صفحه 86 از 103: « پیشین 1 ... 85 86 87 ... 102 103 پسین »

اشعار کردی و لکی

nisha2552

کاربر

ارسالها: 3525

#851 Posted: 3 Apr 2014 17:13

بێ ئومێدم

له‌خه‌می و ده‌ردی دوری یارم له‌ته‌نهایی و ئازاری نا‌ڵه‌ی دڵ
له‌هه‌ڵفڕینی باڵدار و مه‌لی ئه‌شق له‌لام له‌م چڵ بۆ ئه‌و چڵ
له‌وشک بوونی باغێکی خۆشه‌ویستی و له‌هه‌ڵوه‌رینی گوڵ
دایمه‌ ئه‌که‌ومه‌ خه‌یاڵ خه‌یه‌ڵی به‌خوری شه‌وا خه‌یاڵی قوڵ

بێ ئومێدی به‌رۆکی گرتوم دوری یار چاو لێل ئه‌کا جگه‌ر کون
پیشه‌ی قه‌ده‌ری من غه‌مدانی منه‌ ئاینده‌شم لێمه‌وه‌ ناروون
ده‌ردی زه‌مانه‌ پشتی شکاندم حه‌زی چه‌نساڵه‌م له‌گۆر چون
هیچکام له‌ ئاواته‌کانم نه‌هاته‌دی و ئومێده‌کانم بونه‌ به‌نه‌بون

ئیتر چخۆشیه‌کم ماوه‌ له‌ژیاندا تابژیم ئێستا چاوه‌رێی مه‌رگم
که‌ حوزنم بوو به‌ماڵ تیای ژیام و بوو به‌ به‌رگێ کردمه‌ به‌رگم
بوو به‌خامه‌ نوسی دوا رۆژی ژینما بوو به‌تیر کونیکرد جه‌رگم
گۆری تار و ترس چاتره‌ له‌ژینێ که‌له‌ناو چه‌قه‌ خه‌م و جه‌رگم

حاڵی

nisha2552

کاربر

ارسالها: 3525

#852 Posted: 3 Apr 2014 17:15

چوار ساڵە چاوەڕوانتم

بیستم ئاهه‌نگی ده‌رچونته‌ ئه‌مساڵ زانکۆ ته‌واو ئه‌که‌ی
نه‌م ئه‌ویست خه‌ڵکی پێم بڵێن حه‌زم کرد خۆت بانگم بکه‌ی

به‌ ڕاست گوڵم یه‌عنی ئه‌مساڵ کۆتایی دێت به‌ خوێندنت ؟؟
واته‌ ئێستاکه‌ چوار ساڵه‌ گشت ڕۆژێ دێم بۆ دیتنت

له‌ بیرت دێ قۆناغی یه‌ک جوابم بۆ ناردی به‌ که‌سێ
وتت ئه‌بێت لێم ببوری دڵ ناده‌م به‌ هه‌موو که‌سێ

تا ئێستاکه‌ش چاوه‌ڕێی تۆم خۆشم ئه‌وێی زیاد له‌و کاته‌
بڕوا بێنه‌ به‌ عه‌شقی من خۆشه‌ویستیم بۆ تۆ پاکه

nisha2552

کاربر

ارسالها: 3525

#853 Posted: 3 Apr 2014 17:16

له‌ زمانی هه‌ژارێكه‌وه‌

منم كوڕی هه‌ژار؛
باوكم هه‌میشه‌ له‌
ده‌ستبردن بۆ گیرفانی
بێزاره‌،
دایكم له‌ نه‌خۆشیا
ئه‌ناڵێنێ له‌ تاو
ئازاره‌،
ئه‌وه‌ منم ڕۆژ تا ئێواره‌
بۆ په‌یداكردنی دینارێك
بۆ دایكه‌ نه‌خۆشه‌كه‌م
ئه‌چم به‌ داره‌،
نه‌فام و نه‌زانیش زۆرن
بێ ئاگا له‌ حاڵی من
ئه‌ڵێن بێ سه‌رپه‌رشته‌
ئه‌و مناڵه‌،
ئاخر ئه‌وان چووزانن
هه‌موو جوانی ماڵه‌كه‌مان
خه‌یاڵه‌،
هه‌موو خانووه‌كه‌شمان
دوو هۆده‌ و یه‌ك هه‌یوانه‌.
ئه‌و شه‌وه‌ی من
به‌ ڕێی ئه‌كه‌م
شه‌وێكی تاریكه‌
له‌ ژوورێكی به‌تاڵه‌،
ئه‌و شه‌وه‌ی سیاسییه‌كی
گه‌مژه‌ش له‌ كۆشكێكا
به‌ڕێی ئه‌كا
شه‌وێكی سور و خواردنه‌وه‌ی
باده‌ و شه‌رابه‌ له‌ پیاڵه‌ !

هێمن محەمەد

nisha2552

کاربر

ارسالها: 3525

#854 Posted: 3 Apr 2014 17:17

شه‌وێک به‌ده‌م خه‌یاڵه‌وه‌

به‌ئارامی له‌کاتی سکوت به‌ره‌و مه‌نزڵی یار رێگه‌ ئه‌گرم
تاره‌ چۆڵه‌ شه‌و دره‌نگه‌ کاتی خه‌وه‌ نابێنم که‌س له‌ده‌ورم

یار خه‌وتوه‌ و بێخه‌م منی حه‌زینیش وا له‌ده‌شتم له‌ ده‌رم
به‌ره‌و ماڵی ئێوه‌ دێم جاده‌ ئه‌پێوم به‌ پێ و رێگه‌م ئه‌برم

که‌هاتم له‌وێ تێر تێر بۆ دارو به‌ردی ماڵه‌که‌تان ئه‌نوارم
هۆگیانه‌ که‌تۆ نه‌بینم سه‌بوریه‌ چاو به‌ شوێنه‌ی تۆ بنۆرم

تادڵ دائه‌مرکێ و خوێن له‌چاو ئه‌چۆرێ تا جگه‌رم ئه‌درم
من و خه‌یاڵ دوبه‌دو ئه‌که‌وینه‌ گفتوگۆ فرمێسک ئه‌سرم

تا سوبحا دایده‌گرێ سه‌رتاپایی ئه‌قڵم خه‌یاڵی به‌خورم
باڵ ئه‌گرم و له‌په‌نجه‌ره‌که‌تدا دێمه‌ ژور بۆلات هه‌ڵئه‌فرم

له‌پر ده‌نگیک دایبراندم له‌ خه‌یاڵ واهه‌ستم کرد ئه‌مرم
وتم ئه‌بێ هه‌بێ وه‌ک خۆم بێخه‌و له‌شه‌وو نوێنی شرم

رۆژ ده‌رهات شه‌و رۆی منیش به‌خه‌یالم له‌شوێنم سرم
دمێ به‌ده‌م یارا خۆشی ئه‌فرشم وده‌مێ خه‌م ئه‌کرم

ده‌مێ به‌ده‌م وته‌ وه‌ک شێت له‌به‌ر خۆمه‌وه‌ وته‌ ئه‌چرم
ده‌مێکیش به‌ده‌م عومرم وه‌ک گه‌ڵا له‌دوری یار ئه‌وه‌رم

سه‌ودای شادی به‌ خه‌م ئه‌که‌م له‌خۆشی بی خه‌به‌رم
لاوێکی دوره‌ یارو شاعیرێکی له‌ناخمدا خه‌م خوڵقێنه‌رم

له‌سینه‌مای خه‌یالی شه‌ودا هه‌ر خۆم تاکه‌ ده‌رهینه‌رم
له‌کێڵگه‌ی سینه‌شما شوانێکم شین و په‌ژاره‌ چێنه‌رم

حاڵی

nisha2552

کاربر

ارسالها: 3525

#855 Posted: 3 Apr 2014 17:17

من و خه‌زانی ئه‌شقت

ته‌مه‌نم وا به‌ره‌و هه‌ڵوه‌رینده‌روات چوار وه‌رزم خه‌زانه‌ لاشه‌م زه‌رد هه‌ڵگه‌راوه‌
که‌چی ڵای خه‌ڵکان ده‌مه‌و به‌هاره‌ وه‌رزی پایز و ساردی کوا لایان باوی ماوه‌
بۆسه‌یران و گه‌شت ئه‌رۆن و منی داماویش بۆ کێو و چۆله‌وانی هه‌نگاوم ناوه‌
که‌ دڵ خۆش نه‌بێت ئاسمانی ژینم ره‌شی دایپۆشێ ئه‌ی له‌ گژو گیا چیم داوه‌

مه‌مکه‌ن لۆمه‌ ره‌فیقان که‌ ره‌شبینم له‌ ژین که‌ له‌ جل و به‌رگاش ره‌ش ئه‌پۆشم
مه‌پرسن لێما و پرسه‌دار نیم مه‌گرن لێم ئه‌گه‌ر چیش مه‌ی و شه‌راب ئه‌نۆشم
خه‌ڵکان پێکرا به‌ده‌م قاقا دڵخۆشن منیش به‌ته‌نها له‌ جێژوانی یارا سه‌رخۆشم
به‌ده‌م کۆڵێ خه‌م و خایاله‌وه‌ دیسانه‌وه‌ یاری بێئاگا بردیه‌وه‌ هه‌ستم و هۆشم

چه‌رخی رۆژگار قه‌ده‌ری وا بۆ خولاندومه‌ که‌ بێ تۆ دور له‌ تۆ ژینم ببه‌م به‌ سه‌ر
ئاخیری ئه‌شقت نه‌مسوتێنێ په‌تی مه‌رگم بۆ هه‌ڵنه‌واسێ ئه‌مکات ده‌ر به‌ده‌ر
گرکانی ئه‌شقم هێنده‌ گه‌رمه‌ ئه‌توێیته‌وه‌ له‌ ئاستیا گه‌ر بێتوو خۆتی بده‌یته‌ به‌ر
ئه‌گه‌ر ساردی و سری ئه‌شقت به‌رامبه‌رم ساردبێت به‌وێنه‌ی ساردی ئه‌زمه‌ر

حاڵی

nisha2552

کاربر

ارسالها: 3525

#856 Posted: 3 Apr 2014 17:18

خه‌زانی عیشق

به‌سه‌ ئیتر بۆچی ئه‌‌گری به‌سه‌ر یادگاری ئه‌ویندا ؟
چاوه‌رێی گوڵی دڵ مه‌که‌ له‌ وه‌رزی گه‌ڵا وه‌ریندا

چه‌ند جار وتم ماڵی ئه‌وین له‌ خۆت مه‌که‌ به‌که‌لاوه‌
که‌چی ئێستا په‌شیمانی بۆ دیداری ئه‌م دوو چاوه‌
...
جارێکی تر مه‌یه‌ ژوانم گوێ له‌ گریانت ناگرم
ئێستا دره‌ختی خه‌نده‌م و گوڵی فرمێسک ناگرم

ئه‌و کاتانه‌ بۆت ئه‌گریام که‌ له ‌باوه‌شما ئه‌نوستی
یه‌که‌م هه‌نگاو که‌ جێت هێشتم له‌ دڵما مرد خۆشه‌ویستی

nisha2552

کاربر

ارسالها: 3525

#857 Posted: 3 Apr 2014 17:19

خه‌یلی خه‌مگین

زارم وشک شێوه‌م رزیو باخی عوومرم بیابان چاوم پڕ ئه‌شکه‌
جگه‌رم کونه‌ دڵ به‌تیری یار ئه‌ڕژێ لێی خون تاره‌ ئه‌م ئه‌شقه‌
دووره‌ بێ ده‌نگه‌ غه‌داره‌ به‌سه‌ که‌م به‌ بریارت ناخم ره‌شکه‌
به‌دوای رائه‌که‌م خۆی لائه‌دا رائه‌کا ئه‌مه‌ دڵداریه‌ یا مه‌شقه‌

به‌ ئاگا له‌نوێنی شری شه‌وی ده‌م خه‌یاڵا تا سووبح بێدارم
خه‌یلی خه‌مگین بئه‌شقت جونه‌م مه‌نه‌م یار دووستت دارم
له‌جه‌نگی ئه‌شقی مه‌مله‌که‌ی دڵداری به‌تیرت زه‌خم دارم
ڵوتفت بێت ئه‌سیرم قوربان نه‌وه‌ک کۆیله‌ بکه‌ چاره‌ و تیمارم

له‌به‌ر تۆ ده‌ستم به‌ردا له‌حه‌زاره‌ت سۆفیم دایم له‌ خانه‌قام
سه‌ر له‌ سوجده‌ به‌دوعا هه‌رده‌م له‌ مزگه‌وت و سۆفی خانه‌
سه‌یره‌ دڵ ره‌قیت خۆ نه‌تۆ لێما زویری و نه‌من لێت له‌ رقام
بۆیه‌ ئه‌ترسم دڵه‌ی ره‌قت نه‌رم نه‌بێت و بچمه‌وه‌ بۆ مه‌یخانه‌

حاڵی

nisha2552

کاربر

ارسالها: 3525

#858 Posted: 3 Apr 2014 17:20

دابرانيك

بةحوزنيكى بر برين بة دليكى يةكجار خةمكين جيى هيشتم
ئةوةى بونيات و ئاواتى لاويم بوو هةموى بةجاريكا بي نيشتم

ئةخر دةمن جيبكةم هاورييان كةمن لة دورى يار سةر مةستم
لةمةيخانة دايم بةياد,بةدةم دوكةل ومةى بي هؤش وهةستم

لةناو خزمان لاى دوستان شوينم نية هةر سةرخؤش وبةستم
لةناكاوى لةناسكى تةمةنم لةدارمان دةستت بةردا لة دةستم

نةك بةتةنها حالى خةمكينة خةمبارن هةمو شعرو هةلبةستم
ئةى خؤت نةت وت من بيتؤ زينم ناوى وتت من كشت كةستم

ئةى ناومت دايما نةئةبرد نةت ئةوت من كشت بيناسةو باستم
دةبكةريوة بتؤ تةنيام ئيستاش نةيةيت تا دوا نةفةس ئةوةستم

حالى

nisha2552

کاربر

ارسالها: 3525

#859 Posted: 3 Apr 2014 17:20

کۆچی کوردان

کۆچی کوردان وا بە کاروان دێ لە رێی شارانەوە
رۆژ بە باری قورس و برسی، شەو لە بەر بارانەوە

...نیشتمانی خۆمە دەیپێوم، پێم دەڵێن ئاوارەیە
گەرچی بێ رەشماڵ و پێ خواس، سەر بە کۆسارانەوە

رێگە دوور و خێڵ ماندوو و لێوبەبار و پێ پەتی
چاو بە ئەسرین دێنە پیری کۆچەکەی یارانەوە

نایە سۆزی دەنگی گۆرانی ، ھەوارە و کۆچی سوور
کاروان گوێی داوە بە ناڵەی بریندارانەوە

بۆ مناڵێ تەرمی دایکی خۆی بە جێ دێڵێ و ئەچێ
ئاسمان دەگری، مەلان دەگرین بە سەر دارانەوە

دەنگی تۆپ و تیری دوژمن دێ لە شوێنی کۆچەوە
جێ ھەواران وا بە دەستی سووری زۆردارانەوە

nisha2552

کاربر

ارسالها: 3525

#860 Posted: 3 Apr 2014 17:20

لەتۆ من زۆر پەشیمانم

دڵی تۆ لانەی هەزاران دلی بی لانەی وەک منە
بۆیە لە ناو دلی تۆدا جیگای منی هەژار ونە

مەخابن کە بووم بە دیلێ لە ناو زیندانی دڵی تۆ
جەللادیکە خۆشەویستیت هەزار دل ئەکا رەنجەرۆ

شەرتە برۆم نەیەمەوە نە بۆ دلت و نە دیدارت
حاشابی لە ئەوینی تۆ هەزار نەفرەت لە کردارت

چیتر وا ساویلکە نابم بەدەستی تۆ و ئەوینتەوە
بەئاواتم کە تەمەنت وەک مۆم بێ و زو بتویتەوە

ئەویندار نابم تاماوم عاشقی کەس نابم تاسەر
هەر عەشق بوو بەمنی دا دەرد و ناسۆر . خەم و کەسەر

ئەو ئەوینەی کە تائێسات دڵخۆشی پی داوای نازدار
ڕۆژێک دەبێ بتسوتینێ و تەمەنت پڕکا لە ئازار

صفحه 86 از 103: « پیشین 1 ... 85 86 87 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا