صفحه 41 از 103: « پیشین 1 ... 40 41 42 ... 102 103 پسین »

اشعار کردی و لکی

nisha2552

کاربر

ارسالها: 3525

#401 Posted: 24 Jan 2014 16:57

دڵ لەبەر دەردى فـیراقى یـــارە مـــەیلى مــەى دەکـــا
گوێ لە دەنگى ساز و عوود و بەزمى ناى و نەى دەکا

سەردەمێ مەست و خــومارە خــــادیمى مەیخـــانەیە
وەقتى تەسبیحى لە دەستە صۆفییە حەى حەى دەکا

ڕۆژى وایــە هـەر بە کـــەیف و پێکــــەنین و خـــەندەیە
بەعــضە جـــار مەجنوونە دائیم گـــریە بــۆ لەیلەى دەکا

بەعضە جـــــــــــــاران ( عالم و عامل و عابد ) خۆیەتى
وەقتى جەهل و فیسقى زۆرە عالەمى لۆمەى دەکـــا

پێى ئەلـــێم ئـەى دڵ وەرە ئـــێرانى بە یان طـــــوورانى
ئەو لە بەینى هەردوو جێگا روو لە دەشتى رەى دەکــا

دڵ نـــزانم شــــێتە یــا ســـەرخــــۆشە یـا دێـــوانـەیـە
یا الاهى ئیشى وا عەکسى بە من تــــاکەى دەکـــا

دوور لـــە یـــارە دڵ لـــە بـــۆیى بێ ثـــەبــاتە (صــافیا)
تاکــوو لەم سەگ مــەرگە دابێ ئیختیارى وەى دەکـــا

صافی

nisha2552

کاربر

ارسالها: 3525

#402 Posted: 24 Jan 2014 16:57

مه‌یلی سه‌یری به‌در ئه‌کا دڵ،لاده‌ زوڵفی وه‌ک حیجاب
ده‌رخه‌ به‌دری ڕوومه‌تی خۆت شۆخه‌که‌ی عالی جه‌ناب

سینه‌ کون کون بووم وه‌ک نه‌ی من له‌به‌ر هیجرانی تۆ
سه‌ر وه‌کــو مه‌ستــوره‌،دڵ هه‌ر ناڵه‌یه‌ت وه‌ک رووبــاب

تۆ ده‌رتخست شه‌معی رووی خۆت کۆمه‌ڵی عاشق هه موو
لازمه‌ هــــه‌روه‌ک پـــــــه‌پوله‌ ببنـــــه‌ قاورمه‌و که‌بــاب

لوتفی یار هه‌ر بۆ ره‌قیبه‌ من ره‌زام ئه‌و دولبه‌ره‌
جار به‌ جار حه‌تتا هه‌ر به‌ جوێنێ بێتو بمداتۆ جواب

لاده‌ چارشێوت هه‌تا من دیده‌ رۆشن که‌م به‌رووت
به‌سیه‌تی قوربانی تۆبم به‌س بکه‌ نازو عیتاب

(ئه‌حمه‌د)ه‌ ته‌نها غوڵامی ،وخلیسی تۆ چاوه‌که‌م
حه‌یفه‌ مه‌یره‌نجێنه‌ مه‌یده‌ بێ سه‌به‌ب جانی عه‌زاب

احمد موختار جاف

nisha2552

کاربر

ارسالها: 3525

#403 Posted: 24 Jan 2014 16:58

عاشقی بێ‌دڵ ده‌ناڵێ، مه‌یلی گریانی هه‌یه‌
بێ‌شکه‌ هه‌وره‌ تریشقه‌ تاوی بارانی هه‌یه‌

چاوی من ده‌م‌ده‌م ده‌رێژێ ئاوی ساف و خوێنی گه‌ش
دا بڵێن ده‌ریای عومانه‌ دوڕ و مه‌رجانی هه‌یه‌

په‌رچه‌می ڕوو داده‌پۆشێ، پێچی زوڵفی پێچه‌یه‌
دا به‌ ڕۆژیش پێی بڵێن شه‌معی شه‌بوستانی هه‌یه‌

ئاسمانی حوسنی مه‌حبووبه‌م له‌ ئه‌برۆ و زوڵف و ڕوو
دوو هیلال و دوو شه‌و و دوو ماهی تابانی هه‌یه‌

هه‌ر له‌بت، یا سینه‌شت هه‌ر دوو به‌ده‌رخه‌، دابڵێن
له‌علی ڕوومانی هه‌یه‌، یا له‌عل و ڕوممانی هه‌یه‌

وه‌حشیه‌ لێمان له‌به‌ر ته‌عنه‌ی ڕه‌قیبی سه‌گ سیفه‌ت
ڕاسته‌ هه‌رزی‌ڕۆحێ بۆ وه‌سواسه‌ شه‌یتانی هه‌یه‌

دڵ موشه‌ببه‌ک بوو له‌ به‌ر ئێشانی نیشانی موژه‌ت
حه‌یفه‌ قوربان! ئاخر ئه‌م نیشانه‌یه‌ شانی هه‌یه‌

له‌حزه‌یێک و له‌محه‌یێک چاوم به‌ چاوی ناکه‌وێ
کێ ده‌ڵێ وه‌حشی غه‌زاله‌ مه‌یلی ئینسانی هه‌یه‌

تۆ ئه‌گه‌ر هه‌ستی، له‌ جێ ڕاوه‌ستی دێو و کافریش
دێن ده‌ڵێن: به‌خودا قیامه‌ت ڕاسته‌ هه‌ستانی هه‌یه‌

فارس و کورد و عه‌ره‌ب هه‌ر سێم به‌ ده‌فته‌ر گرتووه‌
«نالی» ئه‌مڕۆ حاکمی سێ موڵکه‌ دیوانی هه‌یه‌!

نالی

nisha2552

کاربر

ارسالها: 3525

#404 Posted: 24 Jan 2014 16:58

كه‌وه‌سڵت ده‌ست بدا بۆم هیچ خه‌یاڵی حووری عین ناكه‌م
گــه‌دای بــه‌رده‌ركــــی تـۆبم مه‌یلی فیرده‌وسی به‌رین ناكه‌م

كه‌ زوڵف و په‌رچه‌می چین چینی تۆ سایه‌ی سه‌ری من بێ
ئــه‌بـــه‌د گــــه‌ر بــمدرێـتـێ پـاد شــاهی مـوڵكی چین ناكه‌م

له‌ شه‌وقی ماچی لێوی شـــه‌كـــكــه‌رینـــت دڵ وه‌ها مه‌سته‌
هه‌تــا مــــاوم خـــه‌یـــاڵـــی قــه‌نــدو نوقڵ و ئه‌نگه‌بین ناكه‌م

بــه‌حــه‌قـــی جـــووتــه‌ چـاوی مـــه‌ستی نازت گیانی شیرینم
به‌شه‌و بێ یادی رووی تۆ سه‌ر له‌سه‌ر گۆشه‌ی سه‌رین ناكه‌م

نـــگــیــنــی خـــاڵی تـــۆم مــه‌نــزووره‌ خـــاكـی به‌رده‌رت جێمه‌
(سولــه‌یــمــان)ی زه‌مـــان بــم ئاره‌زووی ته‌خت و نگین ناكه‌م

nisha2552

کاربر

ارسالها: 3525

#405 Posted: 24 Jan 2014 16:58

له‌ باسی‌ مه‌ینه‌ت و ده‌ردی‌ ده‌رونی‌ بۆیه‌ ده‌م ناده‌م
له‌ خویناوی‌ دلی‌ پر غه‌م كه‌ سینه‌م مه‌وج ئه‌دا تا ده‌م

غه‌مم دیتی‌ كه‌ بۆ وه‌ك كۆده‌ك ئاگر به‌رده‌مه‌ كاغه‌ز
له‌بۆ نوسینی‌ غه‌منامه‌ی‌ دلم هه‌رگا قه‌له‌م داده‌م

هه‌له‌، پارانه‌وه‌ ئه‌مرۆ، زوبان و دل له‌ كارایه‌
زوبان ئاوه‌ر كه‌ به‌سته‌زمانه‌ سبحه‌ینی‌ كه‌ قوچا ده‌م

به‌ حه‌ق هه‌ر حه‌ق، به‌ ناحه‌ق ناحه‌قم وتوه‌ له‌ رۆژی‌ بووم
وه‌كو مه‌نصور ئه‌گه‌ر بیشم كوژن ناكه‌م له‌ حه‌ق لاده‌م

بلا گول ئاته‌شی‌ تی‌ به‌ر ببی‌ ، په‌روانه‌ بی‌ بولبول
ده‌بی‌ هه‌ر بچمه‌ باغ و رازی‌ دل شه‌ممیكی‌ به‌ر باده‌م

سبه‌ینی‌ وه‌رنه‌ سه‌یری‌ كوشتنم واده‌م چه‌ها داوه‌
له‌سه‌ر واده‌ی‌ درۆی‌ ئه‌و ناده‌م ئیتر واده‌ ، قه‌ت ناده‌م

وتم: گه‌ر حالی‌ "مه‌حوی" تیبگه‌ی‌ ره‌م به‌م حه‌ده‌ ناكه‌ی‌
وتی: ئه‌و تی نه‌گه‌یوه‌ ، من په‌ریم و ئه‌و به‌نی‌ ئاده‌م

مه حوی

nisha2552

کاربر

ارسالها: 3525

#406 Posted: 24 Jan 2014 16:59

توخـــوا کـــاتێ کـــه‌ ئـــازادیوو سه‌ند
ڕه‌گه‌زی خـــوێنمژه‌کــانوو هــه‌ڵــقه‌ند

کــــیژو کــــور هــــه‌رچی به‌لامـا لادا
پێم بـــڵێ و پایێ به‌ قــــه‌بــــرم دادا

ئه‌ی هه‌ژار! به‌سیه‌تی مردن هه‌سته
مـوژده‌ بێ مه‌وته‌نه‌که‌ت سه‌ربه‌سته‌

هه‌ژار موکریانی

nisha2552

کاربر

ارسالها: 3525

#407 Posted: 24 Jan 2014 17:00

چ بکەم نە ئەو کەسەم کە کەسم بێ لەلا بە کەس
خۆشم نەگەیمە ئەو کەســـــە ئەو من بکا بە کەس

گەر ئیشی روحتە، کە نەبوو کــــــەس بە دەستەوە
دەست هەڵگرە لە رۆح و مەبە ئەلتیجا بە کــــــەس

نا ئەهــلی ئەم ئەهــــــالیە مەعلومی مـــن کە بوو
شوکری خودا، خــودا بەس، ئومێدم نەما بە کـــەس

حه‌زره‌تی نــالی

nisha2552

کاربر

ارسالها: 3525

#408 Posted: 24 Jan 2014 17:00

گـــه‌ر ده‌پرســی مـن له‌ بـه‌ر چــی کـه‌م ده‌خـۆم
مــن بــه‌ برســی قه‌ت مـه‌زانــه‌ ، غــه‌م ده‌خـۆم

ئــــــــاوی سوێری چـــــاو و بـــــاری تاڵــــی لێو
ســـوێر و تـاڵـــــیی دەم‌دەم و ژەم‌ژەم ده‌خـۆم

تــــــــــا ســـه‌ری زوڵفت له‌سه‌ر ڕوو حــــه‌ڵقه ‌دا
مــن وه‌کــو مـــــاری ســه‌ر ئـــاگر خـه‌م ده‌خـۆم

ئــــــاوی که‌وسه‌ر نۆشـی صۆفــــی بێ کـه‌ مـن
ئـــــــاوی ئینسـان ، یه‌عنـی ماچــی ده‌م ده‌خـۆم

شه‌ربه‌تـــــی خـــه‌وف و ڕه‌جـــای ئه‌غیار و یـــــــار
ترش و شیریـن هـــه‌م ده‌چێژم ، هــــه‌م ده‌خـــۆم

مــن لــــــــه‌ ته‌وری عـالــه‌م و ده‌وری فــــه‌لـــه‌ک
زه‌ربـــــی لازیب، زه‌خــــمــی بێ مه‌رهه‌م ده‌خـۆم

تـــــــاڵی بێ‌یار و دیــــــار و تـــــار و مـــــار
عـــه‌لقه‌می چی؟ ئه‌رقه‌می چی؟ سه‌م ده‌خـۆم !

نـه‌وعــــه‌ ئینسـانـــێ هه‌یــــه‌ غـــــه‌م قـــــووتییه‌
مـــن غه‌مـــی خـۆم و غه‌مــــی عـالـــه‌م ده‌خـۆم

غــــه‌م ده‌ڵــێ: ((نالــــــی)) کـــه‌ غـەم‌خوارییم نه‌کا
نــــــا عـیـلاجـــــم مــن به‌نــــی ئـــــاده‌م ده‌خـۆم

nisha2552

کاربر

ارسالها: 3525

#409 Posted: 24 Jan 2014 17:01

شەنگەبێری! ساڵی ساڵان له كوێستانی، لەناو مەڕی
بۆ مەڕدۆشین هەڵت‌دەكرد ئەو باسكی سپی مەڕمەڕی
لـەبـەر هــاڕەی گۆبەرۆك و گـواره و گرمـەك و ژێرچـەنـه
نـیــــوەڕۆیــه لـەبــەر بـێـــرێ كــۆڕی مـەڕی ڕادەپــەڕی

***
كه ئێواران كەزیت دەكردن سێ بەنگێ و چاوت دەڕشت
بەو كەزی و چاوه نەرمانه، بێ‌ڕەحمانه شوانت دەكوشت
شـەنگـەبیـزا، به ســـروەبـا، ســـوژدەی دەبــرده بـەر بـەژنـت!
ئاخر تۆش هەوای كوێستانی ئەو كوردستانەت هەڵ‌دەمشت!

***
چێشتەنگاوان، له دەراوان، كه خۆت لێ دەكرد پێ خاوس
بـه لـەنجــه و لاری كیــژانـەت، شــەرمـەزار دەبـۆوه تاوس
ئاهــەنـگی ژیــن و شــادی بـوو، بەیــانـی كه تێــكەڵ دەبــوو
شمشاڵی من، خرمەی بازن، گرم و هۆڕی مەشكەی گاوس

***
شەنگەبێـری گـراوی خۆم وێنووسـی جەماڵ و جـوانی؟
ئێستاش پاڵێنی وەك جاران له شوان و مێگەل دەڕوانی؟
وا من پێشـمەرگەم، دەجەنگم بۆ وڵاتـی له تۆ شـیرنتر
نـەم‌دەدا به تەخـتی شـایی دەنـا بـەردەبێـری شـوانی!

***
ڕاسته تۆ جوانی، لەباری، نازداری، شۆخی، نەشمیلی
كوڵـمـت گـەش‌تـرن له گـوڵ و خـاڵـت ڕەش‌ترن له زیـلی
جیابوونەوەت دەرده، بەڵام تۆش دەزانی تامی نیه؛
ژوان و شـەوڕاو و دڵـداری، ڕاز و نیـازی به دیــلی...

***
زۆری نەماوه بێته بەر نەمامی هەوڵ و خەباتم
له داگیركـەر پاك بێتـەوه، خاكی پیـرۆزی وڵاتم...
چـەك دادەنـێــم، گـۆچـانــەكەی جـارانــم هـەڵ‌دەگرمــەوه
تۆ هەر بێری به، من هەر شوان، فریشتەی تاسه و ئاواتم!

مامۆستا هێمن موكریانی

nisha2552

کاربر

ارسالها: 3525

#410 Posted: 24 Jan 2014 17:01

مودده تێکه من گرفتارم به د ه س سه وداته وه
بووم به داوی چینی زوڵف و په رچه می تاتاته وه

مه نعی قوللابی موژه ی ناکه م له ڕاکێشانی دڵ
بۆ!ئه سیری چاوی مه ستی پڕ خه وی ئةيباته وه

وا سه رم دانا به عه زمی به رد ه بازی ڕێگه که ت
مه ر هه می ده ر دی سه ری من وا به گه ردی پا ته وه

گه ر ده پرسی حاڵی په روانه ی دڵم دوربێ له رووت
وا له سۆزش دا له سایه ی شه وچرای گۆناته وه

چاوی خوێن خواری به خوێنم فێره، و ه ک لێوی به مه ی
لێی گه ڕێن ئێوه و خودا ئه و شۆخه با بیخواته وه

شاهی چاوت موڵکی سه بر و تاقه تی بردم به زۆر
مه صحه فی رووی تۆ به گژیا چێ ئه گه ر نه م داته وه

مێشی خاڵت نافڕێ به س باوه شێنی که به ناز
چونکه پابه ند ه به شه هدی روومه تی زێباته وه

شێن و واو ه یلا یه ئا ساری قیامه ت هه ڵ ده سێ
گوڵ به د ه ن ئه مڕۆ به ر ه و مه شریق ئه گه ر لا کا ته وه

صفحه 41 از 103: « پیشین 1 ... 40 41 42 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا