صفحه 60 از 103: « پیشین 1 ... 59 60 61 ... 102 103 پسین »

اشعار کردی و لکی

nisha2552

کاربر

ارسالها: 3525

#591 Posted: 1 Apr 2014 18:43

تابەكەی قوربان بناڵم من بە ئێش و دەردەوە
دەس بە ئەژنۆ، قوڕ بەسەر، دایم بە ئاهی سەردەوە
ڕۆژی ئەوەڵ بوو كەزانیم من ئەبێ دێوانەبم
عاشقی تۆ نەوعی مەجنون وا بەكێو و هەردەوە
مەرحەمەت كە زوو بڕۆ قاسد بڵێ دەردی دڵم
نازی پاپوچت ئەكێشم من بە تۆز و گەردەوە
هەروەكو قەوس و قەزەح با دەس لە گەردن دانیشین
تۆ بە سوخمەی ئاڵ و سەوز و من بەڕەنگی زەردەوە

تاهیر به‌گی جاف

nisha2552

کاربر

ارسالها: 3525

#592 Posted: 1 Apr 2014 18:44

جاده‌ چۆڵ و سێبه‌ر بوو، کات به‌یانی
ئه‌ڕۆیشتم خه‌یاڵاوی ئه‌مڕوانی
بۆ سه‌وزایی ده‌ور و پشتم،بۆ ئاسمان
بۆ شاخی به‌رز،خانووی تازه‌ دنیای جوان
ئه‌ڕۆیشتم به‌ ئه‌سپایی کش و مات
لاشه‌ سست و دڵ که‌یلی تاسه‌ و ئاوات
له‌ پڕ، نازانم چۆن سه‌رم هه‌ڵبڕی
به‌رامبه‌رم به‌ژنێک ده‌رکه‌وت،وه‌ک په‌ری
له‌گه‌ڵ ئه‌وه‌ی له‌ عه‌باوه‌ ئاڵا بوو
له‌ دیمه‌نی، شیرینی ئاشکرا بوو

ئه‌ڕۆیم و دزه‌ی نیگام جار جارێک
له‌ ژێر عه‌بای ڕه‌شا ئه‌یدی نازدارێک
به‌ ڕه‌وتی که‌و، له‌نجه‌ی تاوس و قومری
گورج گورج،جوان جوان، ئه‌هات و جاده‌ی ئه‌بڕی
مابوی بگاته‌ ئاستم جه‌ند هه‌نگاوێ
درزێ که‌وته‌ په‌چه‌ و دیم نیگای چاوێ

ده‌ست و په‌نجه‌ و مه‌چه‌کێک و نیگایه‌ک
چی بنوسم خوایه‌ هێزی ئینشایه‌ک
قۆڵ و مه‌چه‌ک ساف و سپی وه‌ک شوشه‌
سه‌رپه‌نجه‌كان یاقووتێك بوون به‌ ورشه‌
بێینه‌ سه‌ر چاو : چاوێك ، بڵێم چ چاوێك ؟
كانیی سیحر ، ده‌ریای عیشوه‌ ، گێژداوێك
،كه‌وا كه‌وته‌ به‌ر شه‌پۆلی هه‌ستی من
،له‌و ڕۆژه‌وه‌ هه‌ر نوقم ئه‌بێ به‌ره‌و بن !!!

"گۆران"

nisha2552

کاربر

ارسالها: 3525

#593 Posted: 1 Apr 2014 18:44

ئه‌ی جه‌ننه‌تی عه‌یشی ئه‌به‌دم ڕێ گوزه‌ری تۆ
نووری نه‌زه‌رم، تاجی سه‌رم خاکی ده‌ری تۆ

به‌و قامه‌ته‌ خاڵ و خه‌تی ڕووی رۆ که‌ ده‌بینم
هه‌ر گوڵشه‌نی فیرده‌وسه‌ به‌ نه‌خلی شه‌جه‌ری تۆ

سه‌روی سه‌هی، قوربان! ئه‌ه‌گر ئازاده‌ ئه‌دی بۆچ
بادام و گوڵ و سونبول و نه‌سرینه‌ به‌ری تۆ؟

ده‌دره‌وشێ له‌ نێو زولفی ڕه‌شت ئاره‌قی گه‌رده‌ن
خۆ هه‌ر شه‌وه‌ په‌یدا بوو ستاره‌ی سه‌حه‌ری تۆ؟

نازانم ئه‌تۆ بۆچی به‌ له‌ب و قامه‌تی شیرین؟
غونچه‌ی شه‌جه‌ری، یا نه‌ گوڵی نه‌یشه‌که‌ری تۆ ؟

ئه‌و چاوه‌ که‌وا مه‌سته‌ به‌ حوسنی ڕوخی زیبا
داخۆ چ بکا فیتنه‌ی ده‌وری قه‌مه‌ری تۆ؟

توخودا ده‌مه‌که‌ت ده‌رخه‌ له‌ نێو توڕڕه‌ بزانم
تامی چییه‌ ئه‌و حوققه‌یی شیر و شه‌که‌ری تۆ

خۆ سه‌یدی حه‌ڕه‌م قه‌تڵی حه‌رامه‌!!! ئه‌دی زولفت
کافر که‌ نه‌بوو بۆچی منی کوشت له‌ ده‌ری تۆ؟

ئه‌و ڕۆژه‌ به‌ زونناره‌وه‌ من چوومه‌ خه‌رابات
زولفت منی کێشا به‌ ئیشاره‌ی نه‌زه‌ری تۆ

بۆ من که‌ نه‌بێ وه‌عده‌یی دیداری جه‌ماڵت
چ بکه‌م له‌ به‌هه‌شت و نه‌زه‌ری حوور و په‌ری تۆ؟

قه‌ت گوڵ به‌ ڕوخی تۆ نه‌بووه‌، سه‌رو به‌ باڵات
سه‌روێکه‌ ڕه‌وان به‌خشه‌ گوڵی سیمبه‌ری تۆ

بۆ قیبله‌یی لای ڕووته‌ هه‌موو سه‌عیی "وه‌فایی"
عومره‌م به‌ خودا عه‌ینی سه‌فا وا له‌ ده‌ری تۆ

وه‌فایی

nisha2552

کاربر

ارسالها: 3525

#594 Posted: 2 Apr 2014 09:21

تۆ کە یارم بی ئیتر غیلمان و حوورم بۆ چییە
ڕوو ئەگەر دەرخەی تەجەللای کێوی توورم بۆ چییە

ناڵەیی سینەم وەکو نەی، سەر وەکوو سەمتوورە بۆت
من بە غەم شادم ئیتر کەیف و سروورم بۆ چییە

گەر خوا بیکا موتاڵای موسحەفی ڕووی تۆ بکەم
دولبەرا ئینجیل و تەورات و زەبوورم بۆ چییە

( ئەحمەد موختار بەگی جاف )

nisha2552

کاربر

ارسالها: 3525

#595 Posted: 2 Apr 2014 09:22

کراس‌که‌تانی که‌واسه‌وزی به‌ژنوباڵا به‌رز،
به‌ شان و گۆزه‌وه‌ چه‌ن جوانی ئه‌ی په‌ری سه‌ر ئه‌رز!

له‌ دووره‌وه‌ چ نمایانه‌ پێچ و سه‌رپۆشت!
چ زوو ئه‌گاته‌ ده‌ماخم شه‌پۆلی بۆی خۆشت!

شه‌ماڵی ڕێگه‌ی کانی ئه‌خاته‌ باڵاکه‌ت،
له‌رانه‌وه‌ی له‌شی زیوینی شۆڕه‌بیی که‌ڵه‌گه‌ت!

ئه‌ڕۆی به‌ عیشوه‌، به‌ له‌نجه‌، به‌ وه‌زنی گۆرانی
ئه‌ڕۆی... زڕه‌ی که‌مه‌ره‌ت دێ هه‌تاکو به‌ر کانی

ئه‌گه‌یته‌ کۆمه‌ڵی پیاوانی به‌رده‌می مزگه‌وت،
سڵێک ئه‌که‌ی وه‌کو ئاسک له‌ سێبه‌ری ئه‌شکه‌وت!

له‌ ڕێگه‌تا هه‌یه‌ پۆل پۆل له‌ لاوی دێ کۆمه‌ڵ،
که‌ هه‌ر یه‌که‌ گوڵی هێناوه‌ چه‌شنێ، پڕ باخه‌ڵ!

هه‌موو به‌ عه‌زره‌ته‌وه‌ن گوڵ فڕێ ده‌نه‌ به‌ر پێت،
خوایه‌ ئاخۆ گوڵی کێ به‌ دڵته‌وه‌ ئه‌لکێت؟..

"گۆران"

nisha2552

کاربر

ارسالها: 3525

#596 Posted: 2 Apr 2014 09:22

چاوه‌که‌ت مه‌سته‌ به‌ ناحه‌ق فێری مه‌یخانه‌ی مه‌که‌
لێ گه‌رێ مه‌خموری به‌زمی دوردی په‌یمانه‌ی مه‌که‌

زوڵفی سازاوت ده‌سا ته‌رتیب و چینی تێک مه‌ده‌
حه‌یفه‌ توشی جه‌وری ریشو کێشی له‌رزانه‌ی مه‌که‌

په‌رچه‌مت جێ ئاشیانه‌ی بولبولی ته‌بعی منه‌
چونکه‌ کێشکچی شه‌وه‌ ،تۆ مه‌نعی هێلانه‌ی مه‌که

گه‌رده‌نم پێ خۆشه‌ حه‌ڵقه‌ی تای ته‌نافی زولفه‌که‌ت
چاوه‌که‌م ئیتر حه‌واڵه‌ی ته‌وق و زۆڵانه‌ی مه‌که‌

مامۆستا ئه‌دیب

nisha2552

کاربر

ارسالها: 3525

#597 Posted: 2 Apr 2014 09:23

به‌جێ نایێ، ده‌بێ روو که‌ینه‌ سارا
حه‌قی ئادابی مه‌جنوونی له‌ شارا

که‌ چه‌رخ ئه‌سکه‌نده‌ری دی ده‌رده‌داره‌
وتێ: ئه‌م هه‌م بووه‌ هه‌م ده‌ردی دارا

هه‌تا حه‌ق ناسیره‌، هه‌ر حه‌قمه‌ مه‌نزوور
وه‌کوو مه‌نسوور ئه‌گه‌ر بمکه‌ن به‌ دارا

نه‌گه‌یمه‌ ئه‌و جوانه‌ و گه‌یمه‌ پیری
مه‌ده‌د یا پیری پیرانی بوخارا

له‌به‌ر زار و نه‌زاری بوومه‌ وه‌ک پووش
ده‌ ئه‌مجا رابوێره‌ من به‌ زارا

مه‌گه‌ر تۆ عه‌رزی خاڵم که‌ی له‌ کن یار
قه‌ڵه‌م، ساغی قسه‌: من نیمه‌ یارا

له‌ڕم دی زاهید ئه‌م زستانه‌، زانیم
کلک نادا به‌ زڕپنگی به‌هارا

وه‌ره‌ ده‌ستێ به‌ خوونم که‌ نیگارین
خوێنی من حه‌ڵاڵت بێ، نیگارا!

زوو ئه‌و شۆخه‌ له‌ عاشق وه‌رده‌چه‌رخێ
له‌گه‌ڵ که‌س، چه‌رخه‌ ئه‌و، ناکا مودارا

موژه‌ی خوێنێ ده‌کا هه‌ر له‌حزه‌، سه‌یره‌!
ئه‌مه‌نده‌ گوڵ له‌ بن یه‌ک نووکه‌ خارا

که‌شک به‌م [مه‌حویا] هه‌ر شه‌ربه‌تی مه‌رگ
له‌سه‌ر ئه‌رزا نیه‌ ئاوی گه‌وارا

nisha2552

کاربر

ارسالها: 3525

#598 Posted: 2 Apr 2014 09:24

مەمکوژە تۆ، گەردنی خۆت ڕوو لە زوڵفان دەرخەوە
ئەی سەبای ساڵحان، ئەتۆ بکەی، ئەمشەوە ڕۆژ بێتەوە
تاقەتم چوو، ئارەقی گەردنت بە زوڵفان ون مەکە
ئەی ستارەی سوبحدەم، ئەوشۆکە زووتر دەرکەوە
سووتبووم، خۆم دا پەنای زوڵفت، دەمێک ئاسودە بم
ڕووت نیشاندام، باز لە سایەی تۆوە ئاورم گرتەوە
زوڵفت ئەفشان کرد و پەنهان بووی و دونیات کرد تەم
خۆت وەدەرنا، عالەمت سوتاند و ئاورت کردەوە
نە بە هەویای پایە بۆست، عەمری من کۆتا نەبێ
مەیخە پشتگوێ مەرگی من، بێ، زوڵفەکانت بەردەوە
ئولفەتی زوڵفتت چییە قوربان، لەگەڵ ڕووخساری تۆ؟
خۆ بە هیچ دینێکی نابێ کوفر و ئیمان پێکەوە!
هاتە سەر خەندە: کە من، سوڵتانی حوسن و دولبەرم
غایەتی سوڕەت نمای ڕۆژی جەمالی من، شەوە
بای سەبا بەرقەع گوشابوو، یا ئەتۆ بووی خۆت نواند؟
یا نە ڕیزوان، دەرکی گوڵزاری بەهەشتی کردەوە؟
من لەبەر عەکسی نیگاهت کەوتووم، هۆشم نییە
چاوەکەی تۆ هەر نەخۆشە، یا نە سەرخۆشی خەوە؟
(خارق لعادات)ی زوڵف و خاڵ و خەندەی زاری تۆ
میشک و عەنبەر، شەهد و شەککەر، لەعل و گەوهەر پێکەوە

حه زره تى وەفایی

nisha2552

کاربر

ارسالها: 3525

#599 Posted: 2 Apr 2014 09:25

وه‌ک بولبول ئه‌و‌ دڵه‌ به‌ گوڵی روو که‌ روو ده‌کا
په‌روانه‌یه‌ زیاره‌تی شه‌مع ئاره‌زوو ده‌کا

من وه‌سڵی ئه‌و به‌رابه‌ری جه‌ننه‌ت ده‌گرم و ئه‌و...
دۆزه‌خ به‌ ئاهی سینه‌یی من روو به‌ روو ده‌کا

ریشێکی پان و تووکی بنا گوێ درێژ و لوول
سۆفیی له‌ دینی به‌ دیمه‌ن له‌ جوو ده‌کا

گه‌ر عاشقی له‌ خوونی جگه‌ر قوم ده‌، ده‌م مه‌ده‌
مه‌ی خواره‌، خام کاره‌ هه‌تا هاو و هوو ده‌کا

دنیا به‌ حیله‌ مه‌یلی به‌ ئه‌بنای ئه‌گه‌ر ببێ
ئه‌م [دایه‌ رێزبار] به‌ فرزه‌ندی شوو ده‌کا

ئه‌شکه‌وتی بایه‌که‌ ده‌می واعیز که‌ دێته‌ وه‌عز
وه‌قتی سکووتی نه‌قشی سمێڵی له‌ قوو ده‌کا

دا عه‌کسی جیلوه‌ ده‌رنه‌که‌وێ، نه‌ک له‌ چاکییه‌
ئه‌و شۆخه‌ چاکی سینه‌یی [مه‌حوی] رفوو ده‌کا

nisha2552

کاربر

ارسالها: 3525

#600 Posted: 2 Apr 2014 09:27

دڵفریبی دڵبه‌ری دڵدار، هه‌ی!
فیتنه‌گه‌ر، هه‌ی! ره‌ند هه‌ی! عه‌ییار هه‌ی!

بوویه‌ یاری غه‌یر و من بێگانه‌ مام
بێ وه‌فا، هه‌ی! هه‌ی جه‌فا کردار، هه‌ی!

خۆ موسوڵمانم، به‌م ناحه‌ق خوێنی من...
بۆ ده‌ڕێژی، کافری خوونخوار، هه‌ی!

چا نیه‌ ره‌فتاری وا به‌د به‌س بکه‌
ده‌رحه‌قی من، شۆخی به‌دڕه‌فتار، هه‌ی!

تۆ دڵت دێوانه‌ کردم، ئێسته‌که‌ش
نانوێنی روو، په‌ری توخسار هه‌ی!

قه‌ت له‌ تیری ئاهی مه‌زڵوومانی عیشق
تۆ نه‌ترسی، زاڵمی غه‌ددار هه‌ی!

غه‌یری به‌د نه‌یدی له‌ تۆ [مه‌حوی]، ئه‌تۆش
هه‌ر به‌دت رێ بێ، به‌دی به‌دکار هه‌ی!

صفحه 60 از 103: « پیشین 1 ... 59 60 61 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا