صفحه 35 از 103: « پیشین 1 ... 34 35 36 ... 102 103 پسین »

اشعار کردی و لکی

nisha2552

کاربر

ارسالها: 3525

#341 Posted: 18 Jan 2014 16:58

ساقیا، بۆ پێشه‌وه‌، بۆ پێشه‌وه‌
ئاخۆ چبکه‌م به‌م دڵه‌ی پڕ ئێشه‌وه‌

بێنه‌ مه‌ی، بۆ مه‌ی له‌ سه‌ر خاک ڕاونراو
نیشتمانی کوت کوت و ئه‌نجن کراو

ڕامه‌مێنه‌، بێنه‌ خۆ و ئیمانه‌که‌ت
پڕکه‌وه‌ بۆم، نوێکه‌وه‌ په‌یمانه‌که‌ت

تۆش که‌ دیبات گوند و شاری نیشتمان
چۆن له‌ ژێر بارانی بۆمبا تێکڕمان

تۆش که‌ دیبات ڕۆژی تاڵی کاره‌سات
بۆچزیلک و بۆکڕووزی نێو وڵات

موو ڕنینی خوشک و دایکی مل به‌ کوێن:
ــ سه‌ر له‌ کوێن و ده‌ست له‌ کوێن و مل له‌ کوێن

بابه‌ هه‌ی ڕۆ و دایه‌ هه‌ی ڕۆ و خاڵه‌ ڕۆ
کاکه‌ڕۆڕۆ و داده ‌ڕۆڕۆ و ڕۆڵه ‌ڕۆ

شێت و ماخولیا ده‌بووی تۆش ساقیا
دات ده‌گرت ڕیگا به‌ره‌و چۆل و چیا

تۆش ئه‌گه‌ر چاوت له‌ شاری "بانه‌" با
کورد که‌ چه‌شنی کێوی"ئاربابا" نه‌با

کوا ده‌با مابایه..‌ ئه‌مما بشته‌زێ
نابه‌زێت و نابه‌زێت و نابه‌زێ...

nisha2552

کاربر

ارسالها: 3525

#342 Posted: 18 Jan 2014 16:59

ساقیا، بمنواڕه‌وه‌، بمنواڕه‌وه‌
چاوێ کل که‌، نه‌ختێ بۆلای خواره‌وه‌

مه‌ی ڕه‌فیقی بێکه‌سانه‌، بێ که‌سم
لابه‌ری ژه‌نگی دڵانه‌ بێ، هه‌سم

بێنه‌ مه‌ی، بۆمه‌ی غه‌ریبی بێ قه‌رار
تازیه‌باری داخداری ڕه‌نج خه‌سار

تۆش ئه‌گه‌ر با و گه‌رده‌لوولی ڕۆژگار
به‌رببا گوڵزاره‌که‌ت وه‌رزی به‌هار

تۆش ئه‌گه‌ر په‌ڕپه‌ڕ ببا خونچه‌ و گوڵت
ئاگری خه‌م به‌رببا جه‌رگ و دڵت

تۆش ئه‌گه‌ر خزم و که‌ست جێ هێشتبا
ده‌ردی دووری دایک و بابت چێشتبا

تۆش له‌ زیندانێ ببان، دۆست و برات
پێم بڵێ: تۆ چیت ده‌کرد؟ خۆت و خودات

نه‌تده‌برد وه‌ک من، ئه‌تۆش بۆ مه‌ی په‌نا؟
مه‌ستی خۆشه‌ وه‌ختی وا، وانییه‌ ده‌نا؟

nisha2552

کاربر

ارسالها: 3525

#343 Posted: 18 Jan 2014 17:04

ساقیا مه‌ی بێنه‌وه‌ مه‌ی بێنه‌وه‌
ڕووت له‌ کوێیه‌ زووکه‌ بۆ مه‌ی بێنه‌وه‌

تا بڵێم کێ جامی باده‌ی باده‌دا
ئه‌و نه‌یاره‌ی ڕه‌نجی مه‌ی به‌ر با ده‌دا

تۆش که‌ دیبات ڕاوه‌ کورد و خوێنمژی
ده‌سته‌ ده‌سته‌ گرتن و ئینسانکوژی

کوشتنی په‌نجا و نۆ که‌س پێکه‌وه‌
نه‌تده‌گوت: تۆبی خودا، بۆم تێکه‌وه‌

تۆش که‌ دیبات گه‌نج و لاوی شاره‌کان
سرت و خورتی عاشق و دڵداره‌کان

ساوه‌ ساوی کۆرپه‌ڵه‌ی سه‌ر لانکێ
چاو چاو و ڕۆڵه‌رۆڵه‌ی دایکێ

ده‌یته‌زاندی ڕۆڵه‌ لایلایه‌ی شه‌وێ
ــ ڕه‌ببی ڕۆڵه‌ شه‌ڕفرۆش کۆستی که‌وێ

تۆش که‌ نامه‌رد گرتبایان سێ به‌رت
یا به‌ تف ئه‌نگاوتبایان سێبه‌رت

تؤش که‌ هه‌ر کارێ له‌ ده‌ستت هاتبا
کردبات و مافی خۆت نه‌ستاندبا

ئه‌م شه‌وه‌ت بۆ مه‌ستی باده‌ی داده‌نا
یا ده‌نا، نا، "نۆت له‌ سه‌ر ده‌ی داده‌نا"!

nisha2552

کاربر

ارسالها: 3525

#344 Posted: 18 Jan 2014 17:05

ساقیا، بمخوێنه‌وه‌، بمخوێنه‌وه‌
ئاخۆ چبکه‌م به‌م دڵه‌ی پڕ خوێنه‌وه‌

هێند له‌ سه‌رمایه‌ خه‌یاڵی بێ ژمار
هه‌ر خومارم، هه‌ر خومارم، هه‌ر خومار

بێنه‌ مه‌ی بۆ مه‌ی له‌ ڕێی عیشقا ئه‌سیر
خه‌سته‌ و مارگه‌سته‌ و ئاماڵ پیر

دڵپڕی ماڵ کاولی گورچوو بڕاو
خاوه‌نی خامه‌ی کولی ده‌فته‌ر دڕاو

بولبولی گوڵ په‌ڕپه‌ڕی وێرانه‌ ماڵ
شاعیری سه‌وداسه‌ری جوانی و جه‌ماڵ

تا ده‌توانی بێنه‌ بۆم ئی توند و تاڵ
با به‌ بینه‌ بچمه‌ ناو ده‌ریای خه‌یاڵ

تۆش که‌ دیبات شۆخه‌کوردێ خۆش خه‌رام
ژیکه‌ڵه‌ و باریکه‌ڵه‌ و باڵا نه‌مام

لاروله‌نجه‌ و رؤین و ئۆین و حاڵه‌تی
زولفی لوول و په‌رچه‌م و خاڵ و خه‌تی

دست و په‌نجه‌ و به‌ژنی شووش و ناسکی
ڕاخوشین و ڕه‌وت و شێوه‌ی ئاسکی

به‌زمی نه‌زمی هێز برژانگ و برۆ
عه‌زمی جه‌زمی کاتی ڕه‌زما وه‌ک مرۆ

ته‌رزی ڕه‌مزی ڵێوی ئاماڵ سوور و ئاڵ
ڕازی نازی چاوی مه‌ست و نه‌ختێ کاڵ

گا، به‌ناز ئاوڕێکی لێ دابایه‌وه‌
رۆژێ سه‌دجار مردبای ژیابایه‌وه‌

ساقیا، ئاورت ده‌گرت ئه‌و عانه‌ تۆش
جامی مینات نۆش ده‌کرد مه‌ستانه‌ تۆش

یه‌ک به‌ خۆت ده‌تکرد، هه‌را و هاوارو داد:
"هه‌رچی بادا، هه‌رچی بادا، هه‌رچی باد!" __________________

nisha2552

کاربر

ارسالها: 3525

#345 Posted: 18 Jan 2014 17:06

ساقیا، وا لاده‌وه‌ وا لاده‌وه‌
سه‌ر سه‌رێ تاکه‌ی، سه‌رێ له‌ملا ده‌وه‌

بگره‌، ئه‌مشۆ قه‌دری ئێمه‌ی چاو له‌ ڕێ
هیمنانه‌"باده‌وه" و 'وا وه‌رگه‌ڕێ"

"واوه‌ره‌ ده‌ی واوه‌ره‌، نیزیک به‌ لێم"
چاوه‌ڕێتم، چاوه‌ڕێتم، چاوه‌ڕێم

بێنه‌ مه‌ی، بۆ مه‌ی قڕاتووی بێنه‌وا
ته‌ڕکه‌وه‌ نه‌ی ژه‌نگهه‌ڵاتووی بێ نه‌وا

هه‌رکه‌ مه‌ست بووم شه‌رته‌ وه‌ک نه‌ی ‌هێمنی
بۆت بڵێم ئه‌و شێعره‌ جوانه‌ی (هێمن) ی

"کورده‌واری ئه‌ی وڵاته‌ جوانه‌که‌م
ڕۆڵه‌که‌م، خێزانه‌که‌م، باوانه‌که‌م"

خۆشه‌ویستم، دڵبه‌ره‌ نه‌شمیله‌که‌م
ژیکه‌ڵه‌ی خشپیله‌که‌ی خنجیله‌که‌م

ئه‌ی تریفه‌م، ئه‌ی تروسکه‌م، یاره‌که‌م
یاره‌که‌ی نازداره‌که‌ی ڕازداره‌که‌م

ئه‌ی ئه‌وه‌ی وێردی ده‌م و زاری منی
چاوه‌ڕێی دیداری تۆم وه‌ک (هێمن) ی

(هێمن) ێکی هات به‌ره‌و ژوان بێته‌وه‌
مه‌ست و سه‌رخۆش و گه‌ش و جوان بێته‌وه‌

هات ببینێ نیشتمان و زێده‌که‌ی
هات ببینێ خزم و کاک و دێده‌که‌ی

هات به‌ره‌وو ده‌شت و ده‌ر و دۆڵ و ده‌راو
هات به‌ره‌و دێ و دیمه‌ن و دێم و به‌راو

هات به‌ره‌و هۆبه‌ و هه‌واری کێله‌ شین
وه‌ک مه‌مێ بگرێته‌ ئامێز یایه‌ زین

هات وه‌کوو سیامه‌ند په‌لی وردی بڕی
بۆ خه‌جێ هات کیوی هه‌ڵگوردی بڕی

هات ببینێ یاری گۆرینی له‌بار
یاری جوانی دووره‌ژوانی چاوخومار

هات که‌ ده‌یگوت: "تا بمێنێ هێزی پێم
دێم و دێم و دێم و دێم و دێم و دێم"

هات ببینێ گشت عه‌زیزانی وڵات
هات و هات و هات و هات و هات و هات

هات به‌ره‌و دوندی بڵیندی کێوی له‌ند
شاعیری گه‌وره‌ی گه‌لی خۆش زه‌وق و ڕه‌ند

هات که‌ دیتی دوور به‌ دوور ڕه‌شپۆشه‌ یار
هات.. له‌ به‌رزایی گه‌لا و که‌وته‌ خوار

عیشقی پیریی، بووبه‌ دێوی کۆنه‌ساڵ
گرتی ئه‌وکی شاعیری ناسک خه‌یاڵ..

nisha2552

کاربر

ارسالها: 3525

#346 Posted: 18 Jan 2014 17:06

ساقیا، به‌س بێنه‌ مه‌ی، به‌س بێنه‌ مه‌ی
وا به‌یانه،‌ مه‌ستی تۆڵه‌م ئه‌و ژه‌مه‌ی

له‌و گزینگه‌ی ئێستێ وا هاتۆته‌ده‌ر
هێشوو هێشوو تیکده‌نێم تێشووی سه‌فه‌ر

تین ده‌ده‌م هێز و بڕست و هه‌ستی خۆم
دێنمه‌ دی ئاواتی به‌رز و قه‌ستی خۆم

هه‌ڵده‌که‌م قؤل بۆ خه‌باتی پڕ خه‌ته‌ر
سه‌د ته‌لێسم و که‌ند و کۆسپم بێته‌به‌ر

تا بمێنێ گیان و سه‌ر تا سه‌ر ده‌ڕۆم
هه‌ر ده‌ڕۆم و هه‌ر ده‌ڕۆم و هه‌ر ده‌ڕۆم..

nisha2552

کاربر

ارسالها: 3525

#347 Posted: 18 Jan 2014 17:07

دێم

لەسەر دیواری حەوشەكەتان،
نانووسم ( بیرتەكەم).
دەنووسم:
دونیا بەبێ‌ تۆ چۆڵە!.

نا... نایەم
وەكجاری جاران، لەم دوورەوە.
نامەیەكی درێژت بۆ ئەنێرم.
لەسەری دەنووسم:
دەك كاولبێت ئەم دڵە بەبێ‌ تۆ!.

" نەبەز گۆران "

nisha2552

کاربر

ارسالها: 3525

#348 Posted: 18 Jan 2014 17:07

ئه‌مشه‌و دڵم بۆ غه‌ریبان وه‌كو ته‌كێ ئاوه‌ڵایه‌
به‌بێ ئارام چاو له‌رِێگه‌م كوا میوانێ بهاتایه‌

له‌ئاسمانی دوو دیده‌یدا كه‌مێ سۆزی برِشتایه‌
هه‌تا مانگیش پێ ده‌زانێ ئاوایی دڵ بێ نه‌وایه‌

ئه‌مشه‌و دڵم نوقمی ده‌ریای خه‌یاڵێكی بێ رِۆخانه‌
واهه‌ست ده‌كه‌م ئه‌م بارانه‌ گه‌ڵا و گوڵی هه‌ورامانه‌

گه‌ڵا گه‌ڵا ئارنگ ئارنگ به‌سه‌ر شانما سه‌ما ده‌كه‌ن
ئه‌ی خاتووزین ئه‌م رِه‌نگانه‌ له‌ڕوخسارتا یه‌ك ماچ ده‌كه‌ن

ئه‌مشه‌و دڵم له‌ژێر ته‌رزه‌ی پایزێكدا چاو لێك ده‌نێ
جگه‌ له‌شه‌و تا ئه‌ستێره‌ش كه‌س به‌م مه‌رگه‌ نازانێ

به‌ڵام سۆزی ته‌ماشاكه‌ی چ گه‌ڵایه‌ك رِه‌نگی سوره‌
پرسه‌ی یادی شاعیرێكه‌ و چه‌ند هه‌ورازێ لێتان دووره‌

ئیسماعیل خورماڵی

nisha2552

کاربر

ارسالها: 3525

#349 Posted: 18 Jan 2014 17:08

ووتم گوڵم : به‌و هه‌ورانه‌ی چاوت بڵێ : كه‌م ببارێن
به‌و گوڵانه‌ی لێوت بڵێ : كه‌م زویر بن ، كه‌م بناڵێن

ووتم گوڵم : به‌باڵنده‌ی دڵت بڵێ : كه‌م گومان كات
به‌هه‌ناسه‌ی وه‌ك شه‌تاوت بڵێ : ئازیز كه‌م فوغان كات

ووتم ئازیز بۆ په‌روانه‌ی دڵه‌كانمان له‌خه‌م دابن
وه‌ك هه‌تاوی ڕۆژی تاریك ، له‌هه‌ورابن ، له‌ته‌م دابن

ووتم ئازیز بۆ ئه‌وینمان ، له‌گڕ دابێ به‌خۆڕایی
هێشووی سه‌وزی چپه‌ و ڕازمان ، به‌پایز بێ به‌خۆڕایی

كه‌هه‌ردووكمان سوتاوی یه‌ك ، مه‌فتونی یه‌ك ، خۆڵه‌مێشین
دوور له‌چاوی یه‌كان ئازیز ، هه‌تا بڵێ ی فه‌رامۆشین

ئیتر بۆچی وه‌ك هه‌ناری ، داوه‌ریو بێ دڵه‌كانمان
له‌سه‌ر پشكۆی ئاڵی خه‌مان ، وا ببرژێ دڵه‌كانمان

ئیسماعیل خورماڵی

nisha2552

کاربر

ارسالها: 3525

#350 Posted: 18 Jan 2014 17:08

ئه‌ی "با "

وام لێمه‌كه‌ تۆبه‌م پێبكه‌ی ئیتر
نه‌تدوێنم .

ئه‌و وه‌خته‌ی دێم و
شیعر ئه‌روێنم .

تۆ په‌یا ئه‌بی و
چنگێ خۆڵه‌مێش ئه‌كه‌ی
به‌ سه‌ریا .

بۆیه‌ هه‌موو جار منیش
ناچارم له‌ باتی باران
بگریم به‌ سه‌ریا .

"شێركۆ بێكه‌س"

صفحه 35 از 103: « پیشین 1 ... 34 35 36 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا