صفحه 26 از 103: « پیشین 1 ... 25 26 27 ... 102 103 پسین »

اشعار کردی و لکی

nisha2552

کاربر

ارسالها: 3525

#251 Posted: 6 Dec 2013 18:02

موو ناپسێنم

ئه‌من ده‌مگوت له‌ دنیا تا بمێنم
له‌ به‌ر که‌س ئه‌سته‌مه‌ سه‌ر دانوێنم
که‌چی ئێستا له‌ داوی بسکی تۆ دا
گرفتارم گوڵم ، موو ناپسێنم
.....
ژیانم پڕ له‌ ڕه‌نجه‌ و نامرادی
به‌ هه‌ڵکه‌وتیش نه‌هاتم تووشی شادی
دڵم هیند ته‌نگه‌ هه‌ر جێی تۆ ده‌بێ و به‌س
ئه‌تۆش مه‌حکوومی حه‌پسی ئینفیرادی
.....
قه‌رار بوو بێی له‌ گه‌ڵ خۆت شادی بێنی
نه‌هاتی، گه‌رچی پێت دابووم به‌ڵێنی
له‌ناو کورد دا نه‌بوو په‌یمان شکاندن
له‌ کوێ فێر بووی گوڵم په‌یمان شکاندن ؟
.....
ئه‌گه‌رچی ڕۆیی ، قه‌ت ناچی له‌ یادم
ده‌که‌م یادت ، به‌ یادی تۆوه‌ شادم
که‌ بارگه‌ت بۆ هه‌وار تێک نا عه‌زیزم
شکا ئه‌ستوونده‌کی تاوڵی مرادم
.....
شه‌وانه‌ هاونشینی جامی باده‌م
به‌ باده‌ با په‌ژاره‌ و غه‌م به‌ با ده‌م
که‌ ده‌ستی ڕۆژگار بای دا سه‌ری من
سه‌ری شووشه‌ی شه‌ڕاب وا چاکه‌ باده‌م

nisha2552

کاربر

ارسالها: 3525

#252 Posted: 6 Dec 2013 18:03

لــە کـوێ بـێـنـم کـەسـێ نـەخـلی مورادم بۆ وەبەر بێنێ
بــە ئـاوی دیـــدە ئــــــاوی دا سـەرم بـەو دارە بـشـکـێنێ

لـە گوڵزاری بەهاری نییستیی سەرخۆشی هەستیی بێ
کە وەک بـولـبـول لە دەوری گوڵ سەحەر مەستانە بخوێنێ

شـکـۆفا بـێ دەمی غـونـچـەی لـەطائیف بۆ نەسیمی گوڵ
بە پسپۆڕی و بە زانایی کە رەنگی گـــوڵ نــەشــەمـزێـنــێ

فـــەنــــایـــی

nisha2552

کاربر

ارسالها: 3525

#253 Posted: 6 Dec 2013 18:04

ئه‌م دڵه‌م و ا دیاره‌ مه‌یلـــــــــی ڕووی گوڵی یــاری هه‌یـــه‌
بولبول ئاســــــــا بۆیه‌ دایــــــــــــــم نــاڵه‌ و زاری هـه‌یــه‌

گه‌ر لــــــــه‌ده‌ست جه‌وری ڕه‌قیبان من بناڵم حـــه‌ق نییه‌
چونکه‌ مه‌عـــــــــــــلومه‌ که‌ گوڵ بوو دایمه‌ خـــاری هه‌یه

‌وا له‌ عه‌شقی پڕته‌وی ســـــــه‌ركوڵمی ئاڵت چـــاوه‌كه‌م
سینه‌که‌م شوعله‌ و بڵێسه‌ی كـــــــووره‌یی نــاری هه‌یه‌

فه‌رموو بێره‌ حوچره‌ییدڵ خـــه‌ڵوه‌ته‌ بـــــــــــۆ بـه‌زمی تۆ
غه‌یری تۆ قوربان نه‌ نامه‌حره‌م نه‌ ئــه‌غیاری هـــــــــــه‌یه‌

ئه‌شكی چاوم وا له‌ حه‌سره‌ت له‌علی لێوت ده‌م بـه‌ ده‌م
جارییه‌ و سوور و سوێره‌ ڕه‌نگی گــوڵناری هـــــــــــــه‌یه

‌دڵ له‌ خه‌وفی زوڵفی تۆ بۆ گه‌نجـــــی ڕووت ڕێـگه‌ی نییه‌
چونکه‌ ده‌وری ئه‌و ته‌لیـــــسمه‌ جـووتێ ڕه‌شماری هه‌یه

(ئـه‌حـمـه‌د)ی بێـچاری بـۆ وه‌سـڵت ئـه‌نـاڵـێ ڕۆژو شـه‌و
ڕه‌نـگـی زه‌ردو ئـاهـی سـه‌رد و قـه‌لـبی بیـمـاری هـه‌یـه‌

ئـه‌حـمـه‌د مـوخـتـار جــاف

nisha2552

کاربر

ارسالها: 3525

#254 Posted: 6 Dec 2013 18:05

[b]ناسۆری ته‌شه‌نا

وه‌ره‌ مه‌یگێڕ ده‌مه‌وێ ئه‌وشۆ خه‌می دڵ که‌م که‌م
لووزه‌وم به‌رده‌ سه‌رێ نامه‌وێ جورعه‌ی که‌م که‌م

ته‌شه‌نا بۆته‌وه‌ ناسۆری ده‌روونم دیسان
زامی کۆنه‌ و به‌ مه‌یی کۆنی ده‌بێ مه‌ڵهه‌م که‌م

مشت و ماڵی ده‌وێ ئاوێنه‌یی ژه‌نگاوی خه‌یاڵ
مه‌ست و گێژم که‌، هه‌تا گاڵه‌ به‌ جامی جام که‌م

ئێسته‌ بۆ چاری خه‌مم گۆشه‌یی مه‌یخانه‌یه‌ جێم
من که‌ ڕۆژێک ده‌مه‌ویست میڵه‌ته‌که‌م بێ خه‌م که‌م

تا نه‌ڕووخاوه‌، بڵا پڕ بێ له‌ خۆشی و مه‌ستی
تازه‌ پێی ناوێ ئه‌من هۆده‌یی خۆم مه‌حکه‌م که‌م

چۆن نه‌به‌م بۆ مه‌ی و مه‌یخانه‌ په‌نا تێ گه‌یوم
له‌و وڵاته‌ هه‌موو شت زۆره‌، به‌نی ئاده‌م که‌م

پیر و زورهانم و ئێستاش ده‌ڵه‌که‌م هه‌ر ده‌یه‌وێ
سه‌ر و ماڵم به‌ فیدای خاڵ و خه‌ت و په‌رچه‌م که‌م

داستانی مه‌م و زین کۆنه‌، کچێکم گه‌ره‌که‌
شلکه‌ ڕانی بکوشم بۆنی له‌ سینگ و مه‌م که‌م

من له‌ جوانی ده‌گه‌ڕێم، تێپه‌ڕه‌ زستانی دزێو
کچ که‌ ڕووم ناده‌نێ، با سه‌یری گوڵ و شه‌ونه‌م که‌م

شه‌ڕه‌بایه‌ له‌ چیاکان و هه‌وا تووشه‌ ده‌نا
وه‌کوو شێتان ده‌مه‌ویست ڕوو له‌ چیای ئه‌سته‌م که‌م

هێمن[/b]

nisha2552

کاربر

ارسالها: 3525

#255 Posted: 6 Dec 2013 18:06

" زایەڵەی کەنین "

پۆشان گەردە لول ناستەنش ژیان
نەشکۆفتە غونچەی باغی وەهاران

ملاوان دۆسان شنۆی شادی دڵ
بوانون وەسەر رووپەڕی مەنزڵ

راح سەر خۆشی کەی گاتە دەستم
وا بێژم خۆشم وا مەستی مەستم

زایەڵەی کەنین یار خۆش مەشرەب
پەنج فەڕزەی نوێژن لە مێحڕابی لەب

ناما خۆش خەبەر سۆمای دیدەم ڕۆ
مویارۆ تەمەن خەستەم ڕەنجە ڕۆ

کەی زانۆ هۆسای چەرخ کەج رەفتار
نیشتە بیم داییم دڵ تەنگ لێو بەبار

شاول دەس هۆساوڕاند حوجرەی دڵ
سەر حەڵقەی جەفا ئاهیر خست مەنزڵ

سوچیان تان وپۆی جەستەی زامدارم
نە ما بڵێسەی خەرمانەی کارم .

جەعفەرکەریمی

nisha2552

کاربر

ارسالها: 3525

#256 Posted: 6 Dec 2013 18:10

شەكوای دڵی مەحزونم، تەنها لای تۆی تەنهایە
پەیمان بێ‌ لەلای هیچ كەس، نەیدركێنم خوایە

هیدایەتێكم ئەوێ‌، دڵ ئاوەدان كاتەوە
من و تۆ و كردەوەی چاك، لەیەكتر ئاشت كاتەوە

خوایە بەلوتفی خۆت، هەڵمكێشە لە حەننان
لەناڵەی ذكری مزگەوت، شەپۆلی بەحری مەننان

چ ذكرێكی غەمگینە، ئەوینی خوا شیرینە
گشت مەلەكوتی خوا، لەسەر یەك نەغمەی دینە

عادل شاسوارى

ویرایش شده توسط: nisha2552

nisha2552

کاربر

ارسالها: 3525

#257 Posted: 6 Dec 2013 18:16

گوێم بۆ ڕادێرە.. بەس تەنها ئەم شەو
لە دوو دیدەی من.. میوان نابێ خەو

بەس تەنها ئەمشەو.. تۆ میوانم بە
هەڵگری نازی.. هەست و سۆزم بە

ڕایژێنە تاوێ.. بێشکەی دڵی من
دامرێنەوە.. کوڵی گریەی من

تۆ بووی هاودێری باخی دەروونم
ئیلهامی شیعری بەستەی ئەوینم

چۆن دەستت تێی چوو.. ئەو باخە جوانە
وا پێشێلی کەی.. بێ بەزەییانە

ئەم شازەمینە.. ڕویدا بەرەو کوێ
ئاهی عەشقی من.. ئۆباڵی بە کێ

بێ سۆراخ و شێت.. وا سەسرەڕۆم
بووم بە هەڵگری.. بارگەی خەمی تۆ

چۆن دڵت توانی.. دڵم بشکێنێ
داستانی شیعرم.. هەرەس پێبێنێ

عیشقت هەتا سەر.. لە دڵم دەرناچێ
بێ وەفایی تۆم.. هەر لە یاد ناچێ

شاكار

nisha2552

کاربر

ارسالها: 3525

#258 Posted: 6 Dec 2013 18:17

خاتوونەکەم !
بیستووتە ئاسمان چەند دوورە ؟
من بارتەقای دووریی ئاسمان
خۆشم دەوێی !
بیستووتە دەریا چەند قووڵە ؟
بەقەد قووڵیی گشت دەریاکان
خۆشم دەوێی !
* * *
گیانەکەم ، تۆ نووسراوێکی
دێڕت بەقەد تاڵی پەرچەم.
من چوار ساڵە دەتخوێنمەوە ،
چەند باڵی بیرم لێک دەدەم ،
نە تێر دەبم ، نە تێت دەگەم.
* * *
زۆر دەترسم ،
لەناو دێڕی شیعرەکانما شار بتناسێ،
کامیرەی چاوی مەرگەوەڕ
وێنەت بگرێ و هەڵیواسێ.
زۆر دەترسم ،
گەر بتناسن ، پەنجەکانم هەڵوەرێنن ،
شابسکی تۆش بسووتێنن .
بەڵام هێشتا من دەربەست نیم ،
هەرچیم دیوە،
هەرچیم بۆ چاوت نووسیوە ،
نایشارمەوە !
تا چۆک بدا لە دەروونتا دێوی گومان.
تا گەورەو بچووک بزانن
خۆشم دەوێی ...
خۆشم دەوێی سەد بارتەقای دووریی ئاسمان.

عەبدوڵڵا پەشێو

nisha2552

کاربر

ارسالها: 3525

#259 Posted: 6 Dec 2013 18:17

له‌ کۆتایی ناماکه‌تا
له‌نامه‌که‌ی ئه‌م جاره‌تا
گیانه‌.. ئه‌ڵێی :
من به‌قه‌د چه‌ند خۆشم ئه‌وێی
ئازیزه‌که‌م وه‌ک چۆن به‌هار
... ئاسمانی شینی خۆش ئه‌وێ
یان په‌پوله‌ی هه‌رده‌و نزار
هه‌نگی دڵدار
گوڵی باخی ژینی خۆش ئه‌وێ
شیله‌ی شیرینی خۆش ئه‌وێ، خۆشم ئه‌وێی‌
یان چۆن به‌فری چیای کوێستان
کانی روونی ناو دارستان
تریفه‌ی مانگیان خۆش ئه‌وێ
گزنگی خۆریان خۆشئه‌وێ
خۆشم ئه‌وێی

شێرکۆ بێکه‌س

nisha2552

کاربر

ارسالها: 3525

#260 Posted: 6 Dec 2013 18:18

تەمەنێک شیعرم بۆ نوسیت
‌کەچی هێشتاش نەمزانی چییت؛

‌خۆشەویستمی یا دوژمنیت
‌فێری فڕینت کردم و
‌قەفەزیشم بۆ ئەچنیت.
‌
‌تەمەنێکە پێت سەرسامم
‌لە باوەشمایت و ناکامم

‌بە هەزاران ماچم کردوی
‌هێشتاش لێوم بۆ نەبردووی.

صفحه 26 از 103: « پیشین 1 ... 25 26 27 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا