صفحه 47 از 103: « پیشین 1 ... 46 47 48 ... 102 103 پسین »

اشعار کردی و لکی

nisha2552

کاربر

ارسالها: 3525

#461 Posted: 25 Jan 2014 12:24

ئه‌ونده‌ ئه‌هلی دنیا ئه‌هلی دنیا،تاقه‌ رۆژێ گه‌ر
به‌قه‌ڕنی من ئه‌وه‌ند ئه‌هلی خودابم ده‌بمه‌ پێغه‌مبه‌ر

به‌که‌م مه‌گره‌ سروشک و ئاهـ و ناڵه‌ی بێ نه‌وایانت
که‌ سه‌یلی بێ ئه‌مانه‌،تیریدڵدۆزه‌،گوله‌ی وه‌روه‌ر

چ که‌س نابێ به‌که‌سدارم،نیه‌ له‌به‌رده‌ره‌ یارم
خودایا تۆبکه‌ی چارم که‌سێکم بێ که‌س وبێ ده‌ر

چڵ و چۆکه‌ر مه‌ده‌ورم،خودا حافیز نه‌سیحه‌تگه‌ر
له‌شکوه‌ی عیشق ولۆمه‌ی عه‌قڵ ئه‌من هه‌م لاڵم و هه‌م که‌ڕ

زوبان و گوێ گله‌ وپه‌ندی نه‌ لێ ده‌بیه‌ن،نه‌پێ ده‌بیه‌ن
عه‌به‌س دێن و ده‌چن به‌م جۆشه‌ غه‌ممازو مولامه‌ت گه‌ر

له‌ ئیعجازی مه‌حه‌ببه‌ت چار فه‌سڵم جومله‌ بۆ جه‌معه‌
سروشکم سوره‌،ره‌نگمزه‌رده‌،لێوم وشکه‌،چاوم ته‌ڕ

سیاپۆشن له‌داخی خه‌ت و خاڵ و لێوو روو و زوڵف
وه‌نه‌وشه‌و میسکی چین و ئاوی خزر ولاله‌ و عه‌نبه‌ر

جگه‌ر کون که‌،خوێنی گریه‌ به‌رده‌،سینه‌ هه‌ڵبدڕه‌
نیگاهێ که‌ ببینه‌ کاری تیر و نه‌شته‌ر و خه‌نجه‌ر

که‌سه‌یری ده‌فته‌ری سه‌ر گه‌شته‌گانو خاکساران و
سیابه‌ختانی کردن،دی هه‌موو،[مه‌حوی]بوو سه‌ر ده‌فته‌ر

nisha2552

کاربر

ارسالها: 3525

#462 Posted: 25 Jan 2014 12:24

بـا بکـه م شیــوه ن لـه داخـی بـاخـی عــومـری بــێ ســه مـه ر
ده ستــــه ئـه ژنـــــــــۆ دابنیشــم وه ك هـه تیـــوی بــێ پـــده ر

بـا بـه ئـه شکـی دیــده تــه ڕ کــه م خــاک و خــۆڵــی راگـــوزه ر!
خـۆ لـه قـوڕ بگــرم بـه جـارێ هـه ر لــه پــێ تــا تـه و قــی ســـه ر!!

نــــاری

nisha2552

کاربر

ارسالها: 3525

#463 Posted: 25 Jan 2014 12:25

ۆخەی ئۆخەی چەندە یارم نازەنینە شۆخ و خـــــۆش
وەك کڕی دارە بەخەندە وا بەغــــەمزە خــــــــــــۆفرۆش

ئەم شـــەکر گوفتارە وەکو تووتـی منی خستە قســـە
نوخشەبێ ئـەوجا لەخونچە موژدە بێ بولبول لەتۆش

ئەو گوڵە دەمووتم کـەبـــێ داوێنی ئەگـــــرم وەك دڕك
نەم ئــــەزانی ئـەو کەبــێ نابێ بمێنێ ئەقڵ و هۆش

دڵ پــــــڕ و خــــاڵی دەرونن عاشقانت مسلی نـــەی
گەر ڕەقیب دەمیان لە دەم نێ جامەگـەر بێنە خەرۆش

تۆکە پر مەغزە بـــــــرا کاسەی سەرت دەست هەڵگرە
نۆبەیانە باپــڕی کەن کــــاسە خاڵی کــــەلــــلـە بـۆش

من کە مەی خوارم لەگـەڵ شێخ وادەمان ڕۆژی حەشر
نۆشی گیـانی بـێ بنۆشێ خوێنی جەرگی بادە نۆش

ئـەو ئــەوا دەرکـــــــەوت و رۆژئـاوا ئەزانی بۆچـــــــی بــــوو
عەیبی بوو کـێشای بەسەریا شەو وەکو سەر پۆش پۆش

(حەمـــــــدی)یا ئەمرۆکە کە عالەم گـــوێ قوڵاغی ناڵەبن
دەس بە دەمتۆ بگـــــرە تۆ دونیایە نابێ قـــەت خامۆش!!!

حـــــەمـــدی

nisha2552

کاربر

ارسالها: 3525

#464 Posted: 25 Jan 2014 12:26

پێم دەڵێن:محبووبە خێل و قیچە، مەیلی شەەڕ دەکا..
...خێل وقیچە، یا ترازووی نازی نەختێ سەر دەکا؟!

خێل و قیچە، یا بە غەمزە بۆ نیشانەی دڵ بە چاو..
میلی ڕاست هاوێتنی موژگانی دڵ پەی کەر دەکا؟

نالی

nisha2552

کاربر

ارسالها: 3525

#465 Posted: 25 Jan 2014 12:27

ئـــــەوەنــــدە تــــەنگ و نــاخــــۆشــــە دنـــیـــا
خــۆشە دەرچــون ئــەگەر چی بۆ سەقەر چــین

ســـەرت پێ لـــازمە،،مەیـــــــیبازە (محـــــوی)
دەبــــێ دوولـــبەر کـــەهات ئێمە بەسەر چــین

مــەحــاڵە تەلـــــبەندی زووڵــــــــــفی دەرچوون
چـــەها چینە،چـــــــەها چینە،لەسەرچـــــــــــین

محوی

nisha2552

کاربر

ارسالها: 3525

#466 Posted: 25 Jan 2014 12:28

دڵی سووتا به‌ حاڵی زاری تیفلی دڵم و چاری کرد
سه‌ری زوڵفی له‌ ده‌م نا،زه‌هری ماری پڕ به‌ زاری کرد

... به‌سه‌ر ڕوخساری زه‌ردا جۆگه‌له‌ی کێشاوه‌ ئه‌شکی سوور
به‌ یادی سه‌روی باڵایه‌ک ئه‌وه‌نده‌م شین و زاری کرد

هوجوومی ((هیندوو))ی خه‌ت سه‌ر((فه‌ره‌نگستان))ی ڕوخساری
به‌حه‌شرێ بوو،وه‌کوو و ئه‌و حه‌شره‌ ((میقادۆ))به‌ ((چار))ی کرد

وتوویانه‌ کـــــــــــــه‌ ((نان ئه‌و نانه‌یه‌ ئه‌مڕۆ له‌سه‌ر خوانه]‌
چووه‌،چوو،پێ چووه‌،که‌م عه‌قڵه‌هه‌رکه‌س باسی پاری کرد

قسه‌ی زوڵفی ئه‌وه‌نده‌ توولی کێشا تاقه‌تی چوو خۆی
وتی:شه‌ونیوه‌ بوو،نه‌بڕایه‌وه‌ ،کێ باسی ماری کرد

له‌ بۆ ئیمددی کرد گریانم،ده‌روونی کردمه‌ خۆێناو
له‌ چاوم سه‌یرکه‌ن ئه‌م حوکمه‌ جه‌رگ و دڵمی جاری کرد

خه‌تی پشتی له‌بی دی ،بوومه‌ چاری ئه‌برۆی وتی،وتمان
کـــه‌ هه‌ر کــــه‌س بـــــه‌ختیاره‌ ئیختیاری چاری یاری کرد

به‌یانی هاته‌ باغ ئه‌و مـــــــــاهه‌،ئه‌م واتێ گه‌یی ڕۆژه‌
له‌ شه‌بنم،گوڵ به‌دامه‌ن گه‌وهه‌ری هێنا،نیساری کرد

[ره‌حه‌]به‌و شێتییه‌ ((الحق))قسه‌یه‌کی عاقڵنه‌ی وت:
منم عاقڵ له‌ به‌رگی عــــاریه‌ خۆمـــــــم کـــه‌عاری کرد

دڵی بێ باره‌،مایه‌ی کاره‌،هه‌رکه‌س کارو بری خۆی
له‌دنیادا،موه‌ففه‌ق بوو دڵ ته‌فویزی بـــــــــــــاری کرد

جونوونی نه‌و زوهووره‌ ((مه‌حویا))دێوانه‌ گی مه‌نسوور
که‌ دێوانه‌ن هه‌موو مائیل به‌ به‌رد،ئه‌و مه‌یلی داری کرد

حضره تی مةحوی

nisha2552

کاربر

ارسالها: 3525

#467 Posted: 25 Jan 2014 12:28

چ خه‌یاڵێکه‌ لیقا بێ به‌فه‌نا چوونی جه‌سه‌د
(تا پریشان نشود کار بسـامان نرسد

هه‌ردڵی پێوه‌ نه‌بێ داغ وخه‌تی جێ ده‌می تێغ
ده‌عویی عیشقی ببێ ده‌عوییه‌ بێ مۆر و سه‌نه‌د

ئه‌غڵه‌به‌ی ته‌کیه‌ ده‌رگاهی بیـــلادی ڕۆمم
پشکنی،دی :چه‌له‌بی هه‌ر جه‌ڵه‌بی بوو،ده‌ده‌ ده‌د

خه‌و ئه‌زانێ نیه‌،ده‌یوت:ده‌بنوو بێمه‌ خه‌وت
نێک به‌ختم به‌ وه‌نه‌وزێ بکه‌ ،ئه‌ی به‌خته‌ مه‌ده‌د!

داغی کۆنه‌و شه‌به‌قی تازه‌ له‌ سینه‌ی چاکا
تێکه‌ڵن،سه‌یری هه‌یه‌ پڕ له‌ گوڵ و لاله‌ سه‌به‌د

غه‌یری وه‌حده‌ت له‌ وجوودا نیه‌،که‌سره‌ت وه‌همه‌
ساده‌ ته‌کراری یه‌که‌،مه‌نشه‌ئی ئه‌و ماهی عه‌ده‌د

چاری هه‌ر ده‌رد و غه‌مێ کردنه‌ مردن،چ بکا
نیتوانیوه‌ بکا چاری غه‌م و ده‌ردی حه‌سه‌د

هه‌رکه‌سێ چاوی که‌ به‌و جلیوه‌ مونه‌ووه‌ر بووبێ و...
که‌سی که‌ی بێته‌ نه‌زه‌ر،دیده‌ی پڕ بێ له‌ ره‌مه‌د

[مه‌حویا]با به‌سی بێ شیرکی ته‌شه‌ ببوس به‌م و به‌
بگره‌ به‌س دامه‌نی ته‌وحیدی((هو الله‌ احد]
ئه‌گه‌رچی‌ شه‌و دره‌نگه‌ ساقی‌ بۆم تێكه‌ كه‌مێكی‌‌تر
كه‌وا ئه‌مشه‌و سه‌ری‌ هه‌ڵدا له‌ ناخمدا خه‌مێكی‌‌تر

له‌ باده‌ ئه‌م ژه‌مه‌ تێركه‌ منی‌ تینوی‌ جگه‌ر سووتاو
به‌چی‌ دیاره‌ كه‌ ده‌بینم شه‌وێكی‌‌تر، ژه‌مێكی‌‌تر!

ئه‌وه‌نده‌ ده‌رده‌دار و بێ‌په‌رستارم كه‌ پێم وایه‌:
له‌سه‌ر كێكی‌ ته‌مه‌ن هه‌ڵناگلرێ تازه‌ شه‌مێكی‌‌تر

گه‌لێكم ڕۆژگاری‌ تاڵ ‌و شیرین ڕابوارد ئاخۆ
مه‌رگ مه‌ودا ده‌دا دیسان ببینم سه‌رده‌مێكی‌‌تر!

گه‌یشتمه‌ سه‌ر ترۆپكی‌ ئاره‌زوو ڕۆژێكی‌ كه‌چی‌ ڕوانیم
له‌ پێشمدایه‌ زه‌رده‌ و ماهـ‌ و سه‌خت ‌و ئه‌سته‌مێكی‌‌تر

هه‌تا چارشێو به‌سه‌ر تۆوه‌ ده‌بینم نازه‌نینی‌ كورد
به‌سه‌ر بیلبیله‌كه‌ی‌ چاوی‌ منا ده‌كشێ ته‌مێكی‌‌تر

نه‌ما (خانی‌) تا چیرۆكی‌ عه‌شقی‌ ئێمه‌ داڕێژێ
ده‌نا هێشتا له‌ كوردستان ده‌ژین زین ‌و مه‌مێكی‌‌تر

په‌پووله‌ی‌ خۆشه‌ویستی‌ من له‌ شوێنێ ناگرێ ئارام
ده‌نیشێ‌ و باڵی ده‌بزوێ له‌سه‌ر سینه ‌و مه‌مێكی‌‌تر

هه‌زار هێنده‌ په‌رێشان ‌و سیا چاره‌ بژیم هێشتا
له‌ ناو دڵدا هه‌مه‌ ئاواتی‌ خاڵ ‌و په‌رچه‌مێكی‌‌تر

هه‌تاكوو دوا پشوو ڕێبواری‌ ڕێگه‌ی‌ عیشق ‌و ئازادیم
ئه‌گه‌ر بێجگه‌ له‌ ناكامیش نه‌بینم به‌رهه‌مێكی‌‌تر

كه‌ فرمێسكم له‌سه‌ر ڕووخساری‌ كیژی دڵ شكاو بینی‌،
گووتم: یاخوا له‌سه‌ر سوره‌ گوڵ نه‌بینم شه‌ونمێكی‌‌تر

شه‌وێكی‌ چاوه‌نواڕت بووم، نه‌هاتی‌ گیانه‌كه‌م، ویستت
منی‌ دڵ ناسكی‌ شاعیر بگێڕم ماته‌مێكی‌‌تر

خدر نیم بۆ ته‌مه‌ن شێت بم به‌ كانی‌ ژینێدا نووسێم
ئه‌وه‌نده‌م ژین دوێ‌ تا ده‌م ده‌نێم نێو ده‌مێكی‌‌تر

به‌ تۆ چاره‌ی‌ چلۆن ده‌كرێ‌ ده‌روونی‌ پڕ له‌ ناسۆرم
خه‌ساری‌ بۆ ده‌كه‌ی‌ دكتۆری زانا مه‌رهه‌مێكی‌‌تر

به‌هار و گوڵ، كچ ‌و مانگه‌ شه‌و و شیعری ته‌ڕ‌ و باده‌
له‌وه‌ی‌ زیاتر جه‌نابی شێخ گه‌ره‌كته‌ عاله‌مێكی‌‌تر؟

‌هێمن

nisha2552

کاربر

ارسالها: 3525

#468 Posted: 25 Jan 2014 12:32

مـــه‌یــلی جــودایی
(دیـــسان مــن و تــۆ)

بـــه‌ینــی مــن و تـــۆ مـــن و تــۆ نــه‌بــوو
بـــاســی جیــایـی گفتـــــــووگــۆ نــه‌بــــوو

دیسان مــــن و تــــۆ، من و تـــــــۆمــانـــه
‌ باســــــی جیایــــــــــی گفتـــووگــۆمــانــە

هه‌ر بایـــكی مه‌یـۆ له‌سه‌ر كۆی لــه‌یــــلاخ
منیـــش به‌و بایــه‌ ئه‌بــــم خـــۆش ده‌مـــاغ

هـــه‌ر بایــكێ مه‌یـــۆ گــوڵ پێــی ئه‌شنـــیا
یـــاخــوا ئه‌و بایــه‌ هه‌ر بـــۆ من بچــــــێ

هه‌ر بایــكی مه‌یـــۆ گــوڵ پێـــی دایــه‌ بــۆ
یاخـــــــوا ئه‌و بایــه‌ ڕوو بــكا بــه‌ره‌و تـۆ

دییــه‌م نـــه‌ونـه‌مــام، نه‌وتـــوڵی ســـــاوا
پـــــه‌ژاره‌ت وه‌بــــان ئـــه‌م دڵــــــمه‌ لاوه‌

دێیــــــــت و ڕاده‌بــــــری زه‌ره‌ز ســــایــی
نه‌ ســــڵامــــت هه‌س، نــه‌ مه‌رحه‌بایــــێ

‌تــه‌پـڵ و نه‌قـــاره‌ی ڕســوایـیم لێــــــــده‌ن
خه‌بـــــه‌ر شه‌یـــــدایم به‌ شـــار و دێ ده‌ن

مـــۆرێ به‌دنــــامی به‌ن له‌ پێشـــــانیــــــم
"یـــــارم بــه‌ن نه‌یـــژن " شێتــــم له‌ دوایــی

یان مه‌ســــلوبم كـه‌ن مه‌سیــح ئاســایی
مـــه‌حــاڵه‌ ئـــازیز مه‌یـــــلی جـــودایـــی

ســه‌عیـد ئیسماعیـل

nisha2552

کاربر

ارسالها: 3525

#469 Posted: 25 Jan 2014 12:32

که‌ی دێیته‌وه‌ هه‌تا خه‌می دڵی ماتم هه‌ڵوه‌رێنـــــــــــــــــم
له‌ ده‌روازه‌ی گه‌ڕانه‌وه‌ت پۆلێ چرات داگیرسێنــــــــــــــــــم

ئێستاش یادی مناڵیمان له‌م کۆڵانه‌ چاوه‌ڕوانـــــــــــــه‌
وه‌ک به‌له‌می چارۆکه‌ دار ئه‌ستێره‌یه‌ک ناونیشانــــــــــــــه‌

له‌سه‌ر هه‌مو شه‌قامێکا شوێن پێکانت ئه‌ناسمـــــــــــه‌وه‌
له‌ ده‌فته‌ری یادگاریما هه‌ر ناوی تۆ ئه‌نوسمــــــــــــــــــه‌وه ‌

ژورم وه‌کو ده‌شتی سه‌حرا ده‌نگی که‌سی لێوه‌ نایــــــــه‌
تۆ رۆشتیت و من لێره‌وه‌ خه‌ریبی وا له‌ دڵمایـــــــــــــــــــه‌

که‌ی دێیته‌وه‌ تا ئه‌م جاره‌ وه‌ک دوو گه‌ڵای سه‌ر په‌ل بژین
له‌ پایزیش له‌گه‌ڵ یه‌کا بۆ ئه‌و دنیا عه‌شق به‌ریــــــــــــــن

چاوه‌ڕوانیت بۆته‌ چرکه‌ی کاتژمێری ترپه‌ی دڵـــــــــــــــــــم
هه‌ر به‌ وه‌رزی گه‌ڕانه‌وه‌ت چرۆ ئه‌کات باخی گوڵـــــــــــــم

nisha2552

کاربر

ارسالها: 3525

#470 Posted: 25 Jan 2014 12:33

خه‌مزه‌ده‌ی خۆتم نیشانه‌ی تیری موژگانم مه‌که‌
عـــاشقی رووتم،عـــه‌زیزم، تیره‌بـــارانم مــــه‌که‌

عـــاشقی خه‌ندێکی تۆم بابه‌س به‌ئاه و ناڵه‌ بم
بولــــبولم په‌روانــه‌ نیم و حـــه‌زبه‌سوتانم مــه‌که‌

دڵ به‌من نـاکا له‌به‌ر ئـاوری ده‌روونم دێته‌ جـۆش
تۆ که‌ ســـوتانت نه‌دیوه‌ مــه‌نعی گــــریانم مه‌که‌

(وه‌فــــــــــایی)

صفحه 47 از 103: « پیشین 1 ... 46 47 48 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا