صفحه 53 از 103: « پیشین 1 ... 52 53 54 ... 102 103 پسین »

اشعار کردی و لکی

nisha2552

کاربر

ارسالها: 3525

#521 Posted: 17 Mar 2014 21:19

پێم ئه‌ڵێن؛ فه‌رمووته‌ شێتم! ئه‌ی به‌قوربان ئه‌و ده‌مه‌!
باسی شێتیم تا قیامه‌ت گه‌ر بکه‌ی، هێشتا که‌مه‌...

نه‌ک ئه‌تۆ، عاله‌م بزانن؛ شێت و سه‌رگه‌ردانتم!
شێته گیان! عاشق چ باکێکی له‌ لۆمه‌ی عاله‌مه‌؟!

یان ئه‌وه‌ی بیستوومه‌ هه‌ر حاشا له‌ ناسینم ئه‌که‌ی!
ئه‌و که‌لامه‌ت دڵ‌ته‌زینه‌، ئه‌و په‌ڕی ده‌رد و خه‌مه‌...

گه‌ر ئیشاره‌ی چاوه‌که‌ت، هیوای نه‌خستابایه‌ دڵ؛
که‌ی له‌ کۆڵی خۆم ئه‌نا ئه‌و هه‌موو ئێش و ماته‌مه‌؟!

وا مه‌فه‌رموو چاوه‌کانم! که‌س نیه‌ ئاگای نه‌بێ؛
حافزی ڕوحی په‌پووله‌، نووری له‌رزانی شه‌مه‌...

مامۆستا عه‌باس که‌مه‌ندی

nisha2552

کاربر

ارسالها: 3525

#522 Posted: 17 Mar 2014 21:19

لــە کـوێ بـێـنـم کـەسـێ نـەخـلی مورادم بۆ وەبەر بێنێ
بــە ئـاوی دیـــدە ئــــــاوی دا سـەرم بـەو دارە بـشـکـێنێ

لـە گوڵزاری بەهاری نییستیی سەرخۆشی هەستیی بێ
کە وەک بـولـبـول لە دەوری گوڵ سەحەر مەستانە بخوێنێ

شـکـۆفا بـێ دەمی غـونـچـەی لـەطائیف بۆ نەسیمی گوڵ
بە پسپۆڕی و بە زانایی کە رەنگی گـــوڵ نــەشــەمـزێـنــێ

فـــەنــــایـــی

nisha2552

کاربر

ارسالها: 3525

#523 Posted: 17 Mar 2014 21:20

ئه‌م دڵه‌م و ا دیاره‌ مه‌یلـــــــــی ڕووی گوڵی یــاری هه‌یـــه‌
بولبول ئاســــــــا بۆیه‌ دایــــــــــــــم نــاڵه‌ و زاری هـه‌یــه‌

گه‌ر لــــــــه‌ده‌ست جه‌وری ڕه‌قیبان من بناڵم حـــه‌ق نییه‌
چونکه‌ مه‌عـــــــــــــلومه‌ که‌ گوڵ بوو دایمه‌ خـــاری هه‌یه

‌وا له‌ عه‌شقی پڕته‌وی ســـــــه‌ركوڵمی ئاڵت چـــاوه‌كه‌م
سینه‌که‌م شوعله‌ و بڵێسه‌ی كـــــــووره‌یی نــاری هه‌یه‌

فه‌رموو بێره‌ حوچره‌یی دڵ خـــه‌ڵوه‌ته‌ بـــــــــــۆ بـه‌زمی تۆ
غه‌یری تۆ قوربان نه‌ نامه‌حره‌م نه‌ ئــه‌غیاری هـــــــــــه‌یه‌

ئه‌شكی چاوم وا له‌ حه‌سره‌ت له‌علی لێوت ده‌م بـه‌ ده‌م
جارییه‌ و سوور و سوێره‌ ڕه‌نگی گــوڵناری هـــــــــــــه‌یه

‌دڵ له‌ خه‌وفی زوڵفی تۆ بۆ گه‌نجـــــی ڕووت ڕێـگه‌ی نییه‌
چونکه‌ ده‌وری ئه‌و ته‌لیـــــسمه‌ جـووتێ ڕه‌شماری هه‌یه

(ئـه‌حـمـه‌د)ی بێـچاری بـۆ وه‌سـڵت ئـه‌نـاڵـێ ڕۆژو شـه‌و
ڕه‌نـگـی زه‌ردو ئـاهـی سـه‌رد و قـه‌لـبی بیـمـاری هـه‌یـه‌

ئـه‌حـمـه‌د مـوخـتـار جــاف

nisha2552

کاربر

ارسالها: 3525

#524 Posted: 17 Mar 2014 21:22

ناسۆری ته‌شه‌نا

وه‌ره‌ مه‌یگێڕ ده‌مه‌وێ ئه‌وشۆ خه‌می دڵ که‌م که‌م
لووزه‌وم به‌رده‌ سه‌رێ نامه‌وێ جورعه‌ی که‌م که‌م

ته‌شه‌نا بۆته‌وه‌ ناسۆری ده‌روونم دیسان
زامی کۆنه‌ و به‌ مه‌یی کۆنی ده‌بێ مه‌ڵهه‌م که‌م

مشت و ماڵی ده‌وێ ئاوێنه‌یی ژه‌نگاوی خه‌یاڵ
مه‌ست و گێژم که‌، هه‌تا گاڵه‌ به‌ جامی جام که‌م

ئێسته‌ بۆ چاری خه‌مم گۆشه‌یی مه‌یخانه‌یه‌ جێم
من که‌ ڕۆژێک ده‌مه‌ویست میڵه‌ته‌که‌م بێ خه‌م که‌م

تا نه‌ڕووخاوه‌، بڵا پڕ بێ له‌ خۆشی و مه‌ستی
تازه‌ پێی ناوێ ئه‌من هۆده‌یی خۆم مه‌حکه‌م که‌م

چۆن نه‌به‌م بۆ مه‌ی و مه‌یخانه‌ په‌نا تێ گه‌یوم
له‌و وڵاته‌ هه‌موو شت زۆره‌، به‌نی ئاده‌م که‌م

پیر و زورهانم و ئێستاش ده‌ڵه‌که‌م هه‌ر ده‌یه‌وێ
سه‌ر و ماڵم به‌ فیدای خاڵ و خه‌ت و په‌رچه‌م که‌م

داستانی مه‌م و زین کۆنه‌، کچێکم گه‌ره‌که‌
شلکه‌ ڕانی بکوشم بۆنی له‌ سینگ و مه‌م که‌م

من له‌ جوانی ده‌گه‌ڕێم، تێپه‌ڕه‌ زستانی دزێو
کچ که‌ ڕووم ناده‌نێ، با سه‌یری گوڵ و شه‌ونه‌م که‌م

شه‌ڕه‌بایه‌ له‌ چیاکان و هه‌وا تووشه‌ ده‌نا
وه‌کوو شێتان ده‌مه‌ویست ڕوو له‌ چیای ئه‌سته‌م که‌م

هێمن

nisha2552

کاربر

ارسالها: 3525

#525 Posted: 17 Mar 2014 21:23

ئیشی من ئەوەیە دەریا تا سەر لێوی تۆ بهێنم
وابکەم لە تەمدا جوانتر ببینیت
نەهێڵم گوڵی حەوشەکەتان پیربێت
نەهێڵم باغەکەتان بگری
نەهێڵم خوا لێت زویر بێت..

ئیشی من ئەوەیە نوور تا سەر رۆحی تۆ بهێنم
وابکەم گوڵ فەرامۆشت نەکات
نەهێڵم خۆر لە ماڵتدا ئاوابێت
نەهێڵم خامۆشی بگاتە میهرت
وا بکەم خوا تۆی لە بیر بێت..

ئیشی من ئەوەیە درندەکانی ناو رۆحت پەتکەم
فریشتە تا بەر دەرگات بهێنم
نەهێڵم شەیتان بگاتە ژوورەکەت
نەهێڵم پاکیت هەڵوەرێت
وابکەم دەستت لە ئەستێرە گیربێت..

ئیشی من ئەوەیە پاسەوانی حەوشەی پر کۆترت بم
گوڵت بۆ بکەم بەدەرمان
نەهێڵم بوکەشوشەکەت بگری
وابکەم مانگ لەلات ژیر بێت.

به ختیار عه لی

nisha2552

کاربر

ارسالها: 3525

#526 Posted: 17 Mar 2014 21:23

لــــه‌ پــــه‌نجه‌ره‌ی ژوره‌کـــــه‌م بـــه‌
بــــــا ده‌رگــاکــــه‌ت بۆ واڵا کــــــه‌م

چـــاو دامــه‌خـــه
‌
فــوو له‌ چرای ســــۆمات مــــه‌کــــه‌
نـــه‌ک پێ بــه‌ســـــه‌ر دلـــما بنێیت

ده‌ســـتت بــێــنه
‌

ئــــه‌م جیهانه‌ جه‌نگه‌ڵستانێکی چره‌
خوانه‌کرده‌ نه‌ک له‌ غـــه‌ریبیدا بمرین
با گوێ لـــه‌ خـــه‌مـــی یــه‌ک بگرین
قـــــوربـــــانت بــــم ده‌ پێـبکــــه‌نـــه
تا خونچه‌ی لێوت ببینم که‌ده‌پشکوێ

تــا هـــــه‌نگی ناوم ببینم
له‌و به‌ره‌ی لێوته‌وه‌ ده‌فرێ

گـــوله‌ بـــه‌فرینه‌که‌ی دڵم
ده‌ستت بێنه‌ره‌ ناو ده‌ستم

تا ئـــاوازی گۆرانی ته‌مه‌ن نه‌شێوێ
تــــــا بـول بــول چـــــڵ جێنه‌ هێڵێ

ده‌ســــتت بــێــنـــــه‌
خـۆت زیز مــــه‌کــــــه‌
له‌رزه‌ که‌مه‌ر تێمه‌په‌ره
‌
لـــــه‌ هــــه‌ر کـوێ بیت ده‌تدۆزمه‌وه‌
چونکه‌ بۆنی سنه‌وبه‌ری ته‌رت لێدێ

nisha2552

کاربر

ارسالها: 3525

#527 Posted: 17 Mar 2014 21:54

چوارینه‌کانی خه‌یام

سه‌رخۆشبه‌ به‌ مه‌ی . له‌سه‌ر ده‌راوێژه‌ که‌ســه‌ر
ئـــه‌م کورته‌ ژیانه‌ ڕێی خــه‌مـــانـــی مــه‌خه‌بـه‌ر
بــه‌س گـــێژ و نه‌زان و هێڕبه‌ ! خـۆ تۆ زێڕنــــــی
ژێر خــــاک بکرێی . دووبـــاره‌ بتــهێننــه‌وه‌ ده‌ر!!
----------------------------------------------------

په‌ندێکی لکداڵه‌که‌ت بـــــده‌ مامه‌ی پیر
با بازی به‌ خاک و گڵ نه‌کا ژیری به‌ بیر
بێژنگی له‌ده‌ست ده‌ربێنه‌ به‌س دایبێژێ
که‌لــله‌ سه‌ری پـــادشــاه‌ و میر و وه‌زیر
---------------------------------------------------------

له‌ش ناسک و لاو چاکی وه‌ها هه‌ن کچ و کوڕ
گــــــــول دڕکه‌ به‌رامبه‌ری بکه‌ی بێکه‌سه‌ دوڕ
گه‌ردوون که‌ به‌ دانسته‌ ده‌یه‌نکا ، وه‌ک شیت
تێکیان هه‌ل ده‌شێلێت و ده‌یانکاته‌وه‌ قـــــــــوڕ
------------------------------------------------------------

تــــا که‌نگێ خه‌ریکی پێنج و چواران مه‌یـگێڕ
دلــخۆشی بــــده‌ کـــــۆڕی یــــاران مه‌یـــگێڕ
ژیــــن کورته‌ ئه‌وه‌ی نـــــایه‌نێ خه‌م دابگرین
بـــــۆم تێکه‌ به‌یادی چــــاو خوماران مـــه‌یگێڕ
--------------------------------------------------------------

خــــۆ لامه‌ده‌ ده‌ی باده‌که‌ بــــــــا بیت مـــــه‌یگێڕ
بــــه‌رمال و جبــه‌ت گـــره‌و لـــــه‌ لابیت مـــه‌یگێڕ
گــوێ بــگره‌ له‌من هه‌رجی مه‌لا و شێخ وتــــیان
ده‌ گوی مه‌گره‌ ! لات وه‌کو وه‌کوو با بێ مــــه‌یگێڕ
------------------------------------------------------------

جاریکی به‌ مه‌به‌ستی عه‌ره‌بێکی پێــــخواس
نه‌یزانی له‌ لۆکی هه‌مزه‌ راساوه‌ بـــــه‌ داس
مه‌ی بۆیه‌ حـــــــه‌رام کراوه‌ سـا سه‌یرکـــه‌ن
کورد بۆیه‌ ده‌لێ له‌ هه‌مزه‌ جی داوه‌ هه‌باس
----------------------------------------------------------

ئـــــــای خۆزگه‌ ببایه‌ جێگه‌ بۆ سانه‌وه‌یــــه‌ک
لـــــــه‌م ڕێگه‌ دووره‌ سوڕ و پێچ دانه‌وه‌یــــه‌ک
سه‌د خۆزگه‌ له‌پاش نه‌مان وه‌کوو سه‌وزه‌ گیـا
بـــــــــکرایه‌ له‌ گڵ هومیدی هه‌ڵدانه‌وه‌یـــه‌ک
--------------------------------------------------------------

بـــــــۆ گۆزه‌ کڕین چوم بۆ لای گۆزه‌ کـه‌رێــــک
سه‌د گۆزه‌ به‌من پێکه‌نی هه‌ریه‌ک له‌به‌رێــــک
ئێمه‌ی وه‌ک خۆت ئه‌به‌یت سبه‌ینێ خۆشـــت
وه‌ک ئیمه‌ ده‌بیت به‌ گۆزه‌ لای بێ خه‌به‌رێـــک
---------------------------------------------------------

ڕابــوێــره‌ بـه‌ ســه‌ربــه‌رزی بــه‌ نــان و ئــاویــک
ســه‌ر دامــه‌نــه‌ویــنــه‌ بــۆ هه‌مــوو ناپیــاویــک
لــه‌م ڕێــه‌ کــه‌ هــه‌ر ده‌مێـــکــه‌ دێــت و ئــه‌ڕوا
مــه‌ردایــه‌تــی مــه‌فــرۆشــه‌ لــه‌ پێــناو تاوێــک
------------------------------------------------------------

خــه‌و به‌ســـیه‌ به‌یانه‌ هه‌سته‌ چـــاوکاڵی شـه‌پــــاڵ
گـــفتیکی شیـــــرین بــــکه‌ مــه‌زه‌ی بـــاده‌ی تــــــاڵ
کــــــاروانی ژیـــــــــــان ده‌ ئـــــاژوێ ڕو به‌ نــه‌مـــــان
هـــاکا مـــــــنو تـــــــۆش بوینه‌ خــــه‌ون و خـــه‌یــــاڵ

nisha2552

کاربر

ارسالها: 3525

#528 Posted: 17 Mar 2014 21:54

لە نەهرەینی دو چاوم ئەشکی خوێنین
پەیاپەی دێ پەیاپەی دێ پەیــــــــــاپەی

گوتی نالی ئەتۆ بمرە ئەمن دێــــــــــــــــم
خودا کەی بێ خودا کەی بێ خودا کەی !

نالی

nisha2552

کاربر

ارسالها: 3525

#529 Posted: 17 Mar 2014 21:55

لــــەکـــونــجــی خــەڵــوەتـــی ‌غــەمــدا کــە مــەشـغـووڵـی ڕیـاضـاتـم
شـــــەو و ڕۆژ حـــەصــری فـیـکـری پـەرچــەم و ڕووی تــۆیــە ئــەوقـاتـم

بــڵـــێـــســەی دۆزەخـــی عـــەشـــقـــت مـــنـــی ئــاوارە کـرد، وەرنـێ
بــــەخــــۆڕایـــی نــی یـــە جـــەنــنــەتــی عــیــرفــانـــی تــــــەوەلاتــم

ئــــەگــــەر بــــۆ خــزمــەتـت کـــاغـــەز نــەنـوسم ، چــاوەکەم ، حەقمە
لـــەبــــەر بـــێ چــــاوی یـــە ، دوور بـــێ لــەتــۆ ، گـــەر بێ مــوبـالاتم

ئــــەگــــەر بــــێ بـــــاوەڕی بــــڕوانــــە ئــــاوێـــنــــەی دڵـی خـــۆشـت
کـــــە قـــــوربــــانـــــی دڵــــی ئـــاوێـــنــــەوو حـــوسنـــی تــەمـاشاتم

لــــە دیـــــوانـــی چـــەمـــەن زاری مـــەحــەبـبـەت هــەروەکــو قـــومری
بــــەڵا گـــەردانــــی ســــەروی مـــیـصـــرەعی مـــەوزوونـــی بـــاڵاتــــم

لـــــە بـــــۆ مـــیــحـــرابـــی ئـــەبـرۆی تـۆیــە گـەر مـەجـبـووری مزگەوتم
لـــــە نــەشــئــەی چـــاوی مــــەســتـــی تـــۆیــە مـەفـتـوونی خەراباتم

ئـــــەگـــەر فـــیـــلــم ، لــەبـەردەسـت ئـەسپی تۆدا فەرضە بەیدەق بم
وەگــــەر شــــاهـــــم ، لــە عـــەرصــەی عــەشقی تۆدا بێ ڕوخت ماتم

لـــە بــــەزمـــــی حـــوســنــــی خــــۆتــــا تـــوخــــودا جـار جـارە یادم کە
کــە مــــن پــــەروانــــەکـــەی ڕوخـــســـاری شــەمـعـی مـەجلیس ئاراتم

{دیـــــوانــــــــی بـــــێـــخــــــود}

nisha2552

کاربر

ارسالها: 3525

#530 Posted: 17 Mar 2014 21:55

تۆبەکردن

وا پیاوێ عومری چووە حەفتا ساڵ
بێ تێگەیشتن،بێ عەقڵ و کەماڵ
چاکەی نەکردووە خێری نەکردووە
قەسەمی بەراست هەرگیز نەخواردووە
نازانێ ئیمان چٶنەو چۆن نیە
بەهەشت چۆنەو جەهەنەم چییە؟
نازانێ ئەسڵ و فەرعی دین کامە؟
کێ جوولەکەیەوە یا کێ ئیسلامە؟
وەختێ کە پیر بوو قووەتی نەما
شەریکە دزی شەریکی ناکا
ئەگەر چێ جاران بەقووەت بووە
کۆڵهەڵگرتنی لە دەست دەرچووە
دەرەقەت هیچ کەس نایە بەزۆران
تا جەردەیی کا وەک جاری جااران

قانع

صفحه 53 از 103: « پیشین 1 ... 52 53 54 ... 102 103 پسین »

شعر و ادبیات /

اشعار کردی و لکی

برای دسترسی به این قسمت میبایست عضو انجمن شوید. درصورتیکه هم اکنون عضو انجمن هستید با استفاده از نام کاربری و کلمه عبور وارد انجمن شوید. در صورتیکه عضو نیستید با استفاده از این قسمت عضو شوید.

↑ بالا