دائیم بخوندیم
برا از غصه دارون جا نموندیم
برا مشتی امام رضائی بویم
خدا هاکانه کربلائی بویم
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#109
Posted: 21 Jul 2013 15:26
برار برار برار برار خواخر نفسه
اخ برار برار براربرار خوار برار همه کسه
من تک سواری داشتمه
شه وسه یاری داشتمه
مه دل دره پاره وونه
روزی براری داشتمه
هر وقت مره غم دئیه
حسین مه ناز ر کشیه
هم زینب برار بیه
هم مه پیر مه مار بیه
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#110
Posted: 21 Jul 2013 15:32
بورده شه سه
بروشته روخنه او بورده شه سه
کله سر چایی سوسو بورده شه سه
امه رسم و زبون ره کی بکوشته
کئی بورده پلا بو بورده شه سه
***
تلفظ انگلیسی
Baroshte rokhene o borde she se
Kalesar chaee soso borde she se
Ame rasmo zebonre ki bakoshte
Kaee borde pela bo borde she se
***
ترجمه فارسی
دیگه از فراوانی آب رودخانه ها هیچ خبری نیست.
و از آب رودخانه ها دیگه برای دم کردن چای استفاده نمی شود.
همه رسم و رسوم قدیمی و زبون محلی ما فراموش شده اند.
و از موقعی که آدات نو وارد رسوم ما شده است قدیمی ها به فراموشی سپرده شده اند.
***
میر حمزه طاهری هریکنده ای (نوپا)
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
صفحه 11 از 17