صفحه 67 از 103: « پیشین 1 ... 66 67 68 ... 102 103 پسین »

اشعار کردی و لکی

nisha2552

کاربر

ارسالها: 3525

#661 Posted: 2 Apr 2014 20:13

ئەلف بێ

لە ئەلف بێى خۆشەویستى هەتا دوا ووشەى کۆتایى
هەمووم کردوە بە هۆنراوە بۆت ئەسوتێن وەک وەفایى

عەشقت گڕ لە ژین بەرئەدا تیشکى چاویشت لەجەستەم
حەکیم و پزیشکى دڵمیت هەرتۆ ئەزانیت چەند خەستەم

چاو نەخۆشى نیگایەکتە هەتا ببێتە مەرهەم بۆى
لەم وەرزى خەزانى عیشقەم تەنها هیواو ئومێدم تۆى

باران و ماچ و گوڵ نەما نەیگێڕم لەدەورى باڵات
چوار وەرزى ساڵ تۆ بەهاربی منیش خۆم ئەکەم بەگەڵات

منم دێوانەى دیدارتم منم شاعیرترین شەیدات
شیعرەکانم سەما ئەکەن لەدەورى گوڵى سەرگۆنات

گفتى هاتنێکم پێ بە دەمێکە میوانخانەى دڵ چاوەڕێیە
هیچ کەس وەک من شەیدات نیە نهێنى جوانیتم پێیە

ئەگەر ویستت سەردانم بکەى پێم بڵێ بائاگاداربم
بۆپێشوازى هاتنەکەت باخۆم یەکەم خزمەتکاربم

nisha2552

کاربر

ارسالها: 3525

#662 Posted: 2 Apr 2014 20:14

بۆتۆ ژیان

هەموو کاتێک واهەستەکەم لەناو چاوما هەڵت ئەگرم
کە ئەگریەم دڵم نایەت فرمێسکەکانم گشت بسڕم

ئەڵێم نەوەک هیوایەکت لەگەڵ فرمێسکێکم بڕوات
یان ئەگەر دڵم خەمبار بێت جوانیەکەت لەکەدار بکات

هەموو شەوێک خۆشەویستیت بۆ شیعرەکانم باسئەکەم
لەجیاتى ناوت بنوسم وێنەى دڵمى لەسەر ئەدەم

دڵم ئێستا هێمایەکە و بۆ ناوى تۆ دانراوە
چاوەکانم بۆ تەنیایت وەکو دوو مۆم هەڵکراوە

نەک بە تەنها دڵ و چاوم ژیانمت بۆ ئەسوتێنم
شیعرەکانم لەبەر پێتا کۆپلە کۆپلە ئەگریەنم

تەمەنێک بۆتۆ ژیابم بەشیعر و ماچ ئەینەخشێنم
کام ووشە بۆنى نیگات بات بەسنگیەوەى ئەنوسێنم

ئارام هەڵەبجەیى

nisha2552

کاربر

ارسالها: 3525

#663 Posted: 2 Apr 2014 20:14

وەرزى لەنجە

لەگەڵ بارانى جوانیت ... دائەبارێت
جوانترین جوانى ئاسمان لە باوەش ئەکات و
جوانیەکەشت ....
بە پەنجەى پڕ سۆزى ژەنیار ...ئاواز ئەگرێت
بە خەندەى ڕوناکى خۆر و
جوانى بەهار ...لەنجەى جوانیت
لەدایک ئەبێت...........
سەماى وەرزى لەنجەت پیرۆزبێت

ئارام هەڵەبجەیى

nisha2552

کاربر

ارسالها: 3525

#664 Posted: 2 Apr 2014 20:14

خۆزگە

کام خۆر سەرچاوەى جوانیتە ....؟؟
کام مانگەشەو فێرى ئارایشتى کردیت ..؟؟
کام لێو شەیداى کردیت بە ماچ....؟؟
ئاشناى کامە ئەستێرە بوویت..؟؟
کام سەفەر کردیتیە هاوڕێم....؟؟
لەگەڵ کام وەرزدا گەورە بویت..؟؟
خۆزگەم بەوساتە وەختە بێت...
کە لەچاوما لەدایک بوویت ...

ئارام هەڵەبجەیى

nisha2552

کاربر

ارسالها: 3525

#665 Posted: 2 Apr 2014 20:14

جادوى نیگا

ڕێژنە ڕازى چاوەکانت فێرى جادوى نیگاى کردووم
بزە و خەندەت بەیەکجارى دڵى لەگەڵ خۆیدا بردووم

تۆ بۆ هەر جێگەیەک بڕۆیت هەستەکەم دڵم لەدواتە
خۆزگەکانم لەنجە و لەرەى سینە و کەمەر و باڵاتە

جوانیت فێرى عەشقى کردم بوم بە شەیداترین دڵدار
وەک شەونمى خۆشەویستى بە پرچتدا ئەتکێمە خوار

بریا کاتژمێرەکەشم وەک دڵم وێنەى تۆ بوایە ....
هەرخۆت فێرى شەونخونى خۆشەویستیت بکردایە

ئەوسا هەموو چرکەیەکى تۆى بەبیر ئەهێنامەوە
وەک شیعرێک ماچت کردبێت سەرلەنوێ ئەگەشامەوە

ئارام هەڵەبجەیى

nisha2552

کاربر

ارسالها: 3525

#666 Posted: 2 Apr 2014 20:15

من به‌ عه‌شقی تۆوه‌ ئه‌ژیم

من به‌ عه‌شقی تۆوه‌ ئەژیـم وا نەزانی کە بەد مەستم
وەك پەروانەی دەوری چرا گەر بشسوتێم چ دەربەستم
گەرناوی تۆ نەخەمە ناو شیعرو هۆنراوەو هەڵبەستم
دڵم ئەگری و دا ناسەکنێ بە جارێ لەژیان پەستم

***********
دڵ ئەوینی تۆی تیا نەبێ حەز ئەکەم کە بیوه‌ستێنم
چاوانم گەر تۆ نەبینێ وا چاکترە دەریان بێنم
وشەیەك باسی تۆ نەکا پێم خۆشە کە بیخنکێنم
خامەم گەر یادی تۆ نەکا شەرتبێ ئەبێ بیشکێنم
(پەڕە) ئه‌گه‌ر ڕێگه‌م نه‌دا وێنەی تۆی تیا بنەخشێنم
ئه‌بێ ونجڕ ونجڕی که‌م له‌ داخانا بیدڕێنم

*********
ژیان بێ هه‌ستو سۆزی دڵ ڕازاوه‌شبێ بێ به‌چی ئه‌چێ
سه‌د ساڵ بژیم بێ ئه‌شقی تۆ لاموایه‌ به‌ فیڕۆ ئه‌چێ
شه‌رحی جوانیت به‌من ناکرێ ئه‌رێ جوانیت له‌چی ئه‌چێ
نیگاکانم که‌باڵ ئه‌گرن بۆ مه‌نزڵگه‌ی جوانیت ئه‌چێ
ئه‌شقت وه‌کو‌ هه‌ناسه‌یه‌ له‌ سینه‌مدا دێتو ده‌چێ
ئه‌گه‌ر بڕواو نه‌یه‌ته‌وه‌ ئه‌مرم و ڕوحم ده‌ر ئه‌چێ

ڕه‌وه‌ند په‌شێو

nisha2552

کاربر

ارسالها: 3525

#667 Posted: 2 Apr 2014 20:15

وشە ی جوانت لەمن دەوێ... ؟

وشەی جوانت لە من دەوێ ؟ بۆ نازانی هەرچی هە مە ،هە ر هی تۆیە.؟

من چیم هەیە.؟ هە ر ڕۆح و دڵ ،ها ئەویش پێشکەشی تۆ یە!

بە ڕوح و دڵ ئاوێتەی تۆم ،لەوە زیاتر چیت لێمدەوێ

ئە وە ی لە ژیانا بە نرخە ،بێگومان بە . بۆ تۆم دەوێ

نێرگز قەرزداری جوانیتە، ماشەڵڵا چەند شۆخ و شەنگی

هیچ گوڵێک لە ناو گوڵاندا، ناگا بە تۆ .بۆ قەشەنگی

کام بۆن خۆشە لەم دنیایە، هەستی دەرون ئە بزوێنێ

لای من وەكو ئەفسانەیە،کوا بۆنی کەزیەی تۆ دێنێ؟

کام گەردنەی وەك بلورە ،کام باڵا وێنەی چنارە

هیچیان ناگەن بە باڵای تۆ ،لە ئاست جوانیت شەرمەزارە

کام تام هەیە لەم دنیایە،،،بێنمە ڕاددەی تامی لێوت

بەرامبەر کەم چی شیرینە ،لە گەڵ دو کوڵمی وەك سێوت

کام (چاو ) پڕ خومارو مەستە، ڕەشە سەوزە یاخود شینە

هیچیان ناگەنە دامێنت، لە سەر تاپای ئەم زەمینە

گەر حەز دەکەی بە هۆ نراوە ،هەمو گیانت بنەخشێنم

ڕێگەم بدە با وەک هەنگێک، خونچەی لێوت بپشکوێنم

وشەو دێڕی شیعرەکانم ،لە گەڵ جوانی تۆدا ،،کۆکن

ملە گۆن بۆ گەردنی تۆ ،وەکو گوارەو گۆ بەرۆکن

کام ئاواز دڵ دێنێتە جۆش ،کام دەنگی بولبول پڕ سازە

هیچیان ناگەن بە دەنگی تۆ دەسا بڕوابکە...(......)

تۆ فریشتەی ئە و ئاسمانەی ،گوڵزارێکی پڕ شەونمی

چرکەیەك لە یادم ناچی ،هەمیشە وا لە خەونمی

............ ڕه‌وه‌ند په‌شــــــێو............

nisha2552

کاربر

ارسالها: 3525

#668 Posted: 2 Apr 2014 20:16

له‌ جیات نوقڵ ده‌مت بێنه

له‌ جێی شادی و به‌زم و سه‌فا
جه‌ژنم پڕ ناڵه‌و فیغانه‌
به‌ده‌ر له‌ خه‌م و ئه‌ندێشه‌
چی شك ده‌به‌م له‌م ژیانه‌
..................................
من هه‌ر چوار وه‌رزی ساڵانم
بێ نێرگزو بێ به‌هاره‌
ئه‌و خوایه‌ بۆ خۆی ده‌زانێ
دڵم بۆ تۆ گرفتاره‌

دڵم بۆ تۆ گرفتاره‌.
...........................
بێوه‌فایی و بێ مه‌یلی تۆ
سه‌رتاپای ڕوحی ته‌نیوم
وه‌كو مردوی بێ هه‌ست و خوست
کفنی به‌ باڵا بڕیوم.
..............................
ژوانگه‌ی دڵم. چۆڵ و هۆڵه‌
لێی نایه‌.. ئاوازێ. سازێ
بزه‌ی شادی به‌دی ناکه‌ی
له‌جه‌ورو جه‌فا بترازێ.
.................................
بومه‌ مریدی ئه‌شقی تۆ
مردم له‌ گۆشه‌ی ماته‌ما
هێنده‌ واوه‌یلام بۆ کردوی
ئه‌سرین له‌ چاوانما نه‌ما
....................................
ده‌سا چیتر گوڵی هیوام په‌ڕ په‌ڕ مه‌که‌
دڵم پڕ خۆزگه‌و بریایه‌
تامه‌زرۆی دیدارێکی تۆم
جار جار بۆمبکه ی نیگایه‌
........................................
چیتر به‌ بوغزو به‌ کینه‌
مۆمی هیوام مه‌سوتێنه‌
ئه‌گه‌ر جه‌ژنانه‌م ئه‌ده‌یتێ
له‌ جیات نوقڵ ده‌مت بێنه‌
..................................

ڕه‌وه‌ند په‌شێو

nisha2552

کاربر

ارسالها: 3525

#669 Posted: 2 Apr 2014 20:16

دابڕان

نه‌ما تاڵێك ڕه‌شی سه‌رم
بوو به‌ به‌فر قه‌ندیل ئاسا
ده‌ریای فرمێسك له‌لای من بوو
بزه‌و خه‌نده‌م لێ هه‌ڵ گیرا
مۆمی چاوه‌ڕوانیم سووتا
هیچ خۆڵه‌مێشێکی نه‌بوو
ده‌ست و قاچم هێزیان نه‌ما
خاوه‌ن جه‌سته‌یه‌کی ماندوو
ده‌ستم دایه‌ گۆچانه‌وه‌و
له‌ سه‌ر زه‌وی خۆم ڕاناگرم
وه‌ستان له‌سه‌رقاچی له‌رزۆك
به‌ دو ده‌ستم گۆچان ئه‌گرم
گۆچانم له‌ زه‌وی بڕی
خه‌ریك بو بده‌م له‌شه‌قه‌ی باڵ
به‌ خۆم زانی کاتێ که‌وتم
به‌ زه‌ویم دا وه‌كو منداڵ
گوێم لێ بوده‌نگێك هاواری کرد
ئاخ دایه‌ گیان کاتێك که‌وتم
یه‌کسه‌رکه‌ خه‌ریك بوهه‌ستمه‌وه‌
له‌ جێ ی گۆچان ده‌ستی گرتم
پێ ی وتم ها بگره‌ ده‌ستم
له‌جێ ی ده‌ست وقاچ وگۆچان
که‌وتمه‌ سه‌ر پێ به‌ تواناو گوڕ
هه‌ر وه‌کو دایکه‌که‌ی جاران
که‌ پێ ی وتم ئه‌ی دایه‌ گیان
سه‌ری خسته‌ ناو له‌پی ده‌ستم
وه‌کو جاران گه‌رایه‌وه‌
هێزو گوڕو تواناو هه‌ستم
به‌ سینگمه‌وه‌ توند گوشیم و
به‌ کوڵ ماچی ڕومه‌تیم کرد
تا ئازاری ئه‌و ساڵانه‌
له‌ یاد بکه‌م که‌ لێمیان برد

کاکە نەوە

nisha2552

کاربر

ارسالها: 3525

#670 Posted: 2 Apr 2014 20:17

بێوه‌فایی

بۆ من پایز بوویت له‌ هه‌مووکاتدا
‌‌ئێستا به‌هاریت منت فرێدا
مانای ژیان و خۆشیت نه‌زانی
باخچه‌ی هیوامت به‌جارێ تێکدا
***
تۆ زۆر دڵ ڕه‌قی ئێستا له ژیان‌
ڕاست نارۆی له ‌ئاست گوناهو تاوان
تۆ بۆ ناته‌وێ ڕاستیه‌کان بڵێیت
من ده‌رکه‌ی له‌ ناو ئاهی دڵ سوتان
***
‌ گوڵی ئاواتم لای تۆ شکاوه
گۆزه‌ی به‌تاڵم به‌بێ گوڵ ماوه‌
گوڵێ که‌ قرتا که‌وته‌ سه‌ر زه‌وی
ناوی گوڵێتی له‌ ده‌ست خۆی داوه‌
***
گه‌ر نه‌غمه‌ی بولبول له‌ باخ نه‌مێنێ
له‌ فه‌سلی به‌هاربۆی نه‌چریکێنێ
ئیتر نه‌ به‌هار گوڵی پێویسته
نه‌ ده‌نگی بولبول بۆ گوڵ ده‌خوێنێ
***
ئه‌و کاته‌ بولبول له‌گه‌ڵ به‌ هاردا
پێکه‌وه‌ ده‌بن له‌ خه‌می ساڵدا
چاوه‌ڕێ ده‌که‌ن ساماڵێکی نوێ
ڕوناك کاته‌وه‌ له‌ شه‌وی تاردا

کاکە نەوە

صفحه 67 از 103: « پیشین 1 ... 66 67 68 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا