ارسالها: 6561
#131
Posted: 2 Aug 2013 19:39
shakaat: ترجمه هاشون رو نمیزاری؟
اینجوری خیلی سخت میشه خوندنش
ترجمه اگه داشته باشه میذارم
ولی اینا ترجمه نداره
ترجمه کردنشونم حداقل یه روز طول میکشه
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#132
Posted: 2 Aug 2013 20:07
آي خِنِه‌دارْ
آي وَچِه‌دارْ
برو اينْ ورِ بازارْ
حراجْ حراجِ واقعي
دِلْ بَوارْ جيگِر بَوارْ
دِلْ حَراجِ آي حَراجِ
جيگرْ ،حراجِ آي حَراجِ
شِه مالِّ مِنْ تّش بَزومِهْ
حراجْ حراجْ حراجِ
اتّا آدمْ حراجِ
آبرو آبرو آبْرو آبْرو روشِمْبِهْ.
*
مِنْ شِهْ مارِ دوشْ دَرِمْبِه وِنِهْ بِرِمِهْ مِهْ شْيِره.
مِنْ پيرخالي جيفْ دِلِهْ هِنيشْتومِه.
مِنْ خاخِرِه وِشْنادَسِّ سَرْ بَخِتومِهْ.
گت پيّرِّ دوش دّوِسْتِمِه
لالالالا دِنيا دِروزِهْ سال به دِوازده ماه ته داشتي روزه
شِه وّچِه دَسِّ بيتِمه وره گِمبِه وّچِه اين بادكنك به دَرد نَخِرْنِه
وَچه زايِ وِسِّهْ گِمْبِهْ
آي قَصِّه ، قَصه ،قَصه نونا ،پنيرا ،پسته
اتّا بي‌يِه اتّا نيّه خدا اَمِه خِدا !
منْ پارِه كّلوشِمه ،شِه لينگْ دَرِمْبِهْ
بّپيسّ ماهي ِ پِشْتْ شِه‌خِد‌رِه مِن جا بِدامِه مِه چشْ تَه چشْ تَن نَكِفِه.
وَشْني‌جِه اَنْدِه تِه چِشْ سو دَني‌يه
تا قيامِتْ صِراطِ پِلْ‌جِهْ بِتُوني يورْ بوردي
وِشْنا آدِمِّ بِهِشتْ ندنه راه
*
بِرارْ بِرارْ آبرو وري چِچي دِني
آقاآقا شِه سُوآلِّ پيشْ بيارْ ،خامْبِهْ سيكارِ تّشْ هاكِنِمْ
*
جيرْ جيرْ
دِلْ وِنِهْ تابْ تابْ هاكِنِهْ يا جيرْ
مِهْ دِلْ دِلِهْ دارْ كوه،شُو، جيجْ‌جْيروني
جيرْ جيرْ جيرْ
*
خّنْدِه دارْنِهْ مِنْ بورِمْ زيرآبِ ميْدونِ دورْ رقصْ هاكِنِمْ
لاكْ‌سَري‌سِما مِوارِكِ ،سِهْ‌چَكِّهْ سِما مِوارِكْ ،بِمْپِري‌سِما،دَردْدارِ سما مِواركِ،مِواركِ
آخْ‌خِدا مِهْ يار دَرِنِهْ
بَسُوتِهْ بِهارْ دَرِنِهْ
اَگِهْ مِهْ حَرفْ خَنْدِه دارْنِهْ
مِرِه مَسْتي زِنْدهْ دارْنه
چَكِّه‌چَكّه ، چَكِّه‌چَكّه ، بِرمِهْ بِرمِه، بِرمِه بِرمِه
دِنيايه غَمْ چِشِ سِرْمِهْ
آهـاي مَرْدِمْ آهـاي آبْرو روشِمْبِهْ
چِشا،دَسْتا،لينْگا، اَبْرو روشِمْبِهْ
اونْچي‌ره ويمْبِهْ نِخامْبِهْ
اونْچي‌رِهْ خامْبِهْ نَويمْبِهْ
*
تِهْ گِني خَنْدِه دارْ شِهْ خِدِّ مِنْ تَشْ بَكِشِمْ اينْوَرِ پِلْ تااونْ طَرِفْ
دو بَئيرِمْ زو بَكِشِمْ
زوووووووووووووو
زو مِه زوزِهْ ،شوءِ روزِهْ
وِلْ هاكِنْ اَتّا سيْگارْ تَشْ بَزِنِمْ
*
?اينْ دارْ كِنِشِهْ، ريشِهْ كِنِشِهْ،سَنگْ كِنِشِهْ شيْشِهْ كِنِشِهْ باغْ كِنِشِهْ ويشِهْ كِنِشِهْ.
تَشْ اَمِشِهْ،غَشْ اَمِشِهْ،نَشْ اَمِشِه!ْ.
وِلْ هاكِنْ اَتّا سيْگارْ تَشْ بَزِنِمْ!
او كِنِشِهْ سو كِنِشِهْ ،اينْتا گِلِ بو كِنِشِهْ؟
اَتّا سيْگارْ تَشْ بَزِنِمْ!
?رَخْصْ اَمِشِهْ سازْ كِنِشِهْ، چو اَمِشِهْ دازْ كِنِشِهْ
! اَتّا سيْگارْ
?روزْ كِنِشِهْ،شو كِنِشِهْ دَردْ كِنِهْ ، دِوا كِنِهْ بِلا كِنِهْ خِدا كِنِهْ
اَتّا ديگِهْ!
?تّشْني كِنِهْ،وَشْني كِنِهْ،نونْ كِنِشِهْ خونْ كِنِشِهْ
رِمِهْ بي چپّونْ كِنِشِهْ
تَشْ اَمِشِهْ،غَشْ اَمِشِهْ،نَشْ اَمِشِهْ
دِوا-آ-درمونْ كِنِشِهْ؟
كِنِهْ؟
كِنِه؟
كِنِه؟
اتّا؟
اّتّا؟
اتّا؟
آقاآقا
سيگارْ دارني؟
كِنِهْ ؟
كِنِه؟
كِنِه
اَتّا!
اَتّا!
اَتّآ!
آقاآقا؟
سيگارْ دارني سيگارْ؟
علی حسن نژاد
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#133
Posted: 2 Aug 2013 20:13
ای دپیته عطر مه مازندرون سرخ گل ..... دل ره غش ایارنه نوای بلبلون مس دل
سبز شال وندنه تسکا شه کمر افرای پیش ..... تتی کاک سلوم شونه خشک چنار چو و چل
از صفارود تا هراز و تجن روشن او ..... او چه اویی کننهو شربته شربت عسل
ونوشه گیرنه بهار بک و بو دل دنشه ..... سرپیش سرخ انار وندنه سرره سرخ جل
تفت کلاک زمسون خر و خش بورده پئی ..... خرد چله غلطه بییه اسا پنمه شل
تو تراک ورف روز توم بونه افتاب کشه ..... تش انگشت شونه مار سیو بونه سرخ کتل
دس وندمه حنا کمه شه تن اسپه جمه ..... شومبه تا رنگ بکنم عیدی بن مرغنه کل
هشته ازال منه جور ورزا همن اورگ بزه ..... رسنه نوبت ورز و واردنی کسو کمل
بنشا المه شه دشته کوچ بار سمت اوریم ..... که اگر در بجومندم کفنه اسببه سپل
مازرون سفره پر برکتی و پر بک و بو ..... آرزو کممه تره باقی بداره ته عمل
کیوس گوران سوادکوهی
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#134
Posted: 2 Aug 2013 20:15
دوبیتی
انّه دار وارش هدامه شه گيلاره
دارِ چلا چو بَورده مه قـواره
تازه بورده شيرْ دَكِفه مِه پلاره
خور بيمو، ورگ بزوته گيلاره
نماشونِ سرا مه ونگه ونگه
چار بيدار درشونه صداي زنگه
كمين چار بيدارّ، برار بئيرم
دمـبـدم خـورِ شه يــار بئـيـرم
خجيره كيجا، هيّا هيا شومي كو
گندم به درو بينج بنشا شومي كـو
اراده به كو دارمه نشومه بي تـو
كَرِ سنگ دشت بارگيرمه خاطر تو
لوشْ كلومي گَتْ دروازه نوونه
كليـن بنه اسپـي رازه نوونـه
بخوشتـه هسـكّا تــازه نــوونـه
نامرد جور، تلي سازه نوونه
سه تا چينكّا داشتمه خجير و خارك
اتّاره كرچك بزو اتي ره شالك
اتـا بمـونّس ونـك بكنـه بهــارك
اون هم كَتِ په كُتِه زنه كتارك
نمـاشون افتـاب كشنـه زرده
بـلـنِّ ممـرز سـر گيـتـي چــرده
ته تور چمرا خاموش ويشـه
رزِرزِ خونش‌‌كردي‌گتي شه درده
اونمـا بيـارده هلـي تتـي ره
سو بيـارده مَلهِ وَرِ كتي ره
بچا بچا سراينگو اسپه مكنا
ونوشه دَكرده شه پمتي ره
نا مشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#135
Posted: 2 Aug 2013 20:16
دو بیتی
بورم يزد و ته وِ يزدي بيارم
ته وسّه مخمل عالي بيارم
کاري نکن ته سر وسني بيارم
ته ململ چش ره عصري بيارم
.....................
ته بوردن بوردن آ مه هارش هارش
قشنگ کيجا جان دنبال ره هارش
کهو آسمون ره کمبه سفارش
هرکجه یار شونه نئیره وارش
.....................
سر تپه نماز کند کيجا جان
کمر ره دلا راس کند کيجا جان
خدا جه التماس کند کيجا جان
مه ره شِه ور دراز کند کيجاجان
.....................
اونجه ته اسّايي مه روبروئه
ته تن کت و شلوار رنگ کهوئه
اگر دونم اين عاشقي دروئه
يک مثقال ترياک اين جان گروهه
.....................
دياري دياري نزن اشاره
دشمنون بيتنه دور اماره
الهي دشمن دل بووئه پاره
من آ ته عاشقي ندارنه چاره
.....................
اگر مه ره خواني شب تار
برو ندارني وسيله با قطار برو
اگر دشمن بهيته سر راه ره
هاکن ميون برو آب درياره
.....................
برو تا گندم يک دانه بويم
برو تا او رودخانه بويم
همين که شو بيّه دستي به گردن
که روز روشن بيه بيگانه بويم
.....................
سرم درد بهيته تا حد گردن
اجل برسيه ونه بمردن
اجل ماره نکوش ما نوجوانيم
گل نشکفته ي مازندرانيم
.....................
ساري سور دار چند چلّه دارنه
دِتا بلبل ونه سر ناله دارنه
يکي بلبل که داغ وچه دارنه
يکي بلبل عاشق گم کرده دارنه
.....................
اتاق چار دری پرده به پرده
من و تو هنيشيم هرده به هرده
انده هنيشيم تا آفتاب دگرده
تموم دشمونون دل بترکه
.....................
بنال بلبل بنال تا من بنالم
ته درد گل من درد يارم
ته درد گل بنال شش ماه و شش روز
من درد يار بنالم هر شب و روز
.....................
اِسپه پيرهن نکن ته تن دياره
يواش يواش برو مه مار بيداره
يواش يواش برو انجيل سايه
نا مه مار بشناسه نا مه همسايه
نامشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#136
Posted: 2 Aug 2013 20:17
دو بیتی
هراز او بموهه پل ره بورده
من و مه دلبر دل ره بورده
رفقون جمع بوين پل ره بسازين
من و مه دلبر دل ره بسازين
.....................
بلندِ قد دارنه بلندِ بازو
بلند دَروِن سر گيرنه وضو
من آ ته هنيشيم زانو به زانو
ته دل درد دره آ مه دل آرزو
.....................
کيجاي سره پيش دار دارنه هلي
دِتا طِلا درِنه گِنه اميري
الهي طلا آ نيره ته گلي
مگر ته دل دره درد عاشقي
.....................
شباي زمستون دارمه انتظار
نيشتمه نال سر ندارمه قرار
ته ره قسم دمبه جان ته برار
مه دل نشکن آ برو مه کنار
.....................
فلک آخر مه ره غريب هاکرده
از ديدن ته بي نصيب هاکرده
مه ره دور از منه طبيب هاکرده
کهنه دشمن ره مه رقيب هاکرده
.....................
نيشتبيِمه شه سِره من زومه ناله
بِلبل خَوِر بياده نوبِهاره
درد عاشقي دارمه نوونه چاره
مست بلبل ته ناله بلاره
.....................
شب وروز ته وِسّه من زمّه ناله
دل من تنگ بيّه نوونه پاره
دِشمِنون شماره هاکنم چه کار
نينگنين جدايي من و منه يار
.....................
ته گوش گشواره آ گردن تِمِني
کيجا بوته ريکا اَمه سِره نِني
اِسا که من اِمبه شوني خِسِني
معلوم بيه کيجا مه ره نخواني
.....................
خدايا سر هدايي سامون هاده
خدايا درد هدايي درمون هاده
ته جه من نخواسمه مال و ثروت
جان خدا مه ره هم زبون هاده
.....................
چندِ من هِرسّم کَلِک کنار
چند من هاکنم ستاره شمار
شيشک و ترازي همه شونّه مار
آخر بمو مه قشنگ يار
.....................
پاييز بموهه وا دکته صحراره
ارباب در اِنه زارع گيرنه شه لِفاره
قربون بهووم قدرت خداره
زارع بزوهه ارباب په کِفاره
.....................
کيجاي نالِ بِن تو دکشم
تو انده تو بخِرم نالّ بورم لو
مار گنه چچيه دتِر گنه گو
بيچاره دِتِرا چو بَخرده چو
.....................
مسلمونون مه ره با کارد بکوشين
مه گوشت ره بِورين دهات بروشين
مه گوشت ره بورين دهات به دهات
همه ره کم هادين مه يارره زياد
.....................
عقل وِنه آدم کلّه دوو
کيجا وِنه آدم مله دوو
صِواحي نماشون راه کوچه دوو
چِش وه ره بوينه دل تازه بوو
.....................
کيجا جان سر ته من زن نورمه
همان قول که هدامه ته ره ورمه
همان قول هدامه ديروز نماشون
کدوم کافر ته ره کرده پشيمون
نا مشخص
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#137
Posted: 2 Aug 2013 20:18
بیستا بیستا گمبه شرح شه ناخشی
دل این‌‌گمبه شه جیف بی‌‌دل خشی
نا که دس مه رسنه تا به بریم
نا حرم دارمه اسا، نا که حریم
نا که من قابل هر مجلس‌‌مه
نا حریف شه تک گلس‌مه
من که این‌جه درمه بومبه سنگ‌روش
من که دارمه هول درزن و دروش
زنه کپل من و مه مشق و مداد
اتا کس نشتونه مه سینه‌ی داد
خاننه تجلیل هاکنن مه برمه ره؟!
خانه مه چش بکشن شه سرمه ره؟!
خانّه ملهم بهلن مه دل زخم
خانه سازه بزنن سوآل اخم
نا برار، نا مه خاخر، نا مه وچه
جای تجلیل آش بپج اتا کچه
هاده این آدم اهل افترا
تا هترکه بیاره سر شه را
مگه ناتی که شونی راه علی؟
مگه حق ره ندی ته ونه پلی؟
پس چه کننی دم به دم مه ره تری؟!
چنده تاشننی مه وسسه فرفری؟!
چنده تهمت، چنده کتره، چنده فاش
چه مه ره گننی همش بیستا بواش؟!
من اسیر بفره‌ی بهارمه
دل دوس سفره‌ی نفارمه
نا پسرجان، نا دتر، نا مه خاخر
سر من لب هاکنم نونه هنر
تا که تک میم بزوئه هسسه بدود
اتا زمبیل برمه هم ندارنه سود
من نخامبه مه ره تقدیر هاکنین
یاد این میرز عموی پیر هاکنین
راه دوسسه تا مه کندای پلی
نلنه من بریم بئم کرات تلی
ته اگه راسّ گنی تلی ره بی
دسّ جا این پتی گلی ره بی
تا که در به مه صدا بلبل وار
تا بتاجنده بوره پشت حصار
عشق و ایمون شما زنده بوئه
این وطن تربت پاینده بوئه
کیوس گوران سوادکوهی
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#138
Posted: 2 Aug 2013 20:19
شعر مازندرانی از استاد حجت الله حیدری
چو اسب سوار
گرچه که گالشِ بی ملک و تلارَسّمه مِن
پیشِ خد مالِک صد خالِکِ مارسّمه مِن
مه غم و غرسِه ویشتره مه طاقِت جا
با همون غِرسِه وغم عاطفه جارسّمه من
چش خَلِه ترسِنِه نامردی ونامردم دس
عین البرزِمِه ،هر گوشه دیارسّمه من
روزگارِدلِ وِس خنده بکردن غلِطه
اینه هردورو زمون مساله دارسّمه من
ته شه دونّی که نَئی تا به اِسا اهل وِفا
رُونَزومِه تِرِه،اماتِه جاخارسّمه من
مهربونی ئمه جِم برنِنِه دِشوارِه ولی
آسمون جِر بیه هم سبزه بهارسّمه من
کَربَزِه بَیّا،کنارِچل وچو بورده رِغت
دشتِ آلِم دِلِه ،دس بَی ته پِنارسّمه من
گِتهِ حجت که تِموُم بَیّه دیگِر عمر و تِوُون
تازه مِرِ حالیه چُو اَسب سِوارَسّمه من
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ارسالها: 6561
#139
Posted: 2 Aug 2013 20:22
نیشت بیمه خنه و بیمه بی گمون / سه تا شیر بچه دارنه امیر تامون
سهم الممالک و رئیس قاشون / سیف الله خان سرتیپ شیرین زبون
پرو چشمه سر ونه ناهار خارون / خبر بیمو از سوی قشون
چه خبر دارنی هوژبر سلطون / سراغ خرنوا بیمو یزدون
گنه دستگیر هاکنم هوژبر سلطون / این گپ ره بشناسه هوژبر سلطون
راهی بیه خنه تهیه بهیره شوم / . . .
صدا هاکرده ای خواخر گلون / دوشتره ره ته دکون قند و چایی و نون
امشو عقیده ام هسته شبیخون / ماه سو جا بیمو کنار قشون
نشون هاکرده چادر یزدون / بیگمون بورده چادر یزدون
دستگیر هاکرده یزدون پهلون / برمه برمه بیه میون قشون
هوژبر همراه بورده یزدون پهلون / یزدون ره بورده تا شه خنه میون
بورده خدمت امیراکرم نوم / امیر باهوته شما نکوشین یزدون پهلون
تیر خالی هاکنین سمت بیابون / هوژبر راهی بیه سمت مازرون
پلی هاکرده سرخل نسوم / سنگر بهیته دبرار میون
اون روز بجنگسته روز تا نماشون / اون همه قاشون ره هاکرده داغون
راه دکته هوژبر سمت مازرون / خرابه تلار و ونه دم زنون
امیر اکرم نیشته بیه تلار میون / رمل ونه پیش و کشیه قلیون
نظر هاکرده راست خیابون / بدیه درانه چند هزارتا قاشون
باته دست و پا جمع هاکنین دوست و رفقون / امه دنبال بمونه چند هزار تا قاشون
هوژبر باته پیر مگه عقلت بیه توم / تموم ایرون ره بیره قاشون
هنوز سر زنده هسته هوژبر سلطون / این حرف وشون نهیه توم
ملج و نمدار خال ره وا بدا تکوم / شصت تیر صدا بکرده گوخسه میون
پلی هاکردنه کج نسا نسوم / همینتی بوردنه سمت ارزمون
ارزمون دهیه شیخ نادعلی نوم / دعوت بخواسته وه ونه نوکرون
استکان چایی هوژبر دهون / نظر هاکرده راست خیابون
بدیه در انه چند هزارتا قشون / سنگر هاکرده کهنه تنشورون
انده بکوشته تا لشکر بهیه توم / ائی راهی بیه سمت ترکمون
بین راه هنیشته با چندتا گت گتون / . . .
قرآن مهر هاکرده امیر اکرم نوم / دعوت بوره هوژبر و ونه یارون
قسم یاد هاکرده امیر اکرم نوم / قسم یاد هاکرده هوژبر برارون
قسم یاد هاکردنه ونه یارون / بی سلاح بوهرن دعوت وشون
سلام علیک و تعارف نهیه تموم / دستگیر هاکردنه هوژبر سلطون
دست ره دوستنه با بزمی ریسمون / هوژبر شونک ره هداه تکوم
پاره هاکرده بزمی ریسمون / دباره بیاردنه سیم تلفن
دوستنه کت جفت برارون / هوژبر رو هاکرده باهوته ای زن فلون
مگه کم بیه امه بره و راغون / اما بهیم دعوت امیر ارم نوم
هوژبر بیچاره بدا تکوم / بورده گوشت و پوست بند بیه استخون
نماسر ورو نم نم بارون / بهشهر خرابه هوژبر بیه تیر بارون
اسد الله خان باوند سوادکوهی
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
ویرایش شده توسط: Alijigartala
ارسالها: 6561
#140
Posted: 2 Aug 2013 20:23
دآب تنگه تنگه ..... هوژبر ته گلون بمیره
شصت تیر دنگه دنگه ..... هوژبر ته گلون بمیره
گلیله اموهه تنگ تنگ سینه ..... هوژبر ته گلون بمیره
هوژبر غرنه غرنه ..... هوژبر ته گلون بمیره
هوژبر آدم ره خرنه ..... هوژبر ته گلون بمیره
اسد الله خان باوند سوادکوهی
"حیف نمیشه به عقب برگردیم به شبای پرسه و در به دری
کافه چی دکمه ی برگشتو بزن به روزای خوب کافه لوتی "
صفحه 14 از 17