صفحه 48 از 103: « پیشین 1 ... 47 48 49 ... 102 103 پسین »

اشعار کردی و لکی

nisha2552

کاربر

ارسالها: 3525

#471 Posted: 25 Jan 2014 12:33

دڵم دەرهات و تۆ هەر دەرنەهاتی
نەهاتی ، هەر نەهاتی ، هەر نەهاتی

کە ئەم خەندەو قسەو لێوەت هەیە تۆ
لەباتی شەککەر و نوقڵ و نەباتی

دەدەی وادەم بە قەتڵ ئەمڕۆ ، سبەی هیچ
ئەتۆ شاهی ، چیە وا بێ ‌ثەباتی

لە دنیا جەننەتی خۆ دیوە هەر کەس
کە تۆبی حاضری وەختی وەفاتی

ئەگەر ڕۆژە ، بتی من ، هەر بتێ بێ
سەرەو ژێرە کەتۆ وەک ڕۆژ هەڵاتی

کە خضر ئەو خاک و خۆڵی بەردەرەی دی
وتی ، تۆ خاکی ، یا ئاوی حەیاتی

ڕۆخیشی کردە ئەولا ، دەشیپرسی
بە شۆخی ، شاهی من ، تۆ بۆچی ماتی

کە دا‌غی سینەمی دی ، دەردی دامێ
وتی مۆرت هەیە ، صاحێب بەراتی

کە شیرین و تەڕی دی شیعرەکانم
وتی مەحوی کە میراوی فوراتی.

مەحوی

nisha2552

کاربر

ارسالها: 3525

#472 Posted: 25 Jan 2014 12:33

ئەرێ دڵ بێ شەرابی لەعلی گوڵ رەنگت لەگوڵ چ بکا؟!
کەجلیوەی گوڵ لەگوڵشەندا نەبێ ،بولبول لەچڵ چ بکا؟!

کەهەڵگیرسا نووری بادەشەمعی حوسنی جانانە
نەچیتە سەر تەریقەتی حەزرەتی پەروانە ،دڵ چ بکا؟!

بەئاهم گەر رەقییبانت بسووتێن ئەی گوڵی رەعنا
مەرەنجە ، تۆ خودا شوعلە لە ئاقاری چقڵ چ بکا؟!

هەتا ماوە دەبێ ئەشکی نەدامەت داوەرێنێ چاو
عەرەق ڕیتن نەبێ ،شەخسی لەکاری خۆ خجڵ چ بکا؟!

سەفەر جائیزنیە، با بۆ حەرەم بێ لەو بەروبوومە
فەقەت مەجزووبی زنجیری نەسیبی ئاو و گڵ ج بکا؟!

فەڵەک هەرگا کەسێکی هەڵبڕی ،وەقتی هیلاکەتیە
کەسەر بۆ گەیینەپەت بێ ،پێ لەکورسی و ئەسکەمل چ بکا؟!

لە عوششاق و ئەو شۆخە چاوی لوتفی وەرگێرا!
کە ئاسک ئادەمی یا سەگ ببینێ، غەیری سڵ چ بکا؟!

چ حاجەت نەرگسی مەستت بکەم وەسفی بە مەخمووری
کەچاوێ سورمە کێشراوی خودایی بێ ، لەکل چ بکا؟!

لەهەر جێیەک هەڵێ خورشیدی عیشقی گول ڕوخان "مەحوی:
ئەگەر عەقڵی ببێ ، لەو جێگە ئاونگی عەقڵ چ بکا؟!

nisha2552

کاربر

ارسالها: 3525

#473 Posted: 25 Jan 2014 12:34

ته‌مــــه‌ن ئه‌روا دڵـــــی مردوو ئه‌له‌رزێنـــــێ
ته‌مـــــه‌ن ئـــــــه‌روا ئازاری زام ئه‌بزوێنـــــێ
ته‌مه‌ن ئه‌روا رووناکی چاو ئه‌ســـرێـــــــته‌وه‌
هه‌موو رۆژێ ده‌رگای خه‌مـــێ ئه‌کرێتــــه‌وه‌

ته‌مه‌ن ئه‌روا گـــوڵ و خونچه‌ ئــــه‌ژاکێنــــێ
ته‌مـــه‌ن ئه‌روا گه‌ڵای عومـــرم ئه‌وه‌رێنــــێ
ته‌مه‌ن ئه‌روا هێز له‌ ئه‌ژنۆم ئه‌بــــــــــرێته‌وه‌
به‌ره‌و مه‌نـــزڵ کاروان نزیــــک ئه‌بێتــــــــه‌وه‌

چه‌رخی چه‌پـــگێر ره‌قیبــم بوو له‌ دونیـــادا
وه‌ک شه‌نکه‌رێ خه‌رمانه‌ی عومری به‌ بادا
رێگوی نه‌دا ده‌رگـــای شادیــم بو بکاتـــه‌وه‌
به‌ختی خه‌وتووم له‌ خه‌و خه‌به‌ر بکاتـــــه‌وه‌

له‌ده‌ستم چوو ته‌مــه‌ن هه‌روا به‌ خۆرایـــی
لێــــم نه‌بینــــی ته‌مــــه‌ن رۆژێ دڵنیــــایی
هه‌موو عومرم خه‌م و خه‌یاڵ و گریان بـــــوو
ئه‌وه‌ی که‌ دیم دۆزه‌خ و کونجی زیندان بــوو

nisha2552

کاربر

ارسالها: 3525

#474 Posted: 25 Jan 2014 12:37

ئه‌م شه‌و بيرى كه‌سێك ئه‌كه‌م
له‌ خۆم زيــاتر خۆشـــم ئــه‌وێ
به‌ دايــم له‌ خــه‌يـــــاڵــمايـــــه‌
لـــه‌ بيرم ناچێ هيچ شـــه‌وێ
ئه‌م شه‌و بيرى كه‌سێك ئه‌كه‌م
دڵ و ڕۆح و گـــيـــانـــى مـــنــه‌
كـــه‌ى ڕۆژێـــك بێت بيبينمه‌وه‌
ئه‌م شه‌و بيرى كه‌سێك ئه‌كه‌م
كـــه‌س نـــاتوانێ وه‌سفى بكا
وه‌ك حــۆريــيــه‌ وه‌ك پـــه‌ريــيــه‌
دڵــم بـــه‌س داواى ئـــه‌و ئــه‌كا
ئـــــازيزه‌كـــــه‌م ئــــه‌يڵێمـــــه‌وه‌
لـــه‌ دنيا مـــن به‌س تـۆم ئه‌وێ
بڕوا بكه‌ ســــــوێند بێ بــه‌ خوا
له‌ خۆم زيــاتر تۆم خۆشـدةوى

nisha2552

کاربر

ارسالها: 3525

#475 Posted: 7 Feb 2014 10:30

دڵ وه‌کو بولبول له‌هیجری نه‌و گوڵێ ئه‌فغان ئه‌کا
ناری جه‌رگ و سۆزی سینه‌م عاله‌مێ بوریان ئه‌کا

وادیاره‌ له‌م وڵاتی کۆهساره‌ عاجزه‌
مه‌یلی خاکی گه‌رمه‌ سێرو هه‌م قه‌ڵای شیروانه‌کا

ئه‌م وڵاته‌ بێ سه‌فایه‌ ،سارده‌ بۆ عوششاقی رووت
ئیشتیاقی به‌ر هه‌تاوی روومه‌تی خووبان ئه‌کا

بارش و بارانی هه‌وری چاوه‌کانم جاری یه‌
زڵمه‌ یاخوود تانجه‌رۆیه‌ تێکه‌ڵی سیروان ئه‌کا

هه‌رکه‌سی ئه‌مرۆ له‌ رێگای ئه‌و نیگاره‌ ڕێی ببێ
بۆسبه‌ینێ گه‌ث به‌ موڵک و ته‌ختی شاو سوڵتان ئه‌کا

ئافه‌رین بۆ له‌شکری موژگان و زولفه‌ینی سیات
وابه‌ یه‌ک ده‌م موڵکی جان و دڵ هه‌موو وێران ئه‌کا

به‌رقی ئاه و سه‌یلی دیده‌ی من له‌ هیجری دولبه‌رم
هه‌ر ده‌ڵێی هه‌وری به‌هاره‌ نه‌ڵه‌وو تۆفان ئه‌کا

مه‌حمه‌لی له‌یلا ده‌خیلم تۆ به‌ توندی وامه‌ڕۆ
عاشقی مه‌جنوون سیفه‌ت له‌م ده‌شته‌ دا گریان ئه‌کا

وابه‌یادی تیغی ئه‌برۆی دولبه‌ری بێ ره‌حمی خۆی
(ئه‌حمه‌د)ی عاشق خه‌ریکه‌ رۆحی خۆی قوربان ئه‌کا

احمد موختار جاف

nisha2552

کاربر

ارسالها: 3525

#476 Posted: 7 Feb 2014 10:31

ئه‌و پیاڵه‌ مه‌یه‌ی ساقی بۆت هێنام
كاتێ خواردمه‌وه‌ ئاگری تێبه‌ردام

ئێستایش هه‌رسه‌رم له‌وه‌ سوڕماوه‌
چۆن ئاو ئاگری له‌من به‌رداوه‌

ساقی فیداتم ده‌روون سوتاوم
بۆ مه‌زه‌ ماچێ نه‌ده‌ی فه‌وتاوم

زوو ده‌مت بێنه‌ تێر تێر ماچیكه‌م
ئه‌وسا بۆم تێكه‌ ده‌م ده‌م و كه‌م كه‌م

ساقی تۆ كه‌وا شۆخ و شیرینی
كه‌ دێته‌ له‌نجه‌ ڕێگری دینی

جاڕێ به‌عیشوه‌ حارێ به‌ باده‌
حه‌سره‌تی دڵم هه‌موو به‌ باده‌

به‌ختیار زێوه‌ر

nisha2552

کاربر

ارسالها: 3525

#477 Posted: 7 Feb 2014 10:31

هەموو ساتێ یادی تۆ زامێ ئەکا میوانم
ئاگری دووریت وەک پشکۆ ئەسووتێنێ گشت گیانم
بەرگەی دووریت ناگرم زامی غوربەتیت سەختە
تۆ چۆن بارگەت لەکۆڵنا و کۆچت کرد بەم ناوەختە؟

زامی دووری و دابڕان هیوای ژینم وێڵ ناکا
کە دیدەی ئەشکڕێژم بۆ هەنگاوێ بڕ ناکا
وەک وەلی دەشت و کۆسار بۆتە شوێنی ئارامگام
کە هەناسەی مەرگ و ژین بەبێ تۆ بەبا ناکا

دە بگەڕێوە وەک بەهار با پایزم تێپەڕێ
گوڵی هیوام دووبارە پەڕەی زەردی هەڵوەرێ
بە جوانی دیداری تۆ تاکو بسرەوێ ژینم
گەر وانەبێ سەد حەکیم سارێژ ناکا برینم

nisha2552

کاربر

ارسالها: 3525

#478 Posted: 7 Feb 2014 10:32

ئه‌گه‌ر مردم

ئه‌گه‌ر مردم وه‌ته‌ن لاوانی تۆ خۆش
ئه‌گه‌ر هیتله‌ر ناما، گاوانی تۆ خۆش

موخه‌یه‌ر بم له‌به‌یــنی تۆ و به‌هه‌شــتا
له‌ جه‌نه‌ت دوور ئه‌بم سه‌یرانی تۆ خۆش

قانع

nisha2552

کاربر

ارسالها: 3525

#479 Posted: 7 Feb 2014 10:32

تۆ ...

سەیری هەتاو بكە
چەند جوان دەدرەوشێتەوە
چەند مەیلی گەرمیەتی
نە كاڵ دەبێتەوە نە پیر
وەك ئەوكاتانەی من كە لەگەڵ تۆدام..

سەیری سێو بكە
چەند زوو پێدەگات
چەند زوو پیردەبێت
چەند زوو هەڵدەوەرێت
وەك ئەوكاتانەی من كە بەبێ‌ تۆم..

" نەبەز گۆران "

nisha2552

کاربر

ارسالها: 3525

#480 Posted: 7 Feb 2014 10:33

ئێواره‌یه‌کیان پێی وتم ...
ئه‌و کاته‌ی لێم تووره‌ ئه‌بی ...
هیچ ناترسم له‌بیر خۆتم ببه‌یته‌وه‌

به‌ر له‌وه‌ی که‌ خۆر ئاوا بێ ...
... ... ... دێیت و ئاشتم ئه‌که‌یته‌وه‌

به‌ڵام خۆی جارێك تووره‌ بوو ...
ڕۆیی و ئیتر نه‌هاته‌وه‌

ته‌مه‌ن له‌ ئاوابوونایه‌ و ...
نایه‌ت ئاشتم بکاته‌وه

صفحه 48 از 103: « پیشین 1 ... 47 48 49 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا