صفحه 45 از 103: « پیشین 1 ... 44 45 46 ... 102 103 پسین »

اشعار کردی و لکی

nisha2552

کاربر

ارسالها: 3525

#441 Posted: 25 Jan 2014 12:02

پڕپڕه‌سینه‌م لـــه‌ژان ئــه‌ی داخه‌كه‌م بۆمه‌رهه‌مێ
دڵ لـــه‌ته‌نیــایی وه‌گیان اتووه‌خودایـــه‌هـــاوده‌مێ

چاوی چاكه‌ی كێ له‌سوڕی چه‌رخی زوتێپه‌ڕهه‌یه‌
وه‌م حه‌سێنه‌ پیاڵــــه‌ێكـم مه‌ی ده‌یه‌ساقی ژه‌می

حاڵی دونیایــه‌م له‌پیتۆڵیكـــی پـــرسی پێكـــه‌نی
پێی وتـــم بڕوانه‌ئــــاخ و داخـــی ده‌ردی عالـــه‌مێ

ڕاحه‌تی و خۆشی له‌ڕێگه‌ی عیشق بــازیدا به‌ڵان
دڵ بــه‌ڵا بێشێ به‌زامت گـــه‌ربخوازی مــه‌لحه‌مێ

ئـــاده‌می لـــه‌و عاله‌می خاكــــی په‌یــانابێ ده‌بی
عاله‌مێكی دی دروست بكرێت و لـــه‌نوێ ئــاده‌مێ

نایه‌نێ گریانی حافزهیچ لــه‌لای بـــه‌حری ئـــه‌وین
چونكـــه‌حه‌وده‌ریـــا لــــه‌ ئـــاو نـــا نوێنێ شه‌ونـــه‌مێ

nisha2552

کاربر

ارسالها: 3525

#442 Posted: 25 Jan 2014 12:03

له‌ ناکه‌س کارییا، خاکم به‌سه‌ر، رۆیی به‌ با عومرم
خودا! تۆ بمژیێنه‌، تا له‌به‌ر قاپی که‌سێ ده‌مرم

به‌ زایع چوو له‌ [ما لا یَعْنِی]یا وه‌قتم هه‌موو، یه‌عنی...
ده‌بێ وه‌قتێ له‌ [بُوالوَقت]ێ بخوازم دا تیا بمرم

ئه‌جه‌ل ده‌ورم ده‌دا: حازر به‌، واده‌ی ده‌ور و ته‌سلیمه‌
منی غه‌فڵه‌ت زه‌ده‌ هێشتا خه‌ریکی مه‌سئه‌له‌ی ده‌ورم

خه‌یاڵی پووچی دنیا وا ده‌ماغ و دڵمی پێچاوه
قیامه‌ت، هه‌ر مه‌گه‌ر رۆژێ قیامه‌ت بێته‌وه‌ فکرم

له‌ پێ که‌وتووم و نه‌فسم بۆ هه‌وا ده‌شنێ وه‌کوو منداڵ
له‌به‌ر پیری سه‌رم خۆی ناگرێت و تازه‌ پێ ده‌گرم

چیه‌ سووچ و گوناهی؟ بۆچی ده‌یکاته‌ جه‌زاخانه‌؟
له‌ قه‌بر هه‌ڵکه‌ن، هه‌تا رۆژی جه‌زا ده‌عوا چیه‌ قه‌برم

سبه‌ینێ[یُحشَرُ المَرْء]ه‌، براگه‌ل فرسه‌ته‌ ئه‌مڕۆ
ته‌به‌ڕڕا بن له‌ من، باکه‌س نه‌بێ حه‌شری له‌گه‌ڵ حه‌شرم

له‌ من نازانم ئیتر نه‌فسی به‌دخوو چی ده‌وێ [مه‌حوی]
که‌ به‌دکردار و به‌دڕه‌فتار و به‌دئه‌فکار و به‌د ته‌ورم

مه‌گه‌ر به‌ر مه‌وجی به‌حری ره‌حمه‌تم خا وه‌سفی سه‌تتارێ
وه‌گه‌رنا زه‌حمه‌ته‌ پا بوونه‌وه‌م، نامومکینه‌ سه‌ترم

nisha2552

کاربر

ارسالها: 3525

#443 Posted: 25 Jan 2014 12:03

دیارم ده‌یری عیشقه‌ جێ‌ به‌ سووتن بێ‌ له‌وێ‌ ده‌گرم
كه‌ من مشتێ‌ چڵ وچێوم به‌ چی بم كه‌ڵكی كێ‌ ده‌گرم

نه‌ گه‌ییه‌ دامه‌نی ده‌ستی دوعا،جا ده‌بمه‌ خاكی ڕێی
ته‌ریقه‌ی گۆشه‌گیری به‌رده‌ده‌م،ئه‌مجاره‌ ڕێ‌ ده‌گرم
...
كه‌ دادی یه‌ئسی خۆمم برده‌ لا،ئه‌م عارفه‌ توند بوو
ووتی ئاخر سبه‌ینێ‌ جه‌ژنه‌،خوێنی تۆ له‌ پێ‌ ده‌گرم

له‌ ڕوسوری عیباده‌ت لام و ڕۆزه‌ردی خه‌جاڵه‌ت مام
به‌ ناوی سێوی ناوم باغه‌وان من به‌هێ‌ ده‌گرم

له‌سه‌ر خۆ چونه‌ شه‌یدا بوونه‌ قوڕ پێوانه‌ سووتانه‌
هه‌تا مردن محببه‌ت ئیشی زۆره‌ رێزی لێده‌گرم

چ شۆخه‌ ئاگرم تێبه‌رده‌دات و پێم ده‌ڵێت:یا شێخ
به‌ خاشاكی ده‌وت شوعله‌ عه‌صامه‌ ده‌ستی پێ‌ ده‌گرم

كه‌ سینه‌ ڕێشمی به‌و تێغی نازه‌ ئه‌نجن ئه‌نجن كرد
وتی:په‌ژ مورده‌یه‌ ئه‌و لاله‌ زاره‌ئاوی تێ‌ ده‌گرم

له‌ پاداشی قسه‌ی سه‌ردا هه‌مه‌ ئاه و هه‌ناسه‌ی گه‌رم
كه‌سێ‌ شێتانه‌ به‌ردم تێ‌ گرێ‌،من به‌رقی تێ‌ ئه‌گرم

شوكور هۆشیاره‌(مه‌حوی)تێ‌ ده‌گا دنیا خه‌راباته‌
كه‌ به‌دمه‌ستی بكا ئه‌هلی خراپه‌ی بۆچی لێ‌ ده‌گرم

nisha2552

کاربر

ارسالها: 3525

#444 Posted: 25 Jan 2014 12:04

دو جه شن دلداري

ئەو دڵەی وەك بت پەرستێ رووئەکاتە چــــــاوەکەت
نوێژ ئەکــــا بۆ تیشکی چاو و زوڵفە تێك ئـــــــاڵاوەکەت
گەرچـــــــی ئەیشێلی بەزەبری قۆندەرە و پێڵاوەکەت
قەت بەدڵرەق باست ناکەم نــــایزرێنم ناوەکەت
چونکـــــە ئەیزانم تەڵاری یـــــــارە خوا پێـــــــداوەکەت
مەستی کردووی ، بۆیە نایبینێ لەعاستم چاوەکەت

بــــاغــــــــەوان بۆ ئەو مەبەستە گــــــوڵ ئەڵاوێنێتەوە
بۆ ئـــــــەوەی گــــــەورەی بکا و بۆ پــــــارە بیگۆرێتەوە
بیفرۆشێ بـــــەوکەسی خــــــەڵقی ئــــــەروتێنێتەوە
کچ لەلای ئێمە ش گولێکە بۆیە پـــــەروەردەی ئەکەن
تــــــــا برازێنێتەوە مــــێزی شەرابـــــــی دەوڵـــــەمەن

ڕەنگە لات وابێ کەگوایە یــــــارەکەت مـــــــارەت ئەکا
یــــا بەکەیبانووی تەڵاری بەرزی ئــــــەم شارەت ئەکا
ئەم خەیاڵەت خاوە تووشی داوی ئەو مــــــارەت ئەکا
چونـــکە وەك گورگێکە مەیلی ئەو کوش و لارەت ئەکا
ئەو بەتەنیا بۆ گوڵـــــــی سەرمێز و بـــــادە تۆی ئەوێ
هەرکە جارێ بۆنی کردی جــــــا گوڵێکی نوێی ئەوێ

ئەو، گولـــی بۆمێزی بــــــادە و پۆکەر و یــــــاری ئەوێ
واتــــــە تــــــۆی بۆ تێپەرینی کاتــــــی بێزاریی ئــەوێ
من گوڵــــــم بۆ تۆوی باجی ژین و دڵــــــداری ئـــەوێ
یانی من تۆم بۆ ئەوینی عومـــــری یـــەكجاری ئەوێ
تۆم ئەوێ وەك گوڵ لەباخی ماڵــــــی مندا هەڵبدەی
نەك گوڵی سەر مێزی ئیمرۆنیت و پێخوستی سبەی

من ئەوینم هینی عومر و هی خـــــەوی شەوگارنیە
وەك خــــــــەوی خاوەن تەلار و خــــــاوەنی دینار نییە
هـــــەر بووە و هەرگیزنەمێنێ هینی جــــــاروبار نییە
ئاوی لێڵی کوێرەشیوێ چەشنی هـــــــی رووبارنییە
جا ئیتر من وا قسەی خـــــــۆم پێ گەیانی ، بێ دڕۆ
حەزئەکەی هەروەك پەپوولە روو لە ئــــاگــــــــرکەو بڕۆ

مامۆســــــــتا
(احـــــــمەد هـــــــەردی)
لەساڵی١٩٥٠دەست بێکراوە ونوسراوە
لەساڵی ١٩٨٣تەواو کراوە

nisha2552

کاربر

ارسالها: 3525

#445 Posted: 25 Jan 2014 12:06

بەجـێ نایێ، دەبێ ڕوو کەینە سارا
حـەقی ئادابی مەجنوونیی لە شارا

کە چەرخ ئەسکەندەری دیی دەردەدارە،
وتیی: ئەم هەم بــــووە هەمدەردی دارا

هەتا حەق ناصیرە، هەر حەقمە مەنظوور
وەکـــــوو (مەنصوور) ئەگەر بمکەن بە دارا

نەگەیمە ئەو جوانە و گەیمە پیریی
مەدەد یا پــــــیری پیرانی بوخــــارا

لەبەر زار و نەزاریی بوومە وەک پووش
دە ئەمجــــــــا ڕابـــــــــوێرە من بە زارا

مەگەر تۆ عەرضی حاڵم کەی لەکن یار
قەڵـــــەم، ساغی قسە، من نیمە یارا

لەڕم دیی زاهید ئەم زستانە، زانیم
کـــــلک نـــادا بە زڕپنگـــــــی بەهارا

وەرە دەستێ بە خوونم کە نیگارین
خــــووێنی من حەلاڵت بێ، نیگارا!

زوو ئەو شۆخە لە عاشق وەردەچەرخێ
لەگەڵ کــــەس، چەرخە ئەو، ناکا مودارا

موژەی خوێنێ دەکا هەر لەحظە، سەیرە
ئەمەندە گـــــــــوڵ لە بن یەک نووکە خارا

کە شک بەم "مەحویا" هەر شەربەتی مەرگ
لەســــەر ئــــــەرزا نییە ئــــــاوی گــــــەوارا !!!

nisha2552

کاربر

ارسالها: 3525

#446 Posted: 25 Jan 2014 12:07

هۆ بەهانە ناسکەکەی من بۆ ژیان
‌بیرت ئەکەم
‌لە خەیاڵەوە تاگریان
‌ئەڵێی دەفتەری یادگاریم
‌ئێستە هیچ نیم
‌بێ لە کۆمەڵێ یادی دوور
‌تەنیا تاوەکوو دوا سنوور
گشت درەختە پیرەکانی باخچەکانی سلێمانی
‌هەموو شەوێ
‌بەدەم ڕەشەبای شارەوە تا بەیانی
‌باسی شەیدایی من ئەکەن
‌ئەیانەوێ نەونەمامە نەشمیلەکان
‌بۆ ئەبەد لە بیری نەکەن
‌ئێمە بووین بە بیرەوەری درەختەکان
‌بووین بە یادی
‌هەموو کۆترە بێ لانەو بێ بەختەکان
‌لەوانەیە ڕۆژێ دابێ
‌سلێمانی منی بیر بکەوێتەوە
‌لە شەقامێ لە شاڕێیەک
‌ناوی من بنوسێتەوە
‌ئەو دەمانە من نەماوم ئەگەر هاتوو هەر شەقامێ
‌پەمەیی کرا بە ناوم
‌هەموو ڕۆژێ بە ڕۆحمدا گوزەر بکە
‌با لێت تێر بێ هەردوو چاوم.
‌

‌ڕەنج سەنگاوی

nisha2552

کاربر

ارسالها: 3525

#447 Posted: 25 Jan 2014 12:07

ڕقم لە ڕق ئەبێتەوە
‌کە جاروبار لەدڵتدا
‌شوێنی شیعری ناسکی من ئەگرێتەوە
‌زۆر دڵنیام خۆشەویستیم لە ناختدا
‌هەر ڕۆژێ دێ ئەژێتەوە
‌چونکە من بڕوادارێکم
‌بێ گومانم
‌مردوو زیندوو ئەبێتەوە.
‌

‌ڕەنج سەنگاوی

nisha2552

کاربر

ارسالها: 3525

#448 Posted: 25 Jan 2014 12:08

لێم ببورە خۆشەویستم
‌ماوەیەکە
‌بووم بە مرۆڤێکی شێواو
‌کە ئەڕوانمە گەردنت
‌ئەزانی چیم دێتە بەرچاو
‌ملی بڕاو نینۆکی دڕندانەی پیاو
‌سوراوەکەت گێژم ئەکا
‌لێم ئەبێ بە گۆمی خوێناو
‌نیگاکانت ئەمبەنە بیری ئاواتی
‌بە هەزاران ژنی کوژراو.
‌شەرم ئەکەم نیگات بکەم
‌وەختە بم بە تنۆکێ ئاو.
‌

‌ڕەنج سەنگاوی

nisha2552

کاربر

ارسالها: 3525

#449 Posted: 25 Jan 2014 12:08

باوەشێکم بۆ بنێرە
‌هەناسەکەم بیرت ئەکەم
‌بە وشەیش بۆمی بنوسیت
‌هەست بە گەرمی لەشت ئەکەم
‌نیگایەکتم بۆ بنێرە
‌هەر بۆشم بنوسیت نیگا
‌من چاوت ئەخوێنمەوە
‌من دڵم وەختە سست ئەبێ
‌بەوانە ئەیژێنمەوە.

‌
‌ڕەنج سەنگاوی

nisha2552

کاربر

ارسالها: 3525

#450 Posted: 25 Jan 2014 12:08

ڵــفــــــــریـبـی دڵـبـــــــه‌ری دڵـــــــــــدار ، هــــه‌ی!
فـیـتـنـه‌گـه‌ر ، هـه‌ی! ره‌نـد هـه‌ی! عـه‌یـیـار هـه‌ی!

بــــــــوویـه‌ یــــاری غــه‌یــر و مــن بــێــگــانــه‌ مــام
بــێ وه‌فـــا ، هــه‌ی!هــه‌ی جـه‌فــا كـردار ، هـه‌ی!

خــۆ مـوسـوڵـمـانـم ، بـه‌نـاحـه‌ق خــوێــنــی مــن
بـــــۆ ده‌ڕێــــژی ، كـــافـری خــوونــخــوار ، هـــه‌ی!

چــــــا نـــیـه‌ ره‌فـــتـاری وا بـــــه‌د بـــــه‌س بـــكـــه‌
ده‌رحــه‌قـی مـن ، شـۆخـی بـه‌دڕه‌فــتـار ، هــه‌ی!

تـــۆ دڵـــت دێـــوانـــه‌ كــــردم ، ئــێــســتــه‌ كــه‌ش
نـــــانــوێــــنــــی روو ، پــــه‌ری روخــســـار هــه‌ی!

قــه‌ت لــه‌تـیـری ئـاهـی مـه‌زڵــوومـانــی عــیـشـق
تـــــۆ نــه‌تــرســـــی ، زاڵــمـــی غــــه‌ددار هـــه‌ی!

غــه‌یـری بـه‌د نـه‌یـدی له‌ تـۆ ((مه‌حوی)) ، ئـه‌تـۆش
هــه‌ر بــه‌دت رێ بــێ ، بــــه‌دی بــــه‌دكــار هـــه‌ی

صفحه 45 از 103: « پیشین 1 ... 44 45 46 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا