صفحه 25 از 103: « پیشین 1 ... 24 25 26 ... 102 103 پسین »

اشعار کردی و لکی

nisha2552

کاربر

ارسالها: 3525

#241 Posted: 6 Dec 2013 17:52

عه‌زیزم بۆچی تۆراوی له‌ خۆڕا ؟
چ قه‌وماوه‌ ؟ دڵی تۆ بۆچی گۆڕا ؟
...
ئه‌تۆ وا زوو له‌بیرت کردم ئه‌مما
فه‌رامۆشت نه‌که‌م شه‌رته‌ له‌ گۆڕا

له‌ من ڕا خۆ خه‌تایه‌ک ڕووی نه‌داوه‌
ئه‌دی بێ مه‌یلی بۆ ڕووی دا له‌ تۆ ڕا

ئه‌سیری که‌زیه‌ته‌ کۆتری دڵی من
ده‌بێ حاڵی چ بێ کۆتر له‌ تۆڕا ؟

سه‌ر و ماڵ و که‌ماڵ و بیر و هۆشم
له‌ نه‌ردی عیشقی تۆ دا پاکی دۆڕا

له‌ چاوم دێ به‌ خوڕ فرمێسکی خوێنین
که‌چی ئه‌م گۆمه‌ خوێنه‌ هه‌ڵنه‌چۆڕا

من و لاشه‌ی په‌پووله‌ ماینه‌وه‌ و به‌س
شه‌وی دووری، شه‌میش تواوه‌ له‌ گۆڕا

nisha2552

کاربر

ارسالها: 3525

#242 Posted: 6 Dec 2013 17:52

چاوه‌ڕێتم،

ده‌گه‌ڕێیته‌وه‌ سوێند ده‌خۆم

سوێند ده‌خۆم ده‌گه‌ڕێیته‌وه‌

گه‌ر یه‌ک یه‌کیش سنووره‌کان مین رێژ بکه‌ن

... هه‌موو رۆژێ له‌گه‌ڵ به‌ری به‌یاندا

به‌ره‌و ئاسۆ له‌ دوو ده‌ده‌م ده‌زووی نیگام

وا هه‌ست ده‌که‌م

تۆ ده‌بیته‌ باڵدارێکی ئه‌فسانه‌یی و

به‌یانییه‌ک دێیته‌وه‌ لام

عه‌بدوڵڵا په‌شێو

nisha2552

کاربر

ارسالها: 3525

#243 Posted: 6 Dec 2013 17:53

ئه مه ش شێعرێكي هورامي :

ئانا زمسان
کۆڵی‌ وه‌روینش پێچنان
به‌ڵام هیشته‌ی
چی که‌وێڵوو ته‌نیاییمنه‌
وازم چه‌نه‌ نمارا و
حه‌ر زیاڏ مه‌که‌را.....
جه قووڵی كام حه‌ساره‌و تاسه‌و وێم
په‌يت بنويسوون؟...

nisha2552

کاربر

ارسالها: 3525

#244 Posted: 6 Dec 2013 17:54

بلبل شیدا

منیش ئی بولبولی شه یدا وه کووتوم
من نیز مجنونی چوه تو هستم ای بلبل شیدا

وه ها دورم له هیلانه وگولی خوم
من نیز چون تو از اشیانه ویارم بدورم

منیش وه ک تو له کیسم چووگولی سوور
من نیز چون توگل سرخی را از دست داده ام

منیش هیلانه که م لی کراوه خاپوور
من نیز چون تو آشیانه ام ویران گشته است

هه تا دوژمن نه گوزینی ده خوینم
دشمنان(ناپاکان) نمی گذارند آواز بخوانم (غمم را فریاد کنم)

ده خوینم بو گه لی خوم هر ده خوینم
بخوانم برای ملت خودم بخوانم (مصائب را باز گویم)

شعر وآواز : استاد ناصر رزازی

nisha2552

کاربر

ارسالها: 3525

#245 Posted: 6 Dec 2013 17:55

دێوی خه‌یاڵ
(شعرکردی)

له‌ بیابانی ته‌مه‌نم دا سه‌رگه‌ردان بووم

شه‌و هاته‌ خه‌وی رۆژمه‌وه‌ و

ئه‌ستێره‌ش جریوه‌ی ئه‌هات.

وزه‌ وزی دوژمنێك هات

چه‌كی درك و داڵی هێنا و

ئارامی شه‌وی تێكشكاند.

زه‌رد هه‌ڵگه‌رِام وه‌ك خۆهاوێشتن له‌ ناو خۆر.

چۆكم له‌زرا وێنه‌ی وشه‌ی نه‌ته‌وه‌كه‌م له‌ نامیلكه‌ی نه‌ته‌وه‌كان؟!

فه‌نا هات و ده‌ستی گوشیم

مار و دووپشكی هێنا بوو

چزه‌ی ماچیان پێوه‌ئه‌دام.

خۆم راته‌كاند

ده‌ستی له‌رزۆكم به‌ هێزی ئه‌ستێره‌ی ده‌سكردی خه‌یاڵ

توند راكێشاو خۆم رزگار كرد.

فه‌نا رووی كرده‌ لام و وتی:

بو كوێ برا؟

منیش وتم.......

ئه‌ویش وتی.......؟

چی به‌رد

چی ئێسك

چی كه‌لله‌ی سه‌ری سه‌ربرِاو

تریفه‌ی مانگ ناوی هێنا

كۆم كردنه‌وه‌ و

وێنه‌ی چوارتاقه‌ی نالی هه‌لمَچنی.

ئیتر

دوژمن له‌ چاوانم ون بوو

خۆی به‌ به‌رد و كاژه‌ڵ ده‌دا

دڵنیا بووم

كونه‌باشم نه‌هێشت بوو.

زۆر ده‌ترسام

ئۆقره‌م گرت و

له‌ دڵه‌وه‌ به‌ هێواشی قیرِاندم و

وتم:رزگار

رزگا كرام.

هێشتا شه‌و بوو

چه‌ند ئه‌ستێره‌ی وه‌فاداری دڵی ره‌شیی و تارمایی

جریوه‌یان كه‌مێك مابوو،

كه‌دێوێك هات!

زه‌به‌لاحێك

درك و دار و مار و داڵی گرت بوو له‌ مست

هێنده‌ ترسام

ده‌نگی خشپه‌ی گه‌ڵاكانی ئه‌و پایزه‌م

له‌ ژووره‌كه‌ی بیری ئه‌مرِۆم وه‌بیرئه‌هات

دڵم وه‌ستا

خوێنم شه‌خته‌و

چاوه‌كانم زۆر به‌ خێرا هه‌ستان له‌ خه‌و

ئه‌و جار

ئۆخێكم كێشا و

ئیتر

دێو نه‌ما....!

nisha2552

کاربر

ارسالها: 3525

#246 Posted: 6 Dec 2013 17:55

نامه

كوتري سپي،

نا مه ي ئاشتي،

ولاتيكي زامداري بو ميژو ئه برد.

راوچي هاتن

ديو جامه يان بو راگرت و

ده سريژيان كرد.

له پر زه وي زريكاندي

ئاسمان له خه و راچله كا

خويني كوتر

دلوپ دلوپ

به سه ر هه مو دنيا تكا!

nisha2552

کاربر

ارسالها: 3525

#247 Posted: 6 Dec 2013 18:00

نه‌شته‌ری چاوی حه‌بیبم دێ به‌ سینه‌مدا ده‌چێ
مه‌رهه‌می نازی طه‌بیبم بۆ دڵی خوێنین ده‌با

من وه‌ها مه‌ستی گوڵه‌ندامم که‌ نازانم ئه‌به‌د
هۆشی من دوگمه‌ی ته‌ڵا یا ساعیدی سیمین ده‌با

تا (وه‌فای) له‌و‌ ده‌ره‌ بێت و بچێ مه‌نعی مه‌که‌
سورمه‌یی خاکی ده‌رت بۆ چاوی پڕ ئه‌سرین ده‌با

دەمێکی مەست و بیمارم، دەمێک بێهۆش و هۆشیارم
چ کــەس نازانێ دەردی من، مەگــــەر ئەو چاوە کاڵانە

هەناسەی عاشقان با نەدگرێ بێمروەتیی تا کەی؟
بترسێ ئەی گـــــــوڵی نازت بەدەم لەو بایی زریانە

"وەفــــایـی"

nisha2552

کاربر

ارسالها: 3525

#248 Posted: 6 Dec 2013 18:01

ئەستێرە هەموو مەحوە لە نێو نووری قەمەردا ،
یاشەمسی جەمالت شەوی گێڕاوە بە فـــەردا؟

خاکی بەری پێت هەم گڵ و هەم گوڵ بە سروشکم
وەقتی غەم و شادی ئەوە کردوومە بە سەردا

تـــەلیبی نـــییە ئـــەو کـــەسە دێوانـــەیی رووتە
بێچارە ئەمما غەیری حـــــــــەیاتێکی لە بەردا!

رەنگی نییە روخساریی رەنگین و لەتیفی
رۆشنبووە ئەم نوکتە سەباتی لە بەسەردا

هەرچەندە کەئینسانە لە بەرچاوی من و تۆ،
مومکین نییە ئەم لوتفە لە ئینسان و بەشەردا

ئیسباتی خەت و خاڵە ،بەسەد شوشتن و گریان
نــاچێتەوە ئەم نوقتە لە نێو دیدەیی تــــەڕدا

شەوقی کەنەبێ باسیرە،مەئیووسە لەدیتن
هەر شەوقی ئەوە قووەتی دینی بە نەزەردا

ئالوودە نەبێ دا،بە زەبوون و گیرەیی خوێنم
بۆ کوشتنی من دامەنی پاکی لە کەمەر دا

"نالی"خەبەری بێ ئەسەری غائیبە،ئەمما
ناڵێکی حەزین دێ لە موناجاتی سەحەردا

لە سینەمدا سەدای ناڵینە بێ تۆ
دڵی زارم بەسێ غەمگینە بێ تۆ

ئەبەد وەک من غەمیش ساحێب وەفایە
ڕەفـیـق و ھـەمـدەمـی دێـرینـە بـێ تــۆ

ھەناسەی سەردی من دێنێ زمستان
گـڕەی گـەرمـی دڵـم ھـاویـنـە بــێ تــۆ

دەمم تاڵ و سریشکم شۆرە دائیم
ترش ڕووم و قسەم شیرینە بێ تۆ

دڵـم بـاغ و گـوڵـم فـرمـێـسکـی ئـاڵـە
بەھار عومر و ئەجەل گوڵچینە بێ تۆ

سریشکـم قـرمـز و دیـدەم سفیدە
ڕوخم زەرد و ليباسم شینە بێ تۆ

فـەرەح ڕابـورد ئەبـەد بـێ تـۆ عبورکا
بەڕووی دڵما خەفەت پەرژێنە بێ تۆ

لەچەنگ غەم سەیدە(سالم)وەک کەبوتەر
لـە دڵــیـا مـیـخلـەی شــاھـیــنـە بــێ تــۆ

سالم

nisha2552

کاربر

ارسالها: 3525

#249 Posted: 6 Dec 2013 18:01

ئه‌ژده‌های زوڵفی له‌ ده‌وری گه‌نجی حوسنی حاریسه
حه‌لقه‌ حه‌لقه‌ چین به‌ چین سه‌رتا به‌ خواری گرتووه‌

ماهی من ته‌نها مه‌هێکه‌ صه‌د نوجومی مه‌حو کرد
یاری من ته‌نها گوڵێکه‌ صه‌د هه‌زاری گرتووه‌

دامه‌نی پاکی مه‌داری دائیره‌ی خامه‌ك نییه‌
خوێنی مه‌قتولانه‌ وا دامێنی یاری گرتووه‌

گه‌رد و بادی هیجری تۆ ! وا عاله‌می لێ کردمه‌ تۆز
نه‌ك دوچاوم !! به‌ڵکه‌ حه‌تتا دل غوباری گرتووه‌

شه‌ربه‌تی عونابی لێوی شه‌ککه‌ر و بادامی چاو
سه‌روی قه‌ددت ڕاسته‌ ئه‌نواعی ثیماری گرتووه‌

له‌علی شه‌ککه‌ر باری تۆ تێراوه‌ شه‌ککه‌ر باریه‌
لێوی میحنه‌ت باری من بێ ئاوه‌، باری گرتووه‌

پڕ جه‌فایه‌ ، بێ وه‌فایه‌، زود جه‌نگه‌ دێر صوڵح
صه‌د درێغ و حه‌یفه‌ طه‌بعی ڕۆژگاری گرتووه‌

یادی (کانی دمدم )و سه‌رچاوه‌که‌ی (مێگوڕ) ده‌کا
(به‌کره‌ جۆ)ی چاوم که‌ شێوه‌ی (سه‌رچنار) ی گرتووه‌

بێ مه‌حابا ئاو ده‌ڕێژێ گه‌‌هـ به‌ فه‌ورو گه‌هـ به‌ ده‌ور
چاوی من مودده‌تێکه‌ شێوه‌ی ئابشاری گرتووه‌

شه‌معی به‌زمی من که‌وا سوتاوه‌ ،زه‌رد و ئه‌شك ڕێژ
قه‌ت نییه‌ فه‌ردێك نه‌ڵێ ڕه‌نگی مه‌زاری گرتووه‌

مودده‌عی زه‌جرم ده‌کات و پێم ده‌ڵێ: صه‌برت هه‌بێ
که‌ر به‌ له‌عنه‌ت بێ که‌ که‌ی عاشق قه‌راری گرتووه‌

((نـــــــــــــــالــــــــــی)) وا دائیم که‌ مه‌شغوڵی فوغان و ناڵه‌یه‌
باعیثی هیجرانی یاره‌ دڵ شه‌راری گرتووه

nisha2552

کاربر

ارسالها: 3525

#250 Posted: 6 Dec 2013 18:02

ێم ئه‌ڵێن؛ فه‌رمووته‌ شێتم! ئه‌ی به‌قوربان ئه‌و ده‌مه‌!
باسی شێتیم تا قیامه‌ت گه‌ر بکه‌ی، هێشتا که‌مه‌...

نه‌ک ئه‌تۆ، عاله‌م بزانن؛ شێت و سه‌رگه‌ردانتم!
شێته گیان! عاشق چ باکێکی له‌ لۆمه‌ی عاله‌مه‌؟!

یان ئه‌وه‌ی بیستوومه‌ هه‌ر حاشا له‌ ناسینم ئه‌که‌ی!
ئه‌و که‌لامه‌ت دڵ‌ته‌زینه‌، ئه‌و په‌ڕی ده‌رد و خه‌مه‌...

گه‌ر ئیشاره‌ی چاوه‌که‌ت، هیوای نه‌خستابایه‌ دڵ؛
که‌ی له‌ کۆڵی خۆم ئه‌نا ئه‌و هه‌موو ئێش و ماته‌مه‌؟!

وا مه‌فه‌رموو چاوه‌کانم! که‌س نیه‌ ئاگای نه‌بێ؛
حافزی ڕوحی په‌پووله‌، نووری له‌رزانی شه‌مه‌...

عه‌باس که‌مه‌ندی

صفحه 25 از 103: « پیشین 1 ... 24 25 26 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا