صفحه 34 از 103: « پیشین 1 ... 33 34 35 ... 102 103 پسین »

اشعار کردی و لکی

nisha2552

کاربر

ارسالها: 3525

#331 Posted: 18 Jan 2014 16:44

لەیارەوە:

لەشۆخ و شەنگی پارەوە،
لەڕازی پڕ نئهانی یا،
لەتەک شنەی بەیانی یا،
پەیام لەیاری جوانەوە،
گەیشتە لام...

بەرامەکەی،
گوڵاوی باخی نامەکەی،
کە ئاوی زیندەگانی یە،
شەرابی کامەرانی یە،
گوڵی هوای ژیانەوە،
گوڵی هیوام؟

چ نامیێ؟
چ پەنجەیێ چ خامەیێ؟
ئەوەندە دڵ ئەکاتەوە؟!
خەفەت لەبیر ئەباتەوە،
ئەخاتە ناخی گیانەوە:
تەزۆی بەتام....؟!

ئه‌حمه‌د هه‌ردی
سلێمانی 1958

nisha2552

کاربر

ارسالها: 3525

#332 Posted: 18 Jan 2014 16:44

ئه‌رێ دڵ بێ شه‌رابی له‌علی گوڵ ڕه‌نگت له‌ گوڵ چ بکا؟!
که‌ جیلوه‌ی گوڵ له‌ گوڵشه‌ندا نه‌بێ، بولبول له‌ چڵ چ بکا؟!

که‌ هه‌ڵگیرسا له‌ نووری باده‌ شه‌معی حوسنی جانانه‌
نه‌چێته‌ سه‌ ته‌ریقه‌ی حه‌زره‌تی په‌روانه‌، دڵ، چ بکا؟!

به‌ ئاهم گه‌ر ره‌قیبانت بسووتێن ئه‌ی گوڵی ره‌عنا
مه‌ڕه‌نجه‌، تۆ خودا شوعله‌ له‌ ئاقاری چقڵ چ بکا؟!

هه‌تا ماوه‌ ده‌بێ ئه‌شکی نه‌دامه‌ت داوه‌رێنێ چاو
عه‌ره‌ق ریتن نه‌بێ، شه‌خسی له‌ کاری خۆ خه‌جڵ چ بکا؟!

سه‌فه‌ر جائیز نیه‌، با بۆم حه‌ره‌م بێ، له‌و به‌روبوومه‌
فه‌قه‌ت مه‌جزووبی زنجیری نه‌سیبی ئاو و گڵ چ بکا؟!

فه‌ڵه‌ک هه‌رگا که‌سێکی هه‌ڵبڕی، وه‌قتی هیلاکه‌تیه‌
که‌ سه‌ر بۆ گه‌یینه‌ په‌ت بێ، پێ له‌ کورسی و ئه‌سکه‌مل چ بکا؟!

له‌ عوششاق و ره‌قیب ئه‌وشۆخه‌ چاوی لوتفی وه‌رگێڕا
که‌ ئاسک ئاده‌می یا سه‌گ ببینێ، غه‌یری سڵ چ بکا؟!

چ حاجه‌ت نه‌رگسی مه‌ستت بکه‌م وه‌سفی به‌ مه‌خمووری
که‌ چاوێ سورمه‌ کێشراوی خودایی بێ، له‌ کل چ بکا؟!

له‌ هه‌ر جێیه‌ک هه‌ڵێ خورشیدی عیشقی گوڵ روخان [مه‌حوی]
ئه‌گه‌ر عه‌قڵی ببێ، له‌و جێگه‌ ئاونگی عه‌قڵ چ بکا؟!

مه‌حوی

nisha2552

کاربر

ارسالها: 3525

#333 Posted: 18 Jan 2014 16:45

بەرەو ئاســــــــــــۆ

ســۆفیی گــۆشه‌ی خانه‌قا بـووم ، ئێستە پیری مه‌یکه‌ده‌م
زاهیدی خه‌ڵوه‌ت‌نشین بووم ، ئێستە مه‌ست و مه‌یزه‌ده‌م

ســـه‌روی ئـازادیـش لـه‌بـار و دڵـکـه‌ش و بـه‌رزه‌ ، بـه‌ڵام
گیانه‌که‌م! من شێت و شه‌یدای لار و له‌نجه‌ی ئه‌م قه‌ده‌م

جیلوه‌یی جوانی له‌ هه‌رچی دا هه‌بێ خۆشم ده‌وێ
ڕۆژێ کوشته‌ی مینی ژۆپ و ڕۆژێ گیرۆده‌ی شه‌ده‌م

هه‌ر یه‌که‌ی بۆ خۆی ده‌جووڵێنێته‌وه‌ هه‌ستی ده‌روون
زه‌رده‌پـه‌ڕ، کـاروانـکـوژه، تـاریـک و ڕوونـی سـوبحـده‌م

ئـاسـمـانـی سـاو و ده‌ریـای مـه‌نـد و تـارمایی چیا
سێوی لاسوور و به‌هێی زه‌رد و هه‌ناری گوڵبه‌ده‌م

کـێ وه‌کوو من سارد و گه‌رمی ڕۆژگاری چێشتووه‌ ؟
گا له‌ ده‌شتی گه‌رمه‌سێر و گا له‌ کوێستانی گه‌ده‌م !

وه‌ک شـه‌پـۆلـی زێـی خـوڕه‌م ، سـاتـێ هـه‌دادانـم نـییه‌
گێژ ده‌خۆم، پێچێ ده‌ده‌م، من ڕۆڵه‌ کورده‌ی ئه‌م سه‌ده‌م

ڕێگه‌ سه‌خت و پڕ له‌ که‌ند و له‌ند و هه‌ڵدێر و گه‌وه‌
هه‌ر ده‌بێ ببزووم، ده‌بێ بکشێم، وچانی لێ نه‌ده‌م

سێبه‌ری مه‌رگم له‌ پێشدایه‌ و به‌ره‌و مه‌نزڵ ده‌ڕۆم
ناخی گۆڕی ته‌نگه‌ جێگام ، هه‌ر تل ئاسا بێ قه‌ده‌م

مـن بـه‌ره‌و ئــاسـۆ ، بـه‌ره‌و ڕوونـاکـی بـاڵـم گـرتووه‌
چۆن به‌ره‌و تاریکی ده‌خشێم ، پاڵ وه‌ شه‌یتانێ ده‌ده‌م!

کـانیی ڕوونـم دی به‌ لێشـاوی به‌هـار شلـوێ نه‌بوو
به‌فری گه‌وره‌م دی چیای گرت و به‌ تاوێ بۆه‌ قه‌ده‌م

ژیــنـی کـورتـم دی پـڕاوپـڕ له‌ شـانـازی و شـه‌ره‌ف
عومری زۆرم دی که‌ دوایی هات به‌ ڕیسوایی و نه‌ده‌م

ئاگری سینه‌م بڵێسه‌ی دێ و وڵات ڕۆشن ده‌کا
ئه‌و ده‌مه‌ی خۆم وه‌ک دڵۆپێک ده‌چمه‌ نێو ده‌ریای عه‌ده‌م

"هێمن"

nisha2552

کاربر

ارسالها: 3525

#334 Posted: 18 Jan 2014 16:55

لەیلەکەى بێ مەیلەکەى مەحبووبەکەى عەییارەکەم
شۆخەکەى پڕ حەملەکەى بێ ڕەحمەکەى غەددارەکەم

زاڵمەى لەخوا نەترســـەى کافرەى بێ مروەتـــــە
قاتلەى عاشق کوژەى جەللادەى خون خوارەکەم

گوڵ بەدەن، سیمین زەقەن خەت یاسەمەن فندق دەهەن
ئەسمەرەى قەد عەرعەرەى نازو نەزاکەت دارەکەم

نەوجەوان ئەبرۆ کەمان شیرین دەهان و نیکتە دان
تورک رەفتار و پــــــەرى ڕوخسار و کاکۆڵدارەکەم

ئەى ڕەقیب سەد جار دەرم کەى یا جوێنم پێ
نا عیلاجم هەر دەبێ بێم بۆ عێلاجى کارەکەم

ژەهرى دوورى چەشتووە (هیجرى) ئەمێستا بۆیە وا
تەڵخ گوفتارە کەلامــــى لەعلی شەکەر بارەکەم

هیجرى

nisha2552

کاربر

ارسالها: 3525

#335 Posted: 18 Jan 2014 16:55

خه‌تتی ده‌وری لێوی ئاڵت ئه‌ی مه‌سیحا لام و بێ
هه‌ر له‌ جامه‌ی سه‌بز ئه‌چی بۆ (غه‌ین و نون و چیم و هێ)

غونچه‌ بازاری نه‌زاكه‌ت داری و ته‌نگی شكاند
هه‌ر كه‌ زاهیر بوو له‌ ده‌وری باغی حوسنت (لام و بێ)

له‌ب شه‌كه‌ر تاكه‌ی له‌ حه‌سره‌ت خاڵی موشكینت دڵم
داغدارو خه‌سته‌ بێ وه‌ك (لام و ئه‌لف و لام و هێ)

لاله‌ روخسارم له‌ سایه‌ی ئه‌شكی خوێنین ره‌نگه‌وه‌
چونكه‌ روو سوورم له‌ قاپی ( عه‌ین و شین و قاف و تێ)

عیشقت ئه‌ی جانا منی ریسوای عاله‌م كردووه‌
چاكه‌ ئینسافت ببێ بۆ (ئه‌لف و سین و تێ و هێ)

ئێسته‌ بۆ لاڤ و گه‌زاڤ هه‌ركه‌س ده‌بینی عاشقه‌
نه‌ك هه‌موو كه‌س جان فیدا وه‌ك (میم و حێ واو و یێ)

(مه‌حوی) ئه‌مڕۆ زۆر نه‌خۆشه‌ قه‌ت شیفای نابێ به‌ هیچ
گه‌ر شیفای بێتن به‌ بۆیی زوڵف و ئه‌و ئه‌گریجه‌ دێ

مه‌حوی

nisha2552

کاربر

ارسالها: 3525

#336 Posted: 18 Jan 2014 16:56

له‌و ده‌مه‌ی ڕا دڵم لێی داوه‌ بۆ ژوان
من دێوانه‌ی چاوی جوانم ، چاوی جوان

گه‌رچی خه‌ڵكی وڵاتی چاو جوانانم
چاوی جوانم نه‌دی تێر به‌ چاوانم

هه‌تا لاو بووم چاوی جوانم لێ ون بوو
په‌چه‌ و رووبه‌ند و چارشێوم دوژمن بوو

ئێستا پیرم و كه‌وتومه‌ته‌ ئاویلكه‌
چاوی جوانم لێ ون ده‌كا چاویلكه

مامۆستا هێمن

ویرایش شده توسط: nisha2552

nisha2552

کاربر

ارسالها: 3525

#337 Posted: 18 Jan 2014 16:56

تۆڵه‌ی جودایی

ســــاقیا، ڕووم تێکه‌وه‌، ڕووم تێکه‌وه
‌نه‌خته‌ نه‌خته‌، نامه‌وێ بۆم تێكه‌وه

لێم مه‌پرسه‌ کێم؟ چ کاره‌م کوێنده‌ریم؟
لێم گه‌ڕێ چیم هه‌نده‌ریم یا موشته‌ریم؟

موشته‌ری نیم شاعیرێکم بێ وڵات
تێکه‌ مه‌ی نه‌مدیوه‌ ڕووی خۆشی چ کات‌

مه‌ی ده‌وایه‌ بۆ زوخاوی ده‌رده‌دار
ده‌رده‌دارم، ده‌رده‌دارم، ده‌رده‌دار

ده‌ردی من ده‌ردێكی ئاسایی نییه‌
ده‌ردی خۆم و ده‌ردی ته‌نیایی نییه‌

ده‌ردی من ده‌ردی له‌مێژینه‌ی گه‌له‌
ئه‌و گه‌له‌ی دوژمن قه‌ڕانی پێ هه‌له‌

ده‌ردی بی مافی و په‌ت و سێداره‌یه‌
ده‌ردی کوردی بێکه‌س و ئاواره‌یه‌

ده‌ردی من ده‌ردێکی سه‌خته‌ و خوێنده‌ڵێن
دڵچز و گورچووڕز و وه‌رهه‌مهه‌ڵێن

له‌و ده‌وایه‌ تێکه‌ با بیخۆمه‌وه‌
با به‌ مه‌ستی بچمه‌ دنیای خۆمه‌وه‌

گه‌رچی چاری ده‌رده‌که‌م نه‌کرێ به‌مه‌ش
قه‌یدی نییه‌ با نه‌ختێ سه‌رخۆش بین ئه‌مه‌ش

nisha2552

کاربر

ارسالها: 3525

#338 Posted: 18 Jan 2014 16:57

ساقیا، ئاوڕده‌وه‌، ئا، ورده‌وه‌
وا خوماری هه‌ڵمه‌تی هاورده‌وه‌

چاره‌ێی به‌ربۆته‌ نێو دڵ ئاگرێ
قه‌ت به‌ قوم قوم، چاری ده‌ردم ناکرێ

هێنده‌ پڕ ده‌ردم ئه‌گه‌ر بووبا، ده‌با
بیکڕم هه‌رچی شه‌ڕاب و باده‌ با

بۆیه‌ ڕووم کردۆته‌ نێو مه‌یخانه‌وه‌
تا به ‌با ده‌م خه‌م له‌گه‌ڵ په‌یمانه‌وه‌

ئێره‌یی نیم تا ڕه‌چاو که‌م چۆنه‌ داب
لێم گه‌ڕێ بۆم دامه‌نێ جامی شه‌ڕاب

نامه‌وێ ئه‌م که‌پکه‌په‌ و ئه‌م ده‌بده‌به‌
پێم نیشان ده‌، کۆپه‌ و ده‌فر و ده‌به‌

بێڵی ئێستا سه‌ر له‌ کۆپه‌ی ڕاده‌که‌م
مه‌مکه‌ لۆمه‌، چاده‌که‌م گه‌ر وا ده‌که‌م

nisha2552

کاربر

ارسالها: 3525

#339 Posted: 18 Jan 2014 16:57

ساقیا، ڕێ کل مه‌که‌، ڕێ کل مه‌که‌
بێره‌لام، هه‌ر ڕوو له‌ ئی زل زل مه‌که‌

مه‌ی ره‌فیقی بێ نه‌وایه‌، بێنه‌، وام
تا بڵێی ڕووت و هه‌ژار و بێنه‌وام

پیاوی بێده‌رد کوا ده‌زانێ قه‌دری مه‌ی
دێته‌ نێو مه‌یخانه‌ هه‌رشه‌و، بۆ گه‌مه‌ی

ڕێ مه‌ده‌ قه‌ت باده‌خۆری بێ ده‌لیل
چی ده‌وێ ئینسانی گه‌نده‌ و که‌لله‌فیل

ئه‌و که‌سانه‌ فڕ بده‌ن هه‌ر پیاڵه‌ێی
دێننه‌ بیرم ده‌نگی ئاه و ناڵه‌ێی

ئه‌و که‌سه‌ی وا زگزل و بڵح و بڵه‌
بۆ ده‌بێ به‌ربێته‌ باده‌ وه‌ک مڵه‌

ئه‌و که‌سه‌ی نه‌یزانی دڵته‌نگی چییه؟
پیاوه‌تی و ویژدان و یه‌کڕه‌نگی چییه‌؟

ئه‌و که‌سه‌ی وه‌ک سه‌گ له‌ سه‌ر پووڵ وه‌رکه‌وێ
بۆ ده‌بێ مه‌یخانه‌ بێ، جێی هه‌ر شه‌وێ

ئه‌و که‌سه‌ی نه‌یزانی چۆنه‌ ره‌نچ و کار
هه‌ر به‌ خۆشی ڕایبواردووه‌ ڕۆژگار

ئه‌و که‌سه‌ی نوستووه‌ هه‌تا لای نیوه‌ڕۆ
بۆ ده‌بێ بگرێته‌وه‌ جێی ڕه‌نجه‌ڕۆ

ئه‌و که‌سه‌ی هه‌رگیز نه‌ڕێژێ ئاره‌قێ
سه‌یره‌ سه‌یره‌، چۆن ده‌چێژێ ئاره‌قێ

ئه‌و که‌سه‌ی نه‌یبیست شه‌وێ ناڵه‌ی ئه‌وین
ئێمه‌ که‌ی هاوده‌نگ و هاوپیاڵه‌ی ئه‌وین

ئه‌و که‌سه‌ی بێده‌رده‌ ساقی، دوور له‌ ڕووت
ده‌ک، له‌ جێ بیکاته‌ ژار و ژه‌قنه‌مووت

گه‌ر دڵۆپێک بۆ ده‌وا باده‌ی ده‌نێ
سه‌یره‌ ئی وا، لێره‌ وه‌ک با، ده‌یده‌نێ

nisha2552

کاربر

ارسالها: 3525

#340 Posted: 18 Jan 2014 16:58

ساقیا، لێم لامه‌ده‌، لێم لا مه‌ده‌
ڕوو له‌مه‌ش که‌، چاوه‌که‌م سه‌ر با مه‌ده‌

بێنه‌ مه‌ی، بۆمه‌ی، کڵۆڵی دوور وڵات
ئه‌و وڵاته‌ی بووکی شادی لێ هه‌ڵات

ئه‌و وڵاته‌ی کۆتری ئازادی له‌وێ
که‌وته‌ به‌ر شاڵاوی داڵاشی شه‌وێ

ئه‌و وڵاته‌ی ڕۆژگارێ بوو... ده‌مێ
بۆنی خۆشی و ڕه‌نگی شادی دی که‌مێ

داخه‌که‌م دێوزمه‌ ڕویی تێکرده‌وه‌
خوێنڕژی لێی بوو به‌ باو و کرده‌وه‌

ئه‌و وڵاته‌ی چاوی تۆی پێ روون ده‌بوو
ئێستێ ساقی لێی ده‌خوێنێ کونده‌بوو

ویرایش شده توسط: nisha2552

صفحه 34 از 103: « پیشین 1 ... 33 34 35 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا